那天去看物理治療, 都是一向的lower back pain及肩膊勞損, 上星期天天都下雨, 我的下腰便天天都沒好日子過.治療師看我時, 說範圍太大了, 真不知從何入手. 我說: "咁就攪掂我最痛果忽先啦!" 他回答: "弊在淨係攪掂你最痛果度都唔得, 因為範圍實在太大啦... "
於是lower back部份他治療的面積有A3紙那麼大, 痛得我叫起來.
這兩天當然好了許多.
範圍太廣, 不錯, 現實中我面對的難題也範圍太廣了, 只針對一兩個小事情是解決不了所有問題... :( 可憐.
*找到一篇頗有用的背痛文章, 有用的看看吧: How To Fix Your Own Back Pain
看來我還需要一篇How to Fix Your Life的文章...
10 comments:
我的肩胛骨又有問題,今日"蛇"左去睇醫生,此乃職業病因要長時間在桌面工作,無計!唉!!!
我問中醫師如果我嫁左吾做是否會痊癒?她沒好氣地回答我:"即使你好有錢無左呢個問題,你的身體也會有另外一些問題,做人梗係有病家啦!"
吹脹!
btw,你有無嘗過針灸？我有個學生有非常嚴重的肩問題也醫好！take good care ah...
p.s 上一回你問到那baking chocolate在哪兒買，我在baking class的center買，比city super平得多啊！
kajie: 我的物理治療師也會針炙, 有時也會用上, 但不是經常的. 我那天也說, 除非一星期可以去做兩次body massage, 然後去看他一次, 一定不再有問題, 但我哪有那麼多時間?
and thanks for the chocolate info.
Try www.lifehack.org for tips in life. Not everything will be useful and some may be plain common sense, but you never know :)
thanks kkl!
Take care la!
不過腰骨出毛病也是很多文職人員的通病.
或許可以試試 pilates，我覺得對腰酸背痛很有幫助。
同病相憐,
停止了物理治療, 今天轉了看脊醫, 且看功效如何.
人生方面, 也在尋求有效的治療方法.
你受傷幅度有成A3紙咁大?都幾犀利喎!!!小心保重,啲腰有事,真係手尾好長架。
職業病加扭傷過腰,我都睇左一年物理治療。而家無睇三年啦,硬係覺得無得斷尾,唔想無了期咁睇落去。試過做yoga同pilates,感覺唔錯。但太多yoga負面新聞,都幾驚。
uncle ray: agree.
muggle: 我都玩過pilates一兩年, 但嫌它太柔, 沒有汗出... 或者自己在家做好了.
愛美: 我也有朋友當脊醫, 不過這個物理治療師看了多年, 都幾夾.
小蓓: 其實係多年既問題, 中學時玩溜冰跌過, 尾龍骨歪歪地, 前幾年發現原來一直都有scoliosis, 所以咪咁多事幹囉... 無計啦. "硬係覺得無得斷尾" exactly! 宜家睇少左架啦, 一個月一次"執執"咁啦, 最初一個星期睇幾次架. 近年跳番ballet其實條腰仲差左.
Post a Comment