這個星期, 相信不少blogger寫有關檸檬茶及中五會考的文章, 大大話可能有近一百篇散落在不同地方. 不打算又來一篇會考文章, 不過說到檸檬茶 , 其實自己也上了維他檸檬茶的癮多時.在街上, 去茶餐廳時, 我很少會買/叫凍檸茶, 都是凍/熱奶茶或熱咖啡, 減肥時或會叫熱檸水.
但在家中, 雪櫃裡要常常都有維他檸檬茶, 因為我一星期起碼喝三盒, 都是晚上飯後看電視時的習慣. 下午在公司附近買吃的都從不會買這個喝的.
喝的都是這個250 ml size的, 樽裝罐裝或375 ml的都不喝, 永遠都只買一pack六包250 ml的回家, 通常一兩星期便又要添貨.
有時想, 如果可以戒掉這個維他檸檬茶及每日一咖啡的習慣, 或許我很快便可以減掉那一直希望可以減到的6-8磅了.
10 comments:
Me too! 我去茶餐廳都唔飲凍/熱檸茶, 但就喜歡維他檸檬茶囉！記得小時候仲好唔鐘意陽光檸檬茶添架！
我通想去茶餐廳才喝檸檬茶.
維他的通常喝菊花茶.
有無一百篇梗多啊？
不過呢兩日幾乎去每一個blog都有一篇檸檬茶，乜大家原來梗中意會考作文咖？
小百合，我好鍾意架... XD
MD，我仲會寫多三篇先會收手，因為好玩。
fat: 呀, 係喎果次講學校單野你留過言, :) 陽光檸檬茶真係幾唔掂! :)
uncle ray: 哈, 菊花茶我就除非喉嚨唔舒服先會飲. :)
田中小百合: 我係誇左小小, 不過的確好多人寫吓.
aulina: 仲有三篇, 邊有咁多野寫? :P
我有兩三年無飲檸檬茶了，因為無端端對檸檬敏感......=.=""
sa: 吓, 竟然對檸檬敏感? 咁你最鍾意飲咩?
我也是維他檸檬茶迷，它簡直是給予我生命 enlightenment and amusement. (以前都有 blog 過)︰
What in life amuses you?
基本上差不多每天一盒，但有個階段好像是喝得太多，加上潛意叫我一嚐到它的味道便腦海即想起︰「會否增肥及糖尿病？」的反應，故此有一期我確實沒再多喝 vita lemon tea。但最後卻拿起了沒有檸茶味的陽光檸檬茶作間中代替品。
micah: "它簡直是給予我生命 enlightenment and amusement" wow! 咁你比我嚴重啦. 有時我都覺得佢太甜. :)
寶礦力同清水~
Post a Comment