Pages

Friday, May 11, 2007

得得地

很少在這裡談本地演員或明星, 因為本地樂壇我只喜歡明哥一個, 自掏腰包買的本地CD就只限明哥, 其他的都不會浪費金錢. 演員嘛, 喜歡的也不多, 可以值得在這裡一提更少之又少.

有沒有告訴過你, 其實我一直都很喜歡陳豪, 自"晚九朝五"開始已很喜歡他. 多次在街上(都是銅鑼灣)見到他(長髮時也見過他), 真想跑上前叫他! 有一次, 在時代廣場CitySuper見到他和他的兄長一起購物, 初時以為他走開了, 立即告訴我身邊的人: "陳豪呀又係! 成日都響銅鑼灣見到佢既! 真係好型, 著得咁casual都係咁型!" 隔離那位: "唓, 有幾型呀?" 說時才發現我們身旁一男子正在聽著我們的對話, 原來他正是陳豪的哥哥! 真尷尬!

陳豪在無記的劇集我大致上都有看(不過不是追, 有時間又在家便看), 除了一些古裝劇, 因為從不喜歡看古裝劇, "金枝慾孽"除外. 這期的"溏心風暴"本沒追看, 不過近日的精彩大契細契演出都是一家人排排坐在看, 既搞笑又夠八.

最不是味兒當然是要靚仔陳豪扮低B, 明明是靚仔又高大有型, 做乜要醜化佢啫?! 無記就係咁老土, 核突既要佢扮靚, 靚既要佢扮醜. 得得地呢個角色不討厭, 但對於陳豪擁躉來說就有點不堪入目嘛. 幸而他也有好些內心戲, 就像昨晚大契和他在醫院門外長椅上的一場戲, 得得地聽到大契的一番話, 難過得流下淚來, 這就是陳豪的戲嘛!

無記唔該下次咪再難為陳豪了. 我們都是喜歡看他做律師, 醫生, 有錢仔, 即使是奸角也好, 扮低B, 留番俾阿旺好了!

喂, 原來佢有個個人網頁添呀: www.moseschanho.com, 又原來我細過佢架! :)

24 comments:

梁巔巔 said...

"又原來我細過佢架! :)"

.....

-____-

mad dog said...

LDD: haahah!! 你知唔知呢幾日唔見左你我地幾悶呀! 半夜三間你都無時間update個blog咁攰呀?

梁巔巔 said...

唔好講笑, 真係好攰! 攰到尋竟20:00要瞓覺!

"你知唔知呢幾日唔見左你我地幾悶呀!"

係咪真 ga!? 嗱, 我讀得書少, 唔好呃我吖!



















好我重要!!!! Heeeee! ^~

Anonymous said...

LDD: "我讀得書少, 唔好呃我吖!" hahahah! 無呃你, 我地幾悶, 阿啤又係勁唔得閒, 幾鬼靜.

Anonymous said...

陳豪我都踫到過幾次。其中一次,讓我覺得他的人很好。

話說,有朝早返工時照常行捷徑,卻遇到陳豪等人在拍劇。當時的情況是,我必須穿過他們的拍攝場地,再沒有其他路可走(亦無法往回走),我馬上窘在當場,不知如何是好。

陳豪很快就發現了我的窘,他立即示意工作人員讓開給我過。呵呵,這讓我覺得他是個細心、又沒架子的人。值得欣賞啊。

Anonymous said...

『係咪真 ga!? 嗱, 我讀得書少, 唔好呃我吖!』

阿D次次都係呢句,其實想人講多幾次很miss佢咁囉﹏

Anonymous said...

閒趣: 嘩, 咁你唔順便叫佢影番張相! :) 佢真係又正又好人! LDD直成要人不停讚啦...

Anonymous said...

陳以前把聲沙啞得很可怕, 現在好多了.

梁巔巔 said...

真了解喎 ar ha! ^~

梁巔巔 said...

"陳以前把聲沙啞得很可怕, 現在好多了."

一樣喎我覺得.

另, 陳豪真人又真係好好.

sa said...

幾年前我係銅鑼灣既宜家成日見到佢,佢真係幾nice幾有型,我都唔明點解要做埋d醜化既角色,正正經經唔好嬉皮笑臉好得多~~~

Anonymous said...

uncle ray: 你講開又好似係喎, 或者果陣佢young, "懶"係有性格咁扮沙聲卦, 宜家老D咪又要扮番後生囉.

LDD: 佢直成又型又好人啦.

sa: 佢係世間罕有呀! 廖碧兒真幸福.

Anonymous said...

mad dog 唔係呀,佢後來做過聲帶手術才變成現在這樣的。

Anonymous said...

no la, 閒趣說得對, 佢以前聲帶有問題, 但後來做了operation.

hehe, 我也是一直也有留意他的.

Anonymous said...

閒趣/uncle ray: 嘩, 你地都知, 我真係唔知噃. 聲沙沙都幾性感丫. :)

aulina said...

唔係沙沙地,係勁難聽呀...

Anonymous said...

aulina: 咁差咩? 無乜印象喎...

ben said...

我都鐘意陳毫架,
中一果年我開始留意到佢,
果時佢參演左除克果套電影"刀"
後來就好少見到佢,真至近幾年先出返黎無記拍劇

Anonymous said...

ben: 咦, 我無睇過"刀"喎...

Anonymous said...

我也很喜歡陳豪,是因為在7年前我有一個樣貌似陳豪的男友(+ 運動健將),所以分開以後,我每見到陳豪也會想起他!

要低B,請放過他吧,陳豪是"好得", 不是"低低地"!!!

Anonymous said...

kajie: "一個樣貌似陳豪的男友" wowowoowowo!!!! 也有六尺高嗎????
:) 真羨慕! (你好番未呀?)

Carrie said...

He is my most favourite HK TV actor, and surprisingly, I quite enjoy his funny acting in the current programme.

Anonymous said...

未好番,仍然吃藥,手就好番...

我的"陳豪"男友5呎11兼6packs,但他不是香港人.

唉,都散左拉!

Anonymous said...

carrie: oh really? what a waste to have moses acting dumb! :(

kajie: wow! 咁佢唔係中國人係咩種族? :)