剛剛吃了兩個山竹, 我知, 我知山竹很涼, 不宜多吃, 不過一年也沒兩次.說到生果, 其實我十分懶吃, 所以腸胃一直都不好, 也影響腰背, 如果一天真的可以五份蔬果, 那一定百毒不侵.
生果中, 我最喜歡的排列如下:
1. 芒果
2. 車厘子 (唯一會主動自己去超級市場買的), 可以一次過吃廿多顆. 不過醃製過的完全不吃.
準備寫3時原來已經想不到, 可見我真的不太喜歡吃生果.
3. 布冧 - 紅或綠也喜歡
4. 番石榴 - 不太健康, 吃完無廁所去!
5. 蕃鬼荔枝 - 又是不太健康
6. 蜜瓜
7. 啤梨 - 要多汁又林才吃, 硬的不吃
8. 榴槤
9. 木瓜 - 這個小時候完全不吃, 記得那時家人一拿木瓜出來, 我便要跑進房內躲避.
10. 士多啤梨
不喜歡吃西瓜, 火龍果, 菠蘿, 蔗, 多核提子(太煩).
橙和蘋果都是被迫為身體所以吃.
13 comments:
我都好嬾食生果.
但有一種情況, 好鐘意~ 將西瓜 (一定要冇核嗰隻) 去皮切定一舊舊, 放入雪櫃, 到宿醉時狂食.
解酒的~ ^~
唔鍾意食西瓜, 覺得除咗水之外, 無乜味道.
估唔到你食榴槤喎。
aulina: 由細到大都食架, 阿媽勁鍾意, 成家人得老豆唔食, 以前佢響屋企唔食得架.
水果是我非常喜歡的食物喔，而且喜歡研究。藍草莓、草莓、菠蘿、荔枝、柚、山竹、枇杷果、奇異果、芒果都很喜歡，但我不喜歡榴槤、蓮霧和蜜瓜，因為吃了敏感。沒有果味的就不喜歡了，好像火龍果，雖然有益。
我勁中意食山竹,可能我是燥底,所以一個人食成kilo都無事! (或者是我唔知啦) :P
josefina: 嘩, 你鍾意好多生果喎, 蓮霧我都麻麻, 覺得佢係好無性格既生果... :)
lu: 嘩, 成kilo山竹?! 我琴日食咗兩個, 今日好似有少少虛脫... 因為咩咩呀...
oh...o甘你又係o既...
上次我們去曼谷,六人先吃兩大個榴槤,然後再吃山竹.可是大都不太喜歡吃山竹,第二天還剩下蠻多的.所以就我跟我朋友兩個不停的吃囉.
lu: 弊在食完先咩呀lu... :) 所以我咪話恰巧囉...
我都好鍾意食生果. 仲成日諗住退休時, 就開間生果舖過下日晨. 同埋而家除左幾間"貴"超級市場之外, 無咩地方賣靚生果.
橙. 西柚. 士多啤梨. 水蜜桃. 芒果. blueberry, raspberry, blackberry, black currant, 木瓜, 無花果, 布冧, 蘋果, 奇異果, 西瓜, 雞屎果, 菠蘿, 哈蜜瓜, 蜜瓜.... 其實我咩都鍾意食, 只係榴槤食唔到咋.
虎茶: 咁有咩果茶好介紹?
乜有關架咩？？？食完咩？下？
3: 食完第二日就咩, 又虛脫咁滯...
Post a Comment