人生中短暫的友情, 令人嘆息.其實這個題目已不只一次在這裡寫了, 原來去年八月也寫過: 短暫友情.
今天又再有感而發, 事源三個月前一友人(在香港)生了孩子, 回家後才用電郵告知, 電郵上還有其兒子的初生相片. 今天收到另一友人(在美國)的電郵及相片, 原來二月結了婚! 我們三人曾經有一段日子是蠻要好的.
那段日子是頗愉快的, 不過大家或許都明白, 我們之間的友情不會是長久直到永遠的那種. 出來工作之後認識的朋友通常都落得這個下場. 我們三人當中, 她們二人多年前已開始有不和, 時間令關係繼續惡化. 日子久了, 大家都默然接受這種必然的短暫.
我仍當然有用電郵回覆, 不過感覺是有點不是味兒.
16 comments:
人與人之間, 除了緣份, 還要靠許多因素維繫. 人長大了, 有自己的生活, 兄弟姊妹也未必能像童年時親厚.
她們有把喜訊通知你, 心中還是有你的.
愛美: "她們有把喜訊通知你, 心中還是有你的"都可以咁講既, 不過有D無奈...
本來很想給你寫點安慰的話, 但我還是寫不出來. 因為你所說的"必然的短暫"也是我對友情流逝的感嘆, 特別是工作上認識的朋友, 真是那種人一走, 茶就涼的感覺.
友情未必可以永恆, 但我們總可好好珍惜,盡力把那必然的短暫延長.
出咗來做事先識嘅朋友，基本上係短暫，而有所「避忌」嘅，有時要好戰戰兢兢o甘去維繫。唔似D讀書識落嘅朋友，可以講乜都得。有時以為為咗佢好而講嘅嘢，反而俾人以為我博乜！仲俾人"啫"住...心淡囉！真係要君子之交淡如水！
阿瓦: 工作上認識既我睇得好開吓, 其他地方識既反而希望可以維繫．”盡力把那必然的短暫延長”都希望既.
miss yim san: "君子之交淡如水"弊在大家都曾付出過果份真, 亦坦白講咗好多自己既野, 近乎前世今生都講過，跟住就一樣變陌路人.
但你有七友！
maki: 我知, 咪就係中學同大學時識既可以維繫一世囉, 其他都好難.
朋友也要講天時,地理及人和啊!
kajie: 同意...
真係當正呢度係我嘅咁。總結下樓上咁多位講嘅作為回應啦。
君子之交淡如水，但大家又曾經好真講天說地，話前世論今生，好正常。雖然做人不算很多年，但這個週期於我於其他人，一路在重演。說不上是真理，卻是存在的實情。
人際關係強求不得，不一定是誰有沒有努力維繫，有時候時勢、際遇、環境不同，都是催生短暫情誼嘅遠因近果，不足為惜。最緊要的是，當時有真過，而真完無怨無悔。婉惜、無奈，似乎是正路的經過。
再補：凡事問心無愧、事無不可對人言，不計付出與結果，豁然開朗多，生活也舒服多。
aulina: :) 多謝深情分享!
我以前太在意啲朋友,最後痛苦嘅只有自己,依家大個咗明白朋友都要學識放手,不論認識十幾年都好,要變此終會變...
Let it go!!! 每個人都會成長, 而每個人成長空間不一, 有人向上, 向左, 向右, 向前, 向後, 也可以向下. 大家方向不同, 勉強一齊, 最後都會分開, 朋友如是, 夫妻如是. 風光事向來都愛分享, 爭氣嘛! 諗深一層, 真正朋友, 會同你分享又點只好事呢? 做朋友隨緣啦.... 當你越放開, 就會得到真快樂.
人生總有唔同階段，經歷多左就會發覺感情係最脆弱。
面對轉變，可以接受不接受，但往往唔到自己控制，人生好無奈。
你亦都唔好無心機啦，既然佢地係咁，將發生左既事發生左先講你知，至起碼心目中仍然有你。
pinocchio: 好無奈.
虎茶: 呀, 記得你早前都分享過同朋友絕交既事...
啤: "心目中仍然有你" 唯有係咁諗, 不過諗落自己都可能有少少唔啱, 某程度上可能疏遠咗人地.
"前世今生都講過，跟住就一樣變陌路人"
我都試過，所以而家就唏噓唏不已。
Post a Comment