星期六晚與數名blog友見面, 第一次真正出席blog友的小聚啊! 下午唱完K後, 兩位(+2!)先走, 餘下我們一行三人繼續下場.
邊走邊想去哪裡, 忽然想起一間常常經過但都從未光顧的酒吧, 每次經過都很想進去, 一地的花生殼, 很喜歡這種無手尾氣氛! 多年前在加州和友人也到過一間這樣可以瀟灑吃花生的餐廳.
踏進酒吧時見門牌名為Inn Side Out, 有室外及冷氣位, 酷熱天氣, 三人當中又有二人是潔癖人士(包括我), 怎可能坐室外啊?
時值晚上八時多, 尚早, 客人都是吃晚飯的多, 還未至人山人海.
現在看清楚相片中的餐牌才知道我們坐的位是屬於East End Brewery(14號舖)的, 那麼究竟Inn Side Out(9號舖)和East End Brewery是不是同一老細或什麼的?
原來有酒喝有人可以一點東西也不吃... 於是三個人整晚就只叫了一碟德國腸加薯蓉和茄汁焗豆.
最高興當然是每開一粒花生便可順手丟到地上, 更可用來擲人!
哪管它是Inn Side Out抑或East End Brewery, 數小時的閒談都蠻好玩, 我們有沒有都inside out??? 我一向為人坦白, 我都幾inside out架果晚. 不知兩位如何呢?
有人說三年一個generation gap, 三人中有位小妹妹與我們相隔成個decade, 可謂三個幾gap架! 不過又好似無乜gap噃. 其實我都好耐無去酒吧飲野啦, 以前同我去蒲既朋友唔係離開左香港就已經離開左飲野既年代. 所以呢晚我真係好enjoy架!
這裡的確是很不錯的聚腳地. 食物OK, 酒方面都比較烈, 同名的酒類在其他地方都未必有這裡勁. 年代不同了, 我以前喝一杯Long Island都是$60左右, 這裡要$80一杯.
Inn Side Out
銅鑼灣新寧道10號新寧中心地下
電話: 2895 2900
OpenRice連結
East End Brewery
銅鑼灣希慎道10號新寧大廈地下
電話: 2577-9119
OpenRice連結
11 comments:
LDD總喜歡跟喝長島冰茶的交往。
Inn Side Out係幾年前都去過一次，我就在室外的，亂咁掉花生殼的確爽，不過初初有d唔慣架~
程霜: 哈, 不過只他一人喝長島, 我們都沒有喝啊. :)
sa: 因為都慣左食完野整整齊齊放響枱上嘛. :)
east end is lovely!
"有人說三年一個generation gap, 三人中有位小妹妹與我們相隔成個decade, 可謂三個幾gap架! 不過又好似無乜gap噃."
証明我同妳心境青春, 而且彈性甚勁! 亦証明咗佢成熟呀! ^~
"其實我都好耐無去酒吧飲野啦, 以前同我去蒲既朋友唔係離開左香港就已經離開左飲野既年代. 所以呢晚我真係好enjoy架!"
有靚仔喺度, 梗 enjoy! ;)
"我一向為人坦白, 我都幾inside out架果晚? 不知兩位如何呢?"
我直頭嗰晚心扉不設防啦! ;)
Vely happy! ^^
good fun!!!
but aiya... miss jor tim :P
inn side out都係賣飛佛呀!!!果度又叫花生吧,好爽呢~ 隨地dump垃圾唔洗罰錢架!!! ;)
啊!這是我跟廣告公司的好朋友經常去的老地方,我們已幫襯了10年了,我們很喜歡在室外坐,而且食到一地花生!
最可惜是"邀月"已執粒,那兒也是一處好地方!
pk_: yes, nice place.
LDD: "有靚仔喺度, 梗 enjoy!" 不太敢苟同... :P
lu: yes, it was fun!
小蓓: 真伙非常爽!
kajie: 果然係廣告人呀吓! "邀月"以前都有去, 幾次啦, D野食就唔多抵, 如果好鍾意飲茶就幾好囉, 不過我唔太好茶.
咁高興都唔預埋我 ^^
堅仔: :) 下次丫!
Post a Comment