許久沒有上戲院看港產片, 沒打算看此片, 不過有人想看詹瑞文得啖笑, 於是買票入場. (犧牲了我想看的"Two Days in Paris"! :( )抱著娛樂一下笑一場還可以.
Storyline, 都算是有的, 話說詹瑞文是一名普通警察, 被上級(許紹雄)派去戲劇學校學演戲, 目的是可以之後做卧底, 而電影大部份篇幅都是詹在戲劇學院的所見所聞, 同學及對手是Charlene阿Sa.
有份參與的影星多不勝數, 記得的有: 鄭丹瑞, 黃浩然, 吳君如, 林雪, 谷祖林, 曾志偉, 黃秋生, 杜汶澤, 薜凱琪, 梁洛施, 森美, 葉璇, 天佑, 又南, 田雞, 譚耀文, 陳淑儀(本地話劇界著名演員), 麥兆輝(導演), 許鞍華(導演), 陳輝虹等等. 可謂是眾星雲集重搞笑多於劇情的娛樂片.
沒有特別期望就覺得不過不失. 故事是有點鬆散且無聊, 有點王晶電影feel. 不過不時引來哄堂大笑, 但好些笑位也不太明白有什麼好笑.
有點胡鬧但也有些少感動位, 就是當詹瑞文和阿Sa一晚上的互訴心聲, 然後下淚也有些內心戲. 最搞笑的也有天台一幕, 當多個被派作卧底的警員都和上級在天台上密斟, 有個黃Sir被擲落街, 有人收到上級送錶, 笑死.
喜歡詹瑞文的還是看他的萬世歌王/男人之虎好過了, 這些娛樂戲都是在電視上看更合適.
電影官方網站: 戲王之王
14 comments:
萬世歌王, 男人之虎我是也不覺得有甚麼好笑 (或我不懂得笑), 想來 2 days in Paris應好看得多, 這星期會去看了.
uncle ray: 萬世歌王, 男人之虎唔好睇? 我都有興趣喎.
詹瑞文係非一般喜劇演員,佢係有深度.
萬世歌王好睇，男人之虎無機會睇，但有人話"男"好睇過"萬"，不過"棟篤交響show"就好悶好悶，攪笑位唔好笑....
電影就鍾意佢既客串，擔正嘛，都想睇睇既，想睇下有無舞台劇既影子~
估唔到你會睇呢套﹗ 哈哈... 其實我都睇左﹗
咪就係咁岩行過,又就開場,兼又有位入左去睇﹗
得啖笑...故事一般過一般﹗
都有touching位,咪阿sa介紹自己,火車離開家鄉...
仲有靚仔導演葉偉信同陳果客串﹗
程: 我知.
sa: 都幾舞台架佢響電影裡.
啤啤熊: 我都估唔到會去戲院睇... 呀, 係喎, 葉偉信同陳果客, 漏咗添.
睇黎MD生都有D深度, 識欣賞JIM JIM!
"睇黎MD生都有D深度, 識欣賞JIM JIM!"
Heeee~ 哦!!!!! 咁妳即係話阿 MD 深度唔夠啦!!!!!
《2 Days in Paris》應該比這齣更好笑，亦幾感動，快D去睇啦!
啤/Din: :)
orangutan: 我都想睇呀, 今個weekend啦或者.
本來行過"呢度" 幾次，卒之都係忍唔住。我同意亦欣賞詹瑞文兩公婆都係有心人。（申報：我都叫做搞過舞台劇，同埋仍然熱愛舞台劇。）不過我唔係有心唱反調，我始終覺得佢係過譽，呢個世界上，做咩都好，timing 的確係好緊要。同埋喺香港搞藝術好多時都變到不倫不類，因為從來都冇果種氣候，所以要生存就要有好多妥協。我覺得詹做黎做去已經跳唔出自己嘅框框，上埋大銀幕，仲有種那個嘅感覺。佢有好多粉絲，但係我覺得佢嘅冒起充其量只係一個現象，戲劇大師、戲王之王，佢仲差好遠。
xiao zhu: 咁我諗雖然齣戲個名係咁, 都無話人人當詹瑞文係戲王之王. "要生存就要有好多妥協"呢個當然啦, 尤其是呢行. 我都認為話劇界唔少勁人, 佢地無詹咁多機會, 好多時都係天時地利人和.
今天看了2 Days in Paris，有些幽默位不錯，不過Julie Delpy就真的有點滄桑了,但演技依然正!
josefina: 希望weekend有時間睇啦!
Post a Comment