上星期四晚左眼腫了, 足足一星期不可戴隱形眼鏡, 今天重見天日, 世界當堂靚番哂! 有戴contact lens的都應該知道, 戴了con有近乎100%的清晰, 工作上需要非常好的視力, 所以戴著有框眼鏡真的像有點盲了一樣, 十萬個不高興.
速遞員
不只一次在這裡提起他, 認識了可能快十年了! 近來都見他戴著口罩工作, 又不敢問他什麼事, 心想, 難度他患了肺結核? 這個樣子還要工作真可憐. 今天上班在電梯裡碰到他, 他並不是來我公司, 於是問他: "你仲未好番?" (已不只一次這樣問候他了) 原來他只是箍了牙.
書
書展沒有去, 很怕擠擁, 多年前年年去, 近年見到人群都怕怕. 書店我是差不多每個星期都去的, 我喜歡寫意地看書買書揀書, 一大群人又熱又要嗅著人家的汗味, 影響心情.
書展雖然沒去, 但這星期買了三本書, 一本在三聯買, 兩本昨天上Amazon.com買. 本地買的就是這本由呂大樂著的"四代香港人". 看多個網友談及, 很想看, 於是那天跑了去買. $30只有68頁... 教授果真是教授.未看完, 主要看了他說我們這個"三字不出頭"的世代. 無錯, 你都係, 我地同年代架(1966-1975), 第一代係戰前出生的那代(我父母屬於這個年代最尾尾的那群), 第二代是嬰兒潮(baby boomers): 1946-65, 第三代: 1966-1975, 第四代: 1976-1990.
他說香港有別於內地及台灣, 兩地的三十世代都出頭, 意氣風發, 我們香港的三十世代卻沒有出頭之地, 其中一個原因是第二代那批人仍執主權, 久久未肯讓位. 這是香港的社會問題... 唉, 對啊, 環看身邊認識的1966-75人, 大部份即使賺錢不少, 都不怎麼有權有地位... 意氣風發? 哪有我們的份兒? 1966-75... 我家三姊妹都同屬這個第三代, 唉...
袋
近日四處找尋價錢合理又漂亮的上班手袋, 雖然LC大減價, 不過價錢OK的都不太漂亮, 看得上眼的半價後都要六七千... 算了. 我寧願用六七千去旅行. 友人介紹了一間中環店舖, 打算這個週末去逛逛, 可是友人忠告: 店內有貓! 唔係呀化??!?!?! 中環區手袋店無拿拿有隻貓?! 頂, 咁點呀?! 友人說, 若我看到什麼心水可以告訴她, 她代我買... 唉...
Polls
Blogger加了poll function後, 玩了數天, 第一天玩的什麼to love or not to love, 只有數個回應, 都是to love的多. 之後出了這題 - 如果知道自己還有一年的生命, 你會:
結果如下:
到未去過又很想去的地方旅遊 -- 7 (30%)
不告訴任何人, 珍惜和家人一起的日子 -- 9 (39%)
向暗戀多時的對象表白 -- 3 (13%)
去完成夢想 -- 4 (17%)
想不到最多人選擇不告訴任何人, 珍惜和家人一起的日子. 我當然都會珍惜和家人一起的日子, 但不告訴任何人? 我一定做不到. 其實我有點貪心, 最好是和家人一起去旅行, 那麼便可以珍惜和他們一起的日子. 然後又看看有沒有體力及能力完成夢想. 暗戀對象? 算了, 還有一年的生命, 想必沒有見得人的外貌了(病到就死喎!), 或許會選擇把對那人的感覺寫下, 待自己死了之後叫家人把信給他.
這兩天都在想出什麼poll好呢? 一個月只可吃同一款的食物你會吃什麼? 我會揀漢堡包! 你拍了多少次拖? 近來看了什麼電影? 然後想到不看電話簿/手機phone book, 可以記到多少個電話號碼? 我昨晚數過, 我腦裡有十八個電話號碼.
A&F Jeans
Subscribed了他們的電郵, 常常收到這些性感相片, 男女穿牛仔褲可以這麼漂亮真是吃少一個月美食也值得! 想問, 男人怎樣可以有那兩條三角位的肌肉紋? 好正囉!
I Feel Pretty星期初, 一如平日在CNN的陪伴下工作, 忽然聽到"West Side Story"(夢斷城西)中的"I Feel Pretty", 然後兩三天這首歌都不停地在腦海裡播放.
上youtube看到前幾年在飛機上看的"Anger Management"中一段非常搞笑又印象深刻且又歌又演技的片段, 當然就是Adam Sandler和Jack Nicholson了, 必看:
15 comments:
- 速遞員嗰篇好好笑.
- "哪有我們的份兒? 1966-75... 我家三姊妹都同屬這個第三代, 唉..." ---> 大家咁話. :(
- "向暗戀多時的對象表白 -- 3 (13%)" <--- 我揀咗呢個
- "然後想到不看電話簿/手機phone book, 可以記到多少個電話號碼? 我昨晚數過, 我腦裡有十八個電話號碼."
十幾個, 正常.
我也投
向暗戀多時的對象表白
----
那第四代人呢,
希望大家高枱貴手LA...
巔: 你記唔記到十幾個呀??
ray: 第四代... 係富足既一代... 不過佢話係一開始就註定係輸家...
"巔: 你記唔記到十幾個呀??"
til! 梗得!
大獲...我係第四代人...叫呂教授高抬貴手,第三代減多幾年計埋我啦...=P
Din: :)
小蓓: 不過第四代既都係父母係baby boomers, 所以你點計都應該係4th generation啦. :)
但我唔想註定係輸家...=(
小蓓: 第四代, 我未睇, 睇完話你聽. 不過好多blogger 都講過: yipjustin.wordpress.com ; cally.wordpress.com
眼~ 我都係, 戴住近視鏡, 工作效率減半
書~ 我行左書展, 目的係捧朋友場. 咁橋, 都係買左三本書, 不過都係捧朋友場而買的.
袋~ shopping又係我果瓣! 早排醫脊吩咐換袋. 於是四出搜尋, 又要輕, 又要返得工, 又要大方得體, 最重要價錢合理. 終於買左Furla, 用左一個月, 十分滿意.
Polls~ 家人, 死黨及上司的電話我會記住的, 應該超過30個. 公司同事的內線, 我都應該記得廿個以上.
A&F Jeans~ 我見過D鬼妹著D超低腰褲, 靚到不得了. 不過, 我就著唔起了.
愛美: 我琴晚響IFC Furla都望咗一陣, 有個白色減咗$2190, 都OK. 睇埋我個friend介紹果間先. 30+20, 好犀利! 我加埋應該唔會多過廿個. 超低腰褲要個hip位perfect, 唔可以太瘦, 但又一定唔可以肥.
all my jeans are a&f, but they definitely don't look that pretty on me. :P
乜您真係怕貓怕得咁緊要架？
↓↓↓↓
「iwksvztw」呢個字詞驗證，認真老起我對老花眼，哇卡卡
冬冬: 你就好啦, 隨時都買到A&F jeans! 我試過上網訂, cutting唔多啱... 真係要親身試先得.
jaycy: 見唔可以同貓並存... 為咗避貓, 點唔方便都要. 今次個驗證: zlpsse. :)
那間中環店鋪，是否在嘉咸街那間？
係幾ok架喎~~
那隻貓很乖，不會周圍走的~
我係第四代......
未睇過Anger Management，搵日租黎睇先~
sa: 係呀, 不過唔係近staunton st.果間, 係近擺花街果間... 貓, 乖唔乖對我黎講一樣, 即使瞓咗都會醒. 除非困住佢或者暈鬼咗啦... :)
Post a Comment