星期五晚上十時才吃晚飯, 時代廣場依然非常熱鬧, CPK竟然早休息要大清潔(經濟好到可以Friday night生意都唔休做?), Tony Romas又要等, 我們便跑過隔鄰新開了不久的798 Unit & Co. Gastropub, 經門口的小姐介紹, 原來是European cuisine.非常熱鬧的餐廳, 燈光十分幽暗, 人聲加音樂聲, 很Friday night的感覺.
餐牌是一大張的, 選擇不算很多, 飲料及酒是另一本小的. 水是要付錢的, $26細$35大, 所以怎也寧願叫杯Iced Tea好過了, 他則叫了杯紅酒.
我不太想吃, 見有許多頭盆及tapas, 於是我們叫了一個pizza(八寸的超薄), 一個linguine(得幾撮), 小吃/頭盆要一個sardines(只得一條肥肥的和一些不錯的沙律), lamb loins(小小的六件bite size的).
沒有帶相機, 燈光太暗所以手機拍的相片亦太差了, 恕這回未能圖文並茂.
食物是不錯的, 不過份量都少得很, 當侍應問我們意見時, 他對他說: "唔錯, 不過份量好似試菜咁, 我咁瘦都食唔飽... "
甜品選擇卻有點驚喜, 我問侍應什麼是Trios Chocolate, 他說其中一個是spicy的, 一聽到甜品是辣的我便沒有興趣, 揀了個"Lychee", 是crumble加啫喱加雪糕, 還有啖啖的荔枝肉, 有點像mousse, 非常不錯, 我給它90分! 是全晚最滿意的了!
結帳$462但有人未飽... (亦想不到再可以叫什麼... )
結論是比較適合一桌的女人, 因為男士們可能要叫很多才有滿足的感覺.
上網搜尋, 原來這是分店, 第一間位於尖沙咀厚福街9號1樓. Open Rice的連結也是介紹尖沙咀這間.
地址: 銅鑼灣時代廣場12樓
11 comments:
貴，一定唔去。
我有個男性朋友好細食，佢話鍾意食d貴夾兼平常人唔會飽既野，咁呢間一定啱佢心意~
um.......有無生蠔架？
aulie x 2
i'm sure i'll still be hungry by the end of the meal :(
我去開尖咀果間,甜品好得!我都唔知銅鑼灣開左分店添,多謝你呢個消息!! =)
aulina: 唔算太貴, 不過就唔多抵...
sa: 咁你個friend要去試吓啦. 生蠔好似唔多覺有.
lu: :) then maybe u have to order a pasta and a pizza just for yourself. ha.
小蓓: 尖沙咀果間開咗好耐啦?
早陣子去過，拍了點照片
http://www.mildbutcalmless.net/wordpress/2007/05/04/dining798/
價錢是有點貴，不過真的很好吃，值得大時大節吃好的時候去
ray: 嘩, 你影果隻大雞好正咁喎!
尋年年中已食過,我諗開左一年多至兩年時間囉~ 但尖咀的舖位好有feel,係一幢舊式矮樓,歐陸feel的樓梯上二樓的。經常見大班人包左餐廳一個角落食飯飲野。
舊年年中先啱...呵~
小蓓: 哦, 咁我諗尖沙咀果間應該好好賺所以可以響時代廣場開咁犀利.(租一定貴好多)
是呢
想起果隻雞有d後悔, 好睇吾好食,
我記得好似話可以唔叫全隻的..
Post a Comment