有時不去想寫什麼, 坐在電腦前, 嘗試以一個局外人, 一個陌生人的角度來細看自己的blog, 嘗試去感受自己post出來的東西, 圖片, 文字.這個blog好看麼?
或許我平日寫得太密太快, 寫完自己也不再多看, 時間都用在看留言和回覆留言上. 寫時只享受把所思所想一一寫下來, 要快, 因為我想得太快. 因為意念源源不絕, 因為腦袋轉個不停.
停一下. 看一看. 這個星期寫了些什麼. 這個月寫了... 什麼? 十九天又寫了四十篇, 這篇是第四十一篇了.
寫得多寫得快, 因為我就是如此性子急又多言多想.
其實寫的人又怎能完全抽出來以局外人身份看自己的東西呢.
相信blog給blog主的感覺和看的人對那個blog的感覺是完全不同的.
你問我喜歡自己的blog嗎? 當然喜歡, 它是我的血汗, 心機, 生活的一部份(currently啦). 你喜歡看麼? 但你喜歡的感覺又怎會和我的一樣呢?
有些blog我真的很喜歡看. 雖然blog主未必常常更新, 但就是永遠給人很舒服的感覺, 或許blog主自己不以為意. 有時會像想念一個人一樣地忽然想起一些blog, 然後叫自己記緊上網時到訪, 因為我不太喜歡用rss看blog. 喜歡隨心隨意四處到訪.
這個鐘數我竟然坐在電腦前, 對, 一個下著雨又一個人過的週末. 我需要安靜. 就讓我細看自己的文章, 自己的無聊文字, 自己的牢騷.
20 comments:
我會時不時睇番自己啲舊文架。感覺好特別，每隔一段時間之後，都會有不同嘅感受，甚至有時會有點詫異，吓，點解會咁寫嘅?或者點樣寫得出咁嘅嘢架? 總之，好過癮喇！
xiao zhu: 我好懶, 好少睇番自己既文. 通常都係寫完果日睇幾次, 之後就唔理咯.
妳又真是寫得很密, 但亦很有水準.
最衰我還是用手寫版...
uncle ray: 手寫板唔掂呀, 好慢架, 試吓學簡易丫, 我初時(十一年前)都係工作需要迫住要學. 或者aulina果隻行列都好呀, 佢打得好快, 一分鐘70字!
我對你寫Blog的速度和內容都陪服得五體投地﹗
一分鐘70字? How??
...你覺得九方輸入法好唔好呢?
暗黑的卡夫卡: 多謝捧場. 我都有睇你兩個blog架. 一分鐘70字唔係我, 係aulina. 九方好難吓, D碼太少. 簡易已經好易又方便.
你真的寫得快，個腦一定轉得好快！我不會常常睇自己的舊文，不過睇返一兩年前自己的post，會有睇緊陌生人寫的文章的感覺，有時仲會覺得文筆有點可恥 :P
it's relaxing to read your blog. sometimes I feel more enjoyable to read yours rather sparing time to write mine...hahaha...
Well, i enjoyed the topics you chose and the varieties, that's really entertaining.
Sincerely i do appreciate your effort and time to work on your blog. Not easy to write that much with so many topics and most of all to take some good pics too!
Keep on ah!!!
Uncle, 手寫板?!?!!?! 同道中人呀! 手寫板萬歲!!!!!
阿大, 祝妳永不江郎才盡! 並長寫長有呀!
我亦試過重看自己的BLOG,有點像看日記一樣. 真的可以一看數個小時呢!
在學倉頡, 買了一堆書和字典, 字碼已記了, 但拆字很難. 又不想半途而廢.
妳的blog真係好豐富，欣賞妳的論點，當然不是所有啦！我喜歡交不同類型的人做朋友，因為大家的經歷都唔同，可以從對方身上取經~
我會睇番自己寫左d咩，會覺得睇既時候係寫唔番當時既語氣，例如“點解當時會識得咁寫既”，自問我個blog唔好睇，近來更加無寫既心情，加上我的手唔及個腦快，記唔切...
rss嘛，我都唔鍾意用，好似被對方牽著走咁，近來有個想法，不想以電腦為生活中心~
我係用倉頡架，因為一開始就係學倉頡，反而唔習慣用速成，事關要揀字，我睇得好慢...
寫得多
會唔會發Ｄ咁o既夢呢
http://www.youtube.com/watch?v=zVPfTlpCKaw&eurl=http%3A%2F%2Felfuturoyallego%2Eblogspot%2Ecom%2F
haha ^^
maki: 我有時經site meter睇到有人經我以前一D文章入黎, 都差D唔記得自己寫過.
kajie: thanks a lot for your kind words and support!
LDD: 都多謝你支持啦巔哥!
計算士: 如果要我一次過睇番哂自己D文都有排... :)
uncle ray: 嘩, 好有心機喎! 努力!
sa: 你用倉頡, 真掂!
堅仔: 仲未睇到個youtube, 等陣先.
我也認同你寫的blog很有水準，很好看。其實很喜歡看你寫跳ballet的二三事，電影筆記，七友二三事，食肆推介等等。
堅持多寫沒不妥，堅持多看你的blog也成了習慣，不過我也懶了留言呢。
有時真的懷疑看電影或看跳舞表演時你會不會就坐在鄰座，因為原來我地都不知不覺應該同場兩次...
josefina: 其實想話你知, 我所講既好喜歡看既blog, 你既blog就係我心目中既no.1啦! :) 另外都有一兩個好似你個blog咁俾我呢種好舒服既感覺. 同場? 對, 起碼兩次啦. 見過你既相, 如果有機會碰到你, 等我埋黎同你打個招呼丫! :)
非常羨慕、欣賞妳的衝勁!我比較多是有心無力...
慶強: 多謝支持. 努力啊!
Blog 應寫甚麼也是我近月在想的東西。想寫回去年未寫完的遊記，想寫影評，樂評，書評，食評，更想多寫 Jac Jac。但有時眼見寫時評多人 click，便多寫了。但其實那不是我。
我subscribe了143個blog，但只有少數是天天看。你的是其中一個。為甚麼？因為有興趣看你寫的瑣事。像有個朋友自動自覺每天都肯和我傾計（但又不用焗我要回應。）感覺非常好。
選甚麼 blog 來看是靠右腦(感情)而非左腦(logic)。冇得解。所以我也愛看用右腦而非左腦寫的 blog。你是用右腦而非左腦寫的吧？
五師兄: 多謝你支持啊! 講過一次, 你好似係第一個響我blog度留言既網友, 好感激你架! "但又不用焗我要回應"hahah! 正! 我用右腦定左腦寫, 無考究. 其實兩樣都有D既, 不過都覺得自己個人較重情感多於理性.
Post a Comment