都說互聯網力量無比, 下午在網上流連一會, 給我找到一個絕了交的朋友的半隱蔽blog, 當然也看了好一會.為什麼絕交? 詳情不說了, 總之不是男女私情, 都是友情問題.
我很少和朋友鬧翻, 這個絕對沒有興趣重修舊好, 有些人你的確少了他一個朋友完全是沒有什麼值得可惜的.
怎樣才會原諒他? 除非他肯向我認錯或會考慮. 對, 我是可以頗絕的.
看著他的blog, 我好像看到一點自己的影子. 始終曾經是熟絡的朋友, 怎也有些共同的喜好和特徵.
然後我又想, 或許自什麼時候開始已有失去聯絡或不再聯絡又或絕了交(其實不多)的朋友發現了這裡然後知道是我, 然後有空便上來追看. 他們會怎樣看我呢? Anyway, 既然都沒有朋友做, 我也應該不用細想... 好絕...
記得友人在他的blog上說, 日漸不斷失去朋友, 每個季節, 每數個星期. 然後我想, 多年來有新認識的朋友, 我失去的大都是這些出來工作之後才認識的朋友, 認識了十多廿年的朋友我絕少會失去. 相信我這個不再同路的舊朋友應該反省為什麼朋友一個一個離開他自己.
13 comments:
緣盡, 真係咩都冇 ga 喇!
唉, 友情如是, 愛情如是, 親倩亦是.
也許, 人生亦不可能永遠沒有緣盡緣滅吧.
是網上交的朋友, 還是真正認識的朋友?
Din: 有時覺得自己是否太絕. 另一友人問: "咁我結婚點請哂你兩個呀?"(上次我都有話你知架呢), 我咪話: "當睇佢唔到囉!"
uncle ray: 咁緊係現實識左好多年既朋友啦.
阿大, 記得係邊單. :)
另, 哈~ 我都係好絕.
人愈大,才發覺可以什麼也分享的朋友愈來愈少,因為大家多了一份"比較". 共患難不易,共富貴亦難!
而且除了際遇不同之外,根本也不太多人喜歡對朋友以真面目相見...
我最近都有同樣既經驗, 三個月前同一pair朋友絶交. 內心係有少少唔舒服, 但係同時又有一種痛快. 我仲記得, 最後一個電話大家講左d咩. 有時共同朋友都間唔中傳番佢既消息比我. 我估好快我真係可以平服
kajie: "共患難不易,共富貴亦難" 都係既. 不過中學甚至一D大學時識既好多都可以. 工作之後認識既就難D, 好多時就算好投契吓都可能一段日子之後都無再聯絡.
虎茶: 唔會再做番朋友?
唔會啦！做番朋友都係扮出黎jel. 不如大家各自生活仲好啦．
其實無朋友做，係因為我好僧佢個男朋友喎，大家夾硬"做朋友"兩年，而家無聯絡，反而成個人鬆晒．我身邊有好多朋友都為我既做法覺得好快慰，而佢地做唔出，唯有次次gathering都要硬食果位"男朋友"．
我深信，你係咩人就有咩朋友，我地道不同，點解要為所謂的老朋友關係，而迫自己呢? 每個人都有唔同既發展，我咪let it go!!! yeah
虎茶: 咁即係都係因為佢個男友啫... 咁都係因為你太重視呢個朋友但係佢男友超惡頂... 相信好可能不久佢地都分手呢... 我估咋, 我都見唔少咁既情況.
佢地會唔會分手, 我心中有數, 而唔會分手既原因, 都係因為佢兩個好夾呀, 你想像下佢地好夾, 咁即係我朋友個為人都係同佢男朋友一樣, 只係一個顯性(佢個男朋友), 一個係內在性(我個女朋友). 同佢無朋友做, 我都預在的. 心情要小小時間去處理, 但係我知最後都會得到快慰.
好似好多嘮蘇咁呀.... hehehe... 其實我ok. 你都放開d喎
虎茶: oh i c. 我放開好耐啦, 因為呢個所謂friend都真係唔抵爭. 連其他朋友都勸我: "由佢啦, 呢D人你少佢一個朋友又算係咩吖" 所以咁多年黎佢不斷失去好多朋友.
有時候不用爭吵
也會因際遇不一而失去朋友
位置變了, 各有隊友
嬲記: "位置變了, 各有隊友" :) 有沒有... 被追著走... 的某某.
Post a Comment