差不多每天都乘的士上班, 由於不聽iPod/MP3(十分鐘也不需要的車程, 還聽什麼歌?) 所以我喜歡開著收音機的的士, 最好是純音樂. 有好些司機很有品味, 會播放古典音樂又或懷舊英文金曲, 實在令人精神為之一振. 聽電台節目的, 最好就是瘋Show快活人, 他們三個永遠令人興奮.很怕完全沒有聲音的車程, 一片死寂. 雖然偶然看看風景蠻寫意, 但有音樂或人聲伴隨, 感覺更好.
最怕是有味的的士車廂. 昨天下班後趕去上跳舞課, 便上了一輛"狐"味極濃的的士, 實在難耐. 唯有打開少少窗透啖氣.
說個不停的司機可以很煩人. 不過心情好時也會應酬一兩句, 愛說話的司機便會很高興, 然後下車時總會遞上他的名片希望我下次可以有生意給他.
不曉路又誤人時間的的士當然是最氣人的. 幸而很少給我遇上.
14 comments:
"幸而很少給我遇上."
..... 妳就好啦!
另, 我更怕泠氣唔夠嘅的士.
Din: 都少喎, 唔開咪仲死!
的士司機的確好人性化, 佢既言行會令乘客有好多反應. 唔同地鐵, 無人會諗個司機係點, 巴士都係上車一刻見過面, 跟住又無咩印象. 飛機師, 更加係一個角色, 只係拍戲時見得比較多. hehehe
虎茶: 咦, 我無諗到咁多野添... 的確, 的士司機比較同乘客近距離. 小巴都算係.
播放古典音樂是好的，但我也試過播粵曲的，好鬼悶。
有味的我也怕踫上。現在我上車後會像dog咁索一索, 冇事才說目的地.
uncle ray: 播粵曲就好少, 如果係就慘咯... 有味通常都無計, 太趕時間唯有頂硬上.
Taxi...just trying to remember when was the last time I took taxi. :P
The taxi fare in HK must be very expensive now!
MC~
oh!通常我搭的士時也喜歡"撩"司機叔叔傾吓計,了解下市道/環境/時事...總之吹水啦!
我坐的士上班一定會指定路線, 有次我剛說出目的地, 司機就把路程就了出來, 然後笑說載過我好幾次了.
你番工的時間播緊瘋Show快活人, 你都番好晏. 你就好啦!
我在港的時候幾乎都不坐的士
因我在港的時候都好窮
但我愛的士
很多私人空間 (比起小巴和巴士)
mugen c: no, taxi fare is still quite cheap here. $15.00 when flag falls (1st 2 km), every additional 200 meters $1.4. a 10-15 mins ride is less than $50.
kajie: 我又唔會撩司機叔叔傾偈... 費事遇著D怪人啦.
愛美: 我都試過同一個司機遇過幾次啦. :)
嬲記: "很多私人空間" 咁緊係啦.
試過有個不知所謂嘅的士司機，成50幾60歲，猛同我講佢老婆唔理佢，佢揾個人去take care佢嘅事，我初時以為佢話請咗個工人，點鬼知原來係包咗個妹妹仔，係take care佢性方面...睬！佢仲想講咸嘢，好彩我就落車！XYZ佢呀！
miss yim san: 好驚啫, 呢D一定唔好理佢.
Post a Comment