算一算, 有什麼東西我是學了一半或未學好便放棄呢? 其實應該不可以說是放棄, 而是只打算玩玩, 然後興趣又轉到另一樣東西上罷了.
幼年時學過繪畫, 曾經以為, 亦有大人認為, 我長大了可以當畫家... 不過後來都沒有再學了...
書法 - 學過吓咁啦, 初學時老師也不相信我以前未學過呀!
Field Hockey - 玩過數個月, 與友人們一大伙兒玩的, 很好玩的啊!
Clarinet - 學過一兩個月
手鈴 (Handbells) - 參與教會的手鈴詩班, 為時三年多, 更兩次跟隨團隊往海外參加國際手鈴交流會! 兩年前我暫停了, 一停便又兩三年...
小提琴 - 前前後後應該也學了五六年了, 不過始終和它不咬弦, 最後認命放棄了
中國舞 - 小學學芭蕾舞前其實學過中國舞, 是那時返天主教教堂的主日學時參加的興趣班
舞台劇 - 大學前曾打算去讀戲劇做舞台演員, 父親極力反對... 其實我報過名入演藝讀drama架! 仲有second in添! 之後都有參與校外話劇活動, 在美國時也有take Acting class及Stage Direction classes. 回港後也多次參與一些業餘演出, 後來漸漸淡出...
噢, 不如說說我有什麼是比較持之以恆的吧:
喜愛電影 - 真是比較有熱誠的興趣, 看了電影多年, 最後大學更主修電影. 打從中學開始喜歡看電影, 而第一年開始看香港國際電影節是第十六屆, 1992年, 自此之後, 從不間斷, 除了三年不在香港(留學期間). 所以今年第三十一屆電影節已經是我的第十三年於電影節瘋狂看電影了(其實都是廿齣以內, 比許多影癡少!)
芭蕾舞 - 小五學至中四, 然後因為要應付會考, 且又不打算做職業芭蕾舞蹈員, 所以便停了. 大學時在美國也偶然有上芭蕾舞課, 是elective啊, 很容易便拿A, 幫忙拉拉GPA嘛! 回港後工作半年多又有上一年的芭蕾舞課, 之後又停了, 直至三年前我又返回舞室!
為什麼要說這些? 因為我有點擔心, 我對寫blog的熱忱會維持多久... 坦白說, 寫了十八個月, 九百多篇(當然當中有不少是無聊透頂兼吹水至極), 上了blog癮也一年多, 以我的性格, 有時想, 我的熱忱始終有沈寂的一天. 這是我的性格缺陷, 可以像愛電影和芭蕾舞一樣多年不變, 不知道這個寫東寫西的興趣會否也一樣...
對, 有人說, 凡事有始有終, 或許有一天真的會不想再寫, 又或熱情遞減. 希望這一天不會那麼快到來, 但坦白說, 這個星期多次出現"無心機寫"的情況... 唔...
28 comments:
擁有好奇心，是相當有意思的事啊...
由妳最近減產不少, 甚至27號冇 post 可略知一二.
.... 我熱情已減.
hummmm~
慶強: 擁有好奇心是好, 但樣樣都蜻蜓點水不太好吧.
LDD: 喂, 你未瞓咩?!!?! 我27號(今日)無寫因為出左去成日嘛. 一返屋企咪post囉. 你又熱情已減... 喂, 我地傳染呀? ... 唔, 會唔會好快一齊唔寫? :(
有人喜歡精於某一喜好，有人又會喜歡博覽一點，浸泡於滿足好奇心底下的人生，不壞呢!
LDD之前都試過架啦，咪話我講得衰，姣婆守唔到寡... XD
我想，沒有人會在墓誌銘上鑿著自己小提琴幾多級、大學 GPA、或參演過什麼演出；到頭來，藝術也許只是神賜給我們短暫人生裏的一種點綴，玩得開心便成吧！
寫 Blog 也是一樣罷，千萬別在生活本已沉重的壓力上再添一樣 ;) 小弟亦已另開一些無聊的網誌自娛……壓力，催人老呀 ;)
P.S. 小弟平生最恨拍子機，所以如你一樣，考樂理完全沒問題，一奏樂器便是自討苦吃……
三三: 真 ga!
但就唔會唔寫.
最近真係冇以前嗰種熱忱同迷醉寫呀寫了. 更有若干次寫唔出嘢 tim!
:(
阿大:
留完妳呢度言去瞓咗咯.
係呀, 熱情已減了. 但唔會唔寫, 畢竟, 有時有 oD嘢又一定要寫出嚟抒發吓先得嘅. 但又不過, 最近有嬾寫之象. 同以前嘅分別係, 寫好多, 好 high 好 enjoy! 而家, 寫好多, 已冇 high 唔 enjoy....
傳染呀? 駛乜吖~ 我哋同類人 ma! ^~
P.S. 三三, 唔係姣婆守唔到寡, 係靚仔鎖不住野性放浪不覊嘅心呀!
;)
我細個阿媽都係咁話我,我琴棋書晝、能歌善舞樣樣都係三分鐘熱度﹗
唯一唔會減退既係食同男人﹗
"唯一唔會減退既係食同男人"
呀哈哈哈哈哈哈~~~~ 抵死呀!
咦, 啤啤熊, 今日咁早吖!
去咗我嗰邊未呀? 未?! 自動自覺! 唔佳!
興趣係會隨時間及年齡改變，放心,你無問題﹗
咁我有冇問題?
巔你問題都幾大...
呵~我成日都會冇心機寫~咁就停左佢一排~最緊要自己開心~寫到自己想寫的野----
我都係周身刀~把把鈍~每様野掂下就走左去~但我又覺得唔試過又點知鐘意D咩WO~
結果我都係淨番一兩野玩落去~我想個D就係My favourite嘛~
哈~我想你都會寫落去的( my sixth sense)
anyway~你寫唔寫都好~我都想講好開心識到你同你個BLOG~：P
慶強: 也對的.
3: "姣婆守唔到寡" 我都知, 都見過有blogger寫左好耐一野delete自己個blog, 一星期後又忍唔住寫番... 我唔知自己會點, 不過不流都3分鐘, 怕寫blog一樣係寫寫吓唔寫.
paul: 多謝留言呀! 無壓力既, 不過都覺得寫左咁多如果忽然間唔再寫自己都覺可惜... 但性格又衰, 樣樣都唔能夠持久. "另開一些無聊的網誌自娛"可以話我知嘛? :) 樂器, 至今最enjoy又玩到既就係手鈴, 相信我比較鍾意有人一齊玩, 獨樂就不樂咯... :)
LDD: "更有若干次寫唔出嘢 tim!"哎, same here, 就算有野寫, 都有少少唔鬼想寫... "畢竟, 有時有 oD嘢又一定要寫出嚟抒發吓先得嘅"都係既.
啤啤熊: food and men, 你就緊係啦! 不過食極唔肥, 又拍極唔傷, 你真幸福! :)
3: 巔點解問題大??
coffee: 多謝支持呀. 希望你既第六靈感準啦! :) 琴晚瞓唔著, 跟住又諗到幾樣野想寫... :) 我都一樣好開心識到你同睇到你寫既電影文章!
或者妳体息下先la, 可能寫得太密太多了吧!
不要勉强就是了.
隨心吧，寫blog是個人意願，不是要交功課，mood到就寫，無mood就唔寫，"無心機寫"應該是所有寫blog的人都會出現過，我都唔係日日寫啦~唔好為左有人鍾意睇，而就要不停地寫~
uncle ray: thank you. :) 返左黎啦?
sa: "唔好為左有人鍾意睇，而就要不停地寫~"我都成日咁樣提自己. thank you! :)
三, 彼此彼此 la!
唔...我都係俾阿婆話我。但我會諗咁你想有幾專??? 有時候我哋呢類人就會俾人個錯覺好似咩都識咁...hehe
cheryl: 又唔係話要範範專, 不過總會俾人覺得好易放棄, 唔夠耐力.
我會咁睇, 每個人係不同時段會做不同既野. 人要有唔同經驗嘛, 係咪? 即係咩都要試下, 今日係寫blog, 明天可以係耕田. why not?!?! 唔好比同一件事, stick住自己太長時間. 咁既人生至好玩嘛!!!
虎茶: 都係既. :)
先聲明, 唔係叫你收工唔寫, 係想你寫得無壓力. 鍾意就寫, 唔鍾意咪放下假囉!!!
虎茶: 明白既. 不過驚寫左咁耐唔寫會可惜... 會有D無奈.
可能你要諗諗係想永久"封筆" ，定係想小休一下。人生流流長，我認為又不必事事都說到、想到「好死」咁o既~
小鹿: 我都知... 不過無奈係有時有野寫都唔想寫... 呢兩日又好番D咁.
Post a Comment