去年寫過一篇在小巴上有點被迫借了個手提電話給鄰座的年輕男子的文章, 昨天類似情況發生在家母身上, 卻受到冷淡的對待.事源昨天早上至中午大塞車, 母親乘巴士往大姊家, 並準備先去接孫女下暑期課外活動的堂(其實傭人可以去接, 不過母親乘機親親孫女兒), 然後約大姊及大孫女外出吃午飯. 怎知被困巴士, 正打算打電話給大姊時, 手機忽然失靈, 不能確認sim card, 情急之下, 她唯有問身旁的男士借手機, 她說那男人不但不理睬她, 還立即移到另一座位! 最後母親得一對年老夫婦幫助, 借了手機給她.
我安慰她, 說現在太多壞人, 沒有辦法, 人人都怕被騙, 看電視也有宣傳廣告啊. 昨晚我在銅鑼灣閒逛時, 晚上十時多, 一個初中左右的男孩, 身穿便服, 問我: "姐姐呀... 可唔可以借電話俾我... 打俾daddy?" 我隨即搖頭, 叫他去找電話.
在街上我是不會像上次在小巴上那樣借電話給陌生人的.
好了, 說回母親的遭遇, 也有點覺得那男子很冷漠, 不過換上是我, 我會否借電話給一個陌生太太呢? 我母親雖然六十多近七十了, 不過怎樣看也只像五十多, 斯文有教養, 她以前是個教師.
不如列出不同的陌生人, 大家說說如果在巴士上遇到這種人問你借電話, 你會借嗎?
1. 五十多六十歲的婦人, 如我母
2. 身穿校服的小學生
3. 中學生, 男或女
4. 中年男人
5. 師奶 (指一般的)
6. 美女 (年齡介乎20-40)
7. 阿伯
8. 事業型行政look, 男或女
9. 一副無可能係呃人既茂李look
10. 阿婆 (七十以上)
35 comments:
主要是憑當時的感覺，看對方是否可信。如果真的要揀，3-8都有機會不借。至於9“一副無可能係呃人既茂李look”，你寫這個時，心中又沒有想著某一個特定的人呢，呵呵﹏
hahah! 閒趣, 我無假設某種人, 不過有D人個樣係好鬼戇直架嘛.
講多句, 閒趣你所暗指既人, 佢個look一D都唔戇直架, 唔識佢我一定唔會借俾佢囉... :P
我老公都試過手機沒電，附近的公眾電話又壞了，問人借電話又沒人肯借。
其實也很無奈，原本大家都不介意借電話予人方便，但就是讓那些騙徒嚇怕了，都變得拒人千里的。
我係唔會借電話俾你列出的3,4,7,9。又一次證明,在我心目中女人較為可信。
同你家母一樣,我都試過類似經驗。約了朋友在amc金鐘睇戲,但電話突然壞了,行勻成個太古廣場都無公共電話,極度絕望之際,硬住頭皮入左一間音響器材店舖借電話(lesportsac對面)。多得好心男店員借電話一用,最後才能同朋友相認。其實而家越來越少公共電話,都幾慘!
哎呀，原來我的“暗指”咁明顯呀？
我試過有嬸嬸問我借手機，我話唔借，叫佢去用公共電話，佢發惡話：「我真係冇散紙！」我未醒兩蚊打發佢走.....
閒趣: 係啦, 宜家太多衰人, 攪到個個都要戍咁冷漠. 你個暗指係幾明顯吓... 唔知佢一陣入黎會唔會發爛渣! :)
小蓓: 茂李look都唔借? 太古廣場, 我上次又係, 唔記得帶電話, 點知老細打long D搵我! 巴士站出邊有個電話亭, 但果次修路, 唔方便, 後來好彩Dan Ryan肯借俾我用!
miss yim san: "我未醒兩蚊打發佢走" 好醒!
個茂李咪我囉！（等人有個位落先得架……）
我實在太弱者喇個樣，通街問人借都借到，男女老幼都試過。當然pay it forward 嘅精神，我基本上係唔理對方係邊個，都會借。
(主要因為我部電話實在唔值錢）
我諗我全部都會借。我成日覺得自己如果不是迫不得已都唔會問人借電話。
唔忍心！
3: 哈, 你真係仁慈. 你好茂李咩個樣? 不過女人又容易D既. 如果唔識你你問我, 響車上都可能會借俾你, 街上就一律唔借.
sc: 妨人次心不可無... 都係小心D好.
如果在車上1-10都應該會借,而且我都試過問人借,都OK呀!
尋晚那個時間,我都係銅鑼灣喎,不過我冇問人借電話...HAHA..
pinocchio: 你點都唔會係初中生卦...
你可能會當著恤衫嘅我係中學生架
pinocchio: 個細路真係得十三四歲架咋!
在街上或者係地鐵, 邊個都唔借, 情願比$1比佢去電話亭.
在車上, 基本上似本地人的都會借, 除非佢個樣烏糟辣撻或者鬼鬼祟祟. 不過由我同佢按號碼(加埋133係前面).
愛美: 響車上好難拒絕. 所以果個人竟然調位, 我阿媽都打個突.
只會借給 1，2，7，10，亦即是老弱小孩。
根據經驗，美女是不會主動同我搭訕，除非有後著。所以 6 是不可能發生的。
在香港竟然會主動同我搭訕的陌生人試過是保險經紀，星探（自稱）和醉婦。在台北試過是傳銷（後來她說找我說話，是為了練習與陌生人對話……）。全都是美女，但全都被我趕走了。
我諗......我係一個都唔會借, 除非那個地方實無得走, 例如妳媽媽那個情況...係車中, 係任何有機會逃走既情況下, 我都唔會借~
我有個做保險的朋友昨天才被人騙去電話.
完全是警訊內發生的情節.
有人call他說想買plan, 去到茶樓說了一陣便說call埋老婆來。先用自己電話打, 然後說冇電，便借朋友的來打，然後說聽不清楚行開了, 結果一去不返。
報警時警察叔叔竟說這是很common的.
五: 哈, 竟然無靚女同你搭訕, 咁靚仔有無?
sa: 係啦, 我上次響架小巴度都係睇個男仔坐我埋邊窗口位, 點都走唔到先唔多想地借俾佢.
uncle ray: 嘩, 真係咁架?!
其實我覺得唔關對方係咩年齡事，而係電視宣傳得太利害，令人覺得一問人借電話既人，就已經係壞人。
我試過有晚準備出街，行到出走廊"車立"口時，有個女人唔知係邊到走出黎，講國語的，問我借電話打。
我問佢係搵邊家，姓乜既，佢又講唔出，係咁話借電話黎打一打，我話叫佢去我屋企門口，我借屋企個電話俾佢打，佢又唔肯，係都要我借個手提俾佢打。(當然，倒轉黎諗，叫佢去我屋企打電話，我諗佢都好驚!)
後來，我帶左佢落樓下大堂問保安員借電話，點知全程"車立"都俾佢用國語黎問候我全家。
shizugi: 俾人問候成家咁慘, 由得佢鬧? 不過你做得啱喎, 好似uncle ray講既保險朋友被騙事件, 真係要小心D.
uncle ray: 嘩...真係好似警訊橋段喎...原來係咁common???
我都覺得係地點問題,如果同在一架車上,應該都借得過。周街問我借電話梗係唔得啦。
mad dog: mark低先...太古廣場有dan ryan同音響器材店會肯借電話...下次有經驗了! =)
1 + 3 + 閒趣!!!!!
特登等到而家先蒲頭!!!! 睇晒妳哋幾個 oD明指 + 暗諷!!!!!
我不知幾忠直幾好人, 人又靚仔, 正一荀嘢嚟!
簡單 oD~ 係醒靚正荀嘅茂李!
A~ 答番篇文嘅問題先! 梗係借畀 6(美女) 啦! 咁好機會喎!
小蓓: 係呀, 我諗商舖都應該會借既. 陌生路人通常都怕架.
Din: hahahah! 你真係等哂我地留言先架??? :) "係醒靚正荀嘅茂李!" 咁你個樣就似呃人多過被呃囉, 不過唔識你我就一定唔會借電話你囉! :P
"你真係等哂我地留言先架??? :)"
哼
嘩，我咁抵諗認咗你都仲話我... 以後有乜都唔好旨意我撐你呀！
3333, 唔好呀!!!!!
另, 三妹, heeeheee, 有件事..... 呵呵呵~ 唔話妳知~
3幾撐你吖cheap仔!
唔話我知咪唔話我知囉，唔係好恨知。不過如果你係有咗我都會恭喜你。
3: 佢有咗? 有咗嗅狐呀????
333333, 哎吔吔! ..... 喂, this Sunday 有空嘛? ^~
阿大, 係咪咁寸!?!?!??!??!!?!?
YIL! 都話我好香個咯!
Din: :)
Post a Comment