十年前, 回港後一年多, 滿有抱負, 我覺得我擁有一切; 十年後工作了十一年, 我只希望生活無憂, 我發覺人生有許多事情都不可能擁有十年前, 一家人開開心心; 十年後, 我失去了父親
十年前, 我只相信自己; 十年後, 我認識了耶穌, 信主八年
十年前, 我心廣體胖; 十年後, 我成功減肥, 全靠自己節食
十年前, 我喜歡買什麼便買, 數千元的手袋, 二千元一對名牌鞋子, 我對前景一片明朗; 十年後, 我叫自己要節省, 要想想退休生活
十年前公司派我去受訓, 坐的是商務客位; 十年後我擔心可能有一天會飯碗不保
十年前, 一個名牌手袋只是數千元; 十年後一個有牌子的手袋隨時過萬
十年前, 我用萬九元入健美會做gym; 十年後我不再喜歡gym, 返回跳舞室, 每堂也只不過$150
十年前我希望以後都只在連卡佛及Joyce買衫; 十年後我接受銅鑼灣小店$300一件的衣服
十年前我不會買便宜的鞋子; 十年後我週末都穿$190一對的Converse
十年前本地的CD我只買明哥; 十年後, 本地的CD我仍只買明哥
十年前, 我只去過日本, 泰國, 菲律賓, 馬來西亞, 美國(包括夏威夷)及加拿大; 十年後, 我的足跡也遍佈馬爾代夫, 台灣, 新加坡, 韓國, 澳洲, 英國, 法國, 西班牙, 葡萄牙, 瑞士, 意大利, 梵蒂岡, 德國, 奧地利, 捷克, 斯洛佛克, 和匈牙利
十年前我從未踏足過中國大陸; 十年後我也只到訪過廣州和北京
十年前, 我在工作上見證鄧伯伯逝世, 九七回歸, 戴安娜王妃意外身亡; 十年後我仍在這個行業打滾, 經歷了數個奧運會, 教宗逝世, 英國皇太后逝世, 九一一, 沙士, 美伊戰爭, 布殊上任, 貝理雅宣佈離任, 美國多次校園槍擊, 七一大遊行
十年前, 我認識了現在的另一半; 十年後, 我們幾經風雨, 路仍是一起走
十年前, 我喜歡天天不在家, 下班後不是拍拖, 參加話劇去演戲, 便是做gym; 十年後我每天都爭取和家人一起的時間十年前, 人人讚我皮膚好; 十年後, 原來歲月真的摧人, 我只盼不要老得太快
十年前, 我只有公司email account及hotmail account; 十年後我前後有十個八個email accounts, hotmail幾近不再用, 最喜歡的都是gmail, 也有兩個
十年前我用metacrawler搜尋器; 十年後我用Google
十年前, 我只有一個學士學位; 十年後我也擁有碩士學位
十年前, 那年我最喜歡的電影是加拿大導演Atom Egoyan的"The Sweet Hereafter"; 十年後, 今年只過了一半, 暫時最喜歡的電影應該是丹麥的"After the Wedding", 荷蘭/德國的"Black Book", 及美國的"Little Miss Sunshine".
十年前, 我擁有第一部個人手提電話; 十年後我前後換了五部手機(只是五部, 真省錢!)
十年前手機台用1010, 月費數百元; 十年後用數碼通(期間轉過數次台), 月費$90內!
十年前第一次接觸數碼相機, 是公司的, Olympus, 七十萬像素, 體積似一本小聖經; 十年後我也有自己的數碼相機, Canon Digital IXUS, 五百萬像素(仍未捨得買部新的)
十年前, 香港四季分明; 十年後香港好像只有夏天
十年前, 香港空氣雖不至清新, 但也可以接受; 十年後, 我懷疑還可以在這裡居住多少年
連結(此文啟發自群博tag文):
Life as a 2 hits 6：香港始終有你~回歸前後十年
無聊混混的地攤： [tag]香港始終有你~回歸前後十年
1996粉筆字：[tag]香港始終有你~回歸VS現在
一個好人？：香港始終有我 - 十年前後
加百列傳： [tag]香港始終有你~回歸前後十年
紫熊部屋： 香港始終有你~回歸前後十年
逸居、閒想： 十年匆匆過，不思量，自難忘。
飯．格： 香港始終有你~回歸前後十年Island blue: 香港始終有你~回歸前後十年－我的黃金十年？
牢騷絮語: 回歸十年：不再少年時的十個年頭
Uncle Ray's Corner：十年
長い休暇期間：十年一覺發惡夢－回歸十年、我這十年
依莎佩兒的格．仔．簿: 香港始終有你 - 十年後萬事皆變, 可是我變了什麼?
破曉。新開始。: 十年前後
鬼鼠活在花旗: 香港始終有你 - 十年前後的我
yorsei's Xanga Site: 香港始終有你~回歸前後十年
Yan's space? 香港始終有你~回歸前後十年
林芸生時評集 風中紫荊終有你 回歸十載應樂觀
子貓物語~~【附庸風雅】 十年前，十年後
The Jungle Blog: 十年
壹大押: 我的1997 vs. 2007 (個人日記)
我呼吸，我感覺，我存在。: 十年前…十年後…
Donald Kwan Leisure: 俺僕誌記 : 10年前10年後
39 comments:
十年前....
你果十年又點呢呀巔爺？
MD，其實我想寫呢十年嚟人工冇乜點加，但係錢好洗過以前好多... 不過具體又諗唔到喎。
After the Wedding很好看呢。電影名字平平無奇，但故事扣人心弦，演出亦相當精彩。
10 yrs...
can i go back in time? i miss me 10 yrs ago....
LDD: 唉 X 2.
aulina: 好多野係十年都無乜點加價係真既, 同埋人越大越識計婆仔數囉! :)
guy: 係呀! 你都係HKIFF時睇呢? 個男主角好掂, 早知睇埋佢做"Casino Royale"啦.
peg peg: yeah, i miss the old days too.
回想十年前後,真的很感慨...
假如時光可以倒流,你會想點?
仍然留在香港發展? 會從事現今行業? 跟現在的另一半一起? ......
其實,我亦不時在問自己﹗
最近心情不太好...
btw, 你們的sat nite約會如何? 巔是否很才子? 柯蓮娜有帶小肥呀細出來嗎? 巔是否戴假髮???(暗笑!!!)
"巔是否戴假髮???(暗笑!!!)"
妳就戴假髮呀!!!!!!!!!!!!!!!!!!!! 我好濃密!!!!!!!!!!!!!
肥啤, 下次一定要出嚟 ar ha!!!!!!
point 4 我同妳是相反的了.
我也是在HKIFF看的呀，因為這片有奧斯卡最佳外語片提名的說
想起他在Casino Royale做奸角，看After the Wedding時，有點不習慣他做忠 XDDDDD
啤: 時光倒流... 唔知呢? 我只想老豆無死到, 咁可能一切都不一樣了... 你點解心情唔多好呀？ 工作上? 有咩講黎聽吓, 我好口密架! :) 琴晚幾好丫... 才子? ha... 佢好鬼多野講架, 口不停, 講野好鬼快, 跟佢唔切! 頭髮我就無"扯"過啦, hahah! fb & sb都有黎呀! fb好高架!
LDD: hahahah! :) 係啦， 啤珘之一定要join我地.
uncle ray: 咁你要努力減番啦, :)
guy: 咁佢都真係演戲高手啦, 角色咁唔同都掂.
我是新鮮人，近期也寫了一篇
"回歸十年 - 我們的照相簿"
http://blog.sina.com.cn/meigi817
似乎你十年後變得返璞歸真噃~ =)
知心: 你的連結去不到, 是正確的麼?
小蓓: 係卦. :)
我諗我都寫吓我呢10年先~個細蚊變做個小婦人，哼~ (不過做咩唔7月1先出???)
另，今日去碼頭迷路，唔識行，因為上次去係冇ifc呢件事o架，好神奇...(你話我幾咁耐冇去吖...)
啤 - dd 經審查後證實形象殞落兼吹虛成份偏高，因此現已有新別名，詳情可向靚大姐查探。謹致
cheryl: 咁佢地個個都星期六晚開始出, 我咪又和應一吓囉. 中環有時都會迷路架. 上次我要去九號碼頭, 好彩上網check定個map, 因為啱啱四月搬左, 係宜家天星側, 但行到篤篤. 唔check定我實去錯.
"dd 經審查後證實形象殞落兼吹虛成份偏高，因此現已有新別名"hahahah, 笑死!!!!
唔知阿啤啤熊會唔會睇到呢句呢? 為左DD顏面, 我會低調少少講俾啤啤熊知... :P
呢十年對我黎講都好重要呀. 由打工到創業, 由online瘋狂症, 到有血有肉的真人show,再回到而家online搵食. 好似就係尋日既事, 好似好遠, 又好似好近.
虎茶: 原來恢你咁精彩! 創業?! wow! 都諗過架... 不過part-time形式囉可能... 真人show? 點真人法? 好有興趣知你做邊範.
十年前我剛剛畢業，仲以為自己永遠咁無憂，唔需要為五斗米折腰．哎．．．
你係十年裡面體會到，領悟到，咁已經係好事．
如果可以，我都想時光倒流．．．哎．．．
macy: 好無奈呀呵?
有四年多, 我遠離電腦, 每日只對住有實實在在既食物, 芝士, 朱古力, 火腿, 雞蛋, 牛扒, 美酒, 總之咩都有. 由果時起, 我同自己講, 以後就做對食有關既野, 其他..... 我無咩興趣喎. 到今時今日, 我回歸internel世界, 都係飲飲食食. heheheh.
虎茶: interesting! :)
在這十年間, 我完成到自己的夢想, 期待下一個十年.
在這十年間, 我生命中有有許些人離去, 同時也有許些人加入.
The movie "Black Book" is not a German movie. It is actually a Dutch movie. The orginal name of the movie is "Zwartboek".
wow, 才子巔真身大披露??
究竟佢新名係乜??
cheryl, 佢係咪好癲?? (小心小心...佢一陣狂性大發,不斷吟詩...)
mad dog, 心情差,好反覆,工作+私人事﹗有時好想乜都唔理出走一排﹗但,impossible!
小肥同呀細都有黎?? 小肥有無講故事?? 呀細係咪3的小甜心??
巔, 你咪大我...我唔驚你﹗有機會見﹗你到時咪縮沙﹗
十年歲月．．．
讓我想一想，又寫番一篇先！
samuel: 咁係應該開心丫! :) congrats!
anon: oh typo, actually "Black Book" is a netherlands and germany collaboration. i wrote the review 2 months ago already.
啤: Din好似好多演藝人架... 不過都唔係我地果個年代果D囉... 有姓譚既, 有姓曾既... 好精彩架... 即管睇吓係估唔估到. :) hahah... "出走一排" 我都想呀! 不過一樣, impossible囉. 唉... fb好高好大個, sb真係好好笑容, 唔怪得佢咁得寵! 媽媽就全程一個大孩子同兩個仔玩到癲啦! :) ha.
kajie: 快D寫啦!
很喜歡你這篇文章
看看你的十年前及後
順便也想想自己的十年前及後
感觸良多...
小可: 多謝光臨! :)
"dd 經審查後證實形象殞落兼吹虛成份偏高，因此現已有新別名，詳情可向靚大姐查探。謹致"
"為左DD顏面, 我會低調少少講俾啤啤熊知... :P"
"Din好似好多演藝人架... 不過都唔係我地果個年代果D囉... 有姓譚既, 有姓曾既... 好精彩架... 即管睇吓係估唔估到. :) hahah..."
頂~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
"巔, 你咪大我...我唔驚你﹗有機會見﹗你到時咪縮沙﹗"
驚妳吖!!!!!!! 嚟吖!!!!!!!
「投下稿先」~~
我年頭時都寫過這topic...
http://vdedu.mocasting.com/p/101473
link左啦 小鹿!
Sorry. Are u sure that "Black Book" is a Dutch and German collaboration? That is just the background of the movie maybe. But the movie itself is a solely Dutch one. I live in Holland and I still remembered the people here were very excited when this movie got some film awards. I guess the dutch will be very shocked to hear that this movie is not a solely dutch production. Anyway, I am glad that you like the movie. If there is any chance, will it be possible to read your review on internet?
anon: that's what the hkiff booklet wrote about "black book" when i chose it during the festival. i know director Paul Verhoeven is Dutch, but even some info named its country of origin more than one: http://www.reel.com/movie.asp?MID=142780&Tab=reviews&CID=13
http://www.imdb.com/title/tt0389557/
i've put hkiff2007-related posts on the left sidebar.
anon:
link again -
http://www.reel.com/movie.asp?
MID=142780&Tab=reviews&CID=13
十年, 好像一下子就過去了...
Hi, I'm 1st time visitor (linked from Micah's blog). I also started working at 96. Actually you have a pretty colorful decade, not bad at all.
sammy: hi! nice to meet you! pretty colorful decade? huh, but with a lot of gray and dark shades...
Post a Comment