對話

"嘩, 啲涼粉勁苦, 仲苦過條命!"

"哈, 仲苦過條命, 你條命定我條命先?"

"我條命同你條命, 不相伯仲啦! 你就心靈上嘅苦, 我就皮肉嘅苦... "

:) 此乃本週金句也.

對話

"你咁都唔明... 唉, 女人到咗某個年紀就會好蠢! 你有讀碩士架!"

"宜家通街都係碩士"

"最弊你嗰間唔係咩Upper XXX State 大學, 話哂都係XXX吖! 點解咁蠢架!"

********

一西餐廳內三個五十多歲女人和一名和尚同桌晚飯後在聊天. 對話主要是婦人A和婦人B, 其餘都在聆聽. 她們說了一輪有關水晶及香薰之類的東西.

A: 玫瑰吖, 玫瑰好得!

B: 係呀? 我咩都唔信架, 咩水晶呀...

A: 得架, 真架. 玫瑰. 千幾蚊左右啦. 按個肚, 好有效. 你知嘛, 會有女人嗰種開心, 好得!

B: 女人嗰種開心, 即係點?

A: 女人嗰種開心, 即係女人被愛嗰種感覺!

坐在她們三尺後, 差點大笑了出來!

"唉, 都話啲女人到咗某年紀就越來越蠢!"

"好彩我信咗耶穌, 真係唔想幾廿歲人變成咁... 女人越老越蠢, 不過男人越老越賤... "

兩段

對話

"睇咗你篇嘢啦, 速遞員都有偈傾呀你?"

"嘩, 識咗好多年架啦, 我喺度咁耐咁耐!"

"你真係呢... "

"阿XXX呀, XXX呀都有同佢傾偈架... 好多年前佢有次話我知燒嘢食見到我添... "

"佢同你哋去燒嘢食?!"

"唔係... 嗰次... "

"真係呢... "

"今日阿XXXsend咗個email俾我呀, 話呢兩日都諗起我, 幾好呀!"

"個個男人都諗起你架啦!"

"哼!"

******

好友來郵/電

今天好像很多人找我似的. 下午轉寄電郵時, 忽然見到有新電郵, 原來是馬來西亞的好友, 他說這幾天都想起我, 很sweet啊! 然後二人往來了數個電郵. 下午出去找吃時, 因為見到外面天氣很好, 在轉電梯期間用手機拍了數張街景相片, 於是也一併寄給好友看.

一兩小時後, 另一好友會計公僕打電話來閒談了兩句, 原來她的office轉了來我區, 以後可以一起吃午飯了!

或許星期五都是想念友人的日子, 收到兩個好友的來電/郵, 也可以愉快數小時.

對話

妻: 我個friend XX, 阿邊個呢, 佢同佢老公咪05年年尾結婚既? 佢有左呀! 佢老公係佢初戀情人黎架, 十幾年...

夫: 生咩丫, 咁鬼老仲生. 果日我先同同事講...

妻: 幾犀利呀, 十幾年感情, 一結就生...

夫: 咩你覺得有細路好有福咩?

妻: 哎呀, 緊係啦, 無細路果D, 人地話膝下猶虛呀...

夫: 一係又咁傳統, 第二D又唔見你咁傳統?!