酒店價錢(其實比好些酒店更昂貴), 裝潢是不錯, 燈光刻意幽暗, 叫做有點情調, 大部份人客都是老外, 都是上班一族聚腳地. 甫走到餐廳門外, 有數張餐桌, 不少人客都喜歡坐出面, 因為天氣還未太熱, 附近又不多車輛經過.
一坐下來, 看看菜牌, 嘩, 都幾貴啫... 然後大家都說比我們的生日飯的budget還高(我們這伙人一向請生日那位吃飯大約每人$250-$300左右). 提議這間餐廳的會計公僕當然解釋: "咁生日有budget, 就住就住, 今次可以食貴D!" 哼!
不過說實在, 想減肥真的不想吃太多.
有3 course set $328 及4 course set $358 (有沒有記錯?) 選擇, 也不算太誇張, 如果食物真的好吃的話.
我只揀了Seabass $198 (算是餐牌上較價錢適中的了!), 不叫頭盆, 因為看了它的甜品餐牌, 好像不錯.
我的Seabass: 說實在, 昨晚給它64分, 回家再細想, 其實應該給它不合格! 不把它和頂級餐廳及酒店比較, 我吃過Cafe One (Park Lane Hotel)及Renaissance Harbour View(灣仔)的Seabass多次, 價錢比這個便宜數十元, 味道好十倍!
甜品揀了這個什麼chocolate terrine (個名太長, 記性幾醒都唔會記得), $88定$98???? (最便宜的甜品也要$78, 嘩, 咁去文華Cafe Causette好過咯!), 味道可以, 我們有三個人也揀這個, 保險界女強人說不喜歡它的酒味太濃, 我覺得白色那"忽"有點像吃大白兔糖, 給它70分.
老闆(不是餐廳老闆啦當然)幫我用Nokia手機拍的(我昨晚沒有帶DC), 沒有碟碟都拍, 下面這個是保險界女強人吃的Tuna Steak什麼, 賣相不錯, 味美嗎? 忘記一問.
老闆及會計公僕都叫了Duck Breast:
大家閏秀要的Tiramisu, 我吃了一口, 普通:
訂枱的會計公僕吃的這個是什麼? (爆光)
老闆這個是全晚最OK的, chocolate flan with banana ice-cream, flan不應該是這個模樣的, 我也吃了一口, 似chocolate pudding多一點, 不錯.
總括來說, 阿蘇好似介紹黎飲野, 無食到野(不過佢介紹果D好多都係佢D細姪開既餐廳, 都未必掂既), 我認為, 這間不用再來. 還有水是要付款的, 原來整晚不停說話, 我們飲了三支水, 盛惠$150丫唔該! 結帳時我和保險界女強人check單, 第一欄Penna $150, 我倆都奇怪什麼是Penna, 原來是水, my God!
兩個人吃了頭盆, 其中一個是鵝肝, 每人(六位)一個主菜, 每人一個甜品, 結帳請猜要多少...
$2323.2HKD. 連小費位位$387, 嘩差D無咁多cash響身!
地址: 灣仔星街9號星域軒地下 (太古廣場三期後面)
電話: 2529-0199
地址: 灣仔星街9號星域軒地下 (太古廣場三期後面)
電話: 2529-0199
18 comments:
mad dog，想問一問你知不知道有關太古廣場三期的食肆。
有一次，我看到（報章？）介紹一些食肆，地址全都寫著“太古廣場三期地庫三層”。有朝早，我和老公想去吃早餐，卻轉來轉去都找不到。你知道太古廣場三期有食肆嗎？
閒趣: 我無去過三期地庫, 唔係太清楚. 去親都係永豐街同星街. 試過caffe habitu, epoch, pizza express(呢間好多度都有, 無咩特別), 呢間cinecitta, 囍宴甜藝等等. steak n' buns 同 slim 都未試.
super expensive!!!!
>>太古廣場三期地庫三層
i haven't been neither. but i heard that the tunnel connecting the main PP is already in service... so maybe it's on that level?
真係幾貴喎~ 食左會曉飛嗎？
第三期的地庫嘛....好似只有兩三間，有日無無聊聊去睇下呢個地庫有什麼特別，um...只係用黎通上地面既寫字樓，個通道好長好長，好似行唔完咁，我諗夏天先會多人行...
其實那天已落到去條地道處，見地道好長，又好似唔覺有咩店舖，所以就返回了地面。其實落去一次對我嚟講都唔容易，因為個D escalator好高好長，我畏高ga，腳都軟，係咁捉實我老公。
lu: yes, very $$$. isn't worth the price. no, it's on star street, right next to Starcrest apartment entrance.
sa: 條隧道聽講勁長, 我家姐行過, 佢話行好耐, 行地面快好多囉.
會計人, 保險界女強人, 老闆, 大家閏秀, 會計公僕, 會計姐姐 and mad dog
wa...妳好多朋友做accountant woh.
uncle ray: 有無睇過我上年三月一篇詳盡文章介紹過佢地7個? 個個都識計數, 除左我之外! :)
不過, 我講得有少少亂: 會計人, 會計公僕, 會計姐姐=同一個人... ;p
見你D相咁吸引, 仲想試試, 好彩睇埋內文!
我早陣子看過阿蘇介紹Grand Hyatt 的 BBQ Buffet, 念念不忘, 好想試!
咁想問妳的稱號是甚麼?
啱啱想問!
神奇飄忽傳媒人?
>>>Grand Hyatt 的 BBQ Buffet
好正!!
多年前我的ABC男朋友已說那兒除了氣氛好之外，其實食物只是一般，但勝在location ok, 之後可以去Islan Shangrila飲野...
愛美: 我班friend都話grand hyatt果個bbq buffet 吸引, 不過宜家已經30C, 太熱去食, 響室外好辛苦吓.
uncle ray: 我咪就係mad dog囉.
LDD: "神奇飄忽傳媒人?" 你緊係諗到好鬼多野架喎. 你鍾意點叫就點叫啦.
lu: 去過啦? 真係好正? lobster任食?
kajie: 開左好耐架啦? 咁寧願貴少少連個dinner都響island shangri-la咯.
280米咋喎，有幾長呀？
係呀，呢段關我事，所以記得... :P
2xxx，去食餐精緻版半圍中菜都有找... 果然7位都幾high-maintenance. XD
(7位姐姐，講笑咋，自己搵到梗係最緊要使得開心啦！食多啲食多啲，等我呢啲有錢唔捨得食嘅冇得食都有得恨。)
3: 280m... :) 我家姐諗住會快過行地面, 點知唔係囉, 夏天太熱又或深夜驚黑又或落雨就ok囉... :) 我班friend有時都好捨得洗錢, 不過人大左都慳左好多, 一陣會寫篇有關果晚食飯既話題.
係呀~ 會行到傻左，但夏天就唔駛曬，仲好似有冷氣，應該唔少OL會行~
Post a Comment