女人買香水, 有時不是經驗那麼簡單.買時試過十多廿個味道, 揀了買了, 滿心以為會很喜歡, 用上不到一個星期, 原來味道不外如是, 心想, 可能不會再用了.
所以為什麼我那天竟會跑去買香水版. 一次過買四支不同品牌不同味道的. 不喜歡擱在一旁也不太浪費金錢. 喜歡的話可以買一支大的.
香水如文字, 因為首先一定要感動自己才有意思. 人家猛說味道很好, 又或即使自己塗了不特別喜歡而身旁的人都說很喜歡, 都是沒有意思. 香水如文字, 先感動自己再感動他人, 這才說得過去.
自己寫的東西, 如果連自己也不感動不喜歡, 即使人家欣賞或受感動, 對筆者來說都不是味兒.
不容易找到感動自己的香水, 女人總是挑剔的.
找到了, 會終日嗅著塗在自己脈搏上的香氣. 會晚上睡前把香水噴在床上.
沒有感動自己的香水, 就如洗頭水一樣沒感情. 用了一半甚至一兩星期已經不喜歡了.
上次買的Just Me Paris Hilton香水感動不了我, 浪費了金錢.
之前一次的Alessandro de l'Aqua感動我好一段時間, 就是一支香水的時間.
這兩天試了四支香水版的兩支, Bvlgari BLV Notte感動了我, 今天嗅了自己的脈搏許多次. 相信我會買支大的.
26 comments:
試了十年，不斷轉。現在我用的是 Armani Code。仍未是那支「我的香水」。
Chanel 5永遠受歡迎是有理由的。
香水除了像文字，可會像愛情？
尋尋覓覓，以為最合適，但一段時間過後，不再喜歡，甚至討厭。
浪費金錢事小，感情加眼淚，還有青春就事大﹗
希望你找到the best one...
寫得好好 wo
唔, 但有時文字好得意, 自己不覺得好, 別人卻欣賞.
如 "人頭馬一開, 好事自然來" 這一句, 創作者不在意, 但別人卻喜歡死.
香水, 最感動我始終都係 Drakkar.
寫得好....! 如果人人都讚好但自己不喜歡，是一件好奇怪和（我覺得）不能容忍的事！
如果香水比喻愛情，夾硬和自己沒感覺但人人說「很襯你」的人一起，也是很奇怪的事...
五: "我的香水"唔易搵.
readandeat: 不過唔係人人鍾意.
啤: 咁睇香水, 又同愛情唔同喎. 香水可以成日轉, 愛情轉得多都攰啦.
Din: 咁我寫完呢篇都覺得感動到自己嘅. :) ", 自己不覺得好, 別人卻欣賞."所以有時要睇番自己好舊既文, 可能近乎無印象自己寫過. Drakkar, 你講過啦, 無乜印象個味係點.
maki: thanks. "夾硬和自己沒感覺但人人說「很襯你」的人一起"好少會卦? 會有人咁樣講?
我最近也在找香水,找了兩個星期,並不是沒有存貨(家裡還有兩瓶),只不過想要一些新鮮感,找了很久,只對BLV有興趣，很喜歡那個味道，但可惜它的香氣不持久，我還沒有決定買它．
友人極推薦我用Armani ，說它持久，但Armani 的香水又不是我的style!
Ture,香水是個人的，像文字．
kajie: BLV Notte唔夠持久? 已經係eau de parfum嚟架啦. 我都會試埋另外果兩隻嘅.
它的parfum很快"散"啊！當然,我不是要chanel那麼濃啊！我買香水是很picky的，真煩!
我也愛香水辦，不過多看少買。近期買了兩個辦：
今天出外才剛塗了 Alessandro de l'Aqua 呢，呵呵。
睡覺時打算試 Dior Pure Poison Eau De Parfum，覺得香味較濃，暫時不想出街時塗，只留在家中試著玩。
kajie: 搵到話我知呀!
nana: "香水辦"哎呀, 我打錯字, 改番先! pure poison... 我好似有支細嘅唔知邊個送, 太濃, 用過一次.
揀來揀去,我始終最愛gucci的envy。其實不是其他香水唔好,也試過轉其他香水。只是人懶唔想煩,轉來轉去,倒不如揀死一隻。
同愛情哲理都有點近似。尋尋覓覓倒不如愛死一個。
唉﹐用了很多年男版 Dune (Dior) ﹐用到佢唔出﹐近年都買左D香水板試﹐暫時比較喜歡的有 CK Truth / Armani Mania / CK Eternity Summer﹐長時期都揀唔定。
死啦﹐用來比喻愛情﹐都真係得。
小蓓: gucci envy都用過, 後來有朋友送多支, 無乜用過添. 你從一而終, 好好呀! 我大學時有個女仔friend, 佢只鍾意一種香水, 係estee lauder一隻多年前出既香水, 咁多年佢只用呢隻, 所以咁多年見親佢都記起佢個味. 好特別. 唔識其他人用呢隻. 之後隻香水香港都買唔番, 佢就每次返美國或者旅行時就即刻買, 好忠實! 前排有個friend響estee lauder group做, 幫佢買咗啲存貨添! 佢對愛情既睇法都近乎一樣, 現代人好少有!
stannum: 要搵啱既香水都真係唔易, 要用完一支都仲想繼續買都好少. 愛情無咁短暫卦.
"買時試過十多廿個味道, 揀了買了, 滿心以為會很喜歡, 用上不到一個星期, 原來味道不外如是, 心想, 可能不會再用了." ~ 我都經常有此經驗.
近期被Alessandro Dell'Acqua Woman In Rose 感動了, 喜歡她的味道, 卻嫌她消散得太快.
另外, 用了許久的Bvlgari白茶, 仍然戀上.
愛美: 下次留意吓你講呢兩隻先.
除了BLV外，我其實很喜歡stella mcCartney的香水，但它比Bvlgari散的更快！
以香水比喻愛情都幾ok,不得不承認我是picky又多心呀！
kajie: stella mccartney隻紫色香水, 我都有呀, 用完lu. 特登買黎結婚果日開始用. :)
我家姐又係只用一隻香水,就係estee lauder的pleasure,由新出果日用到而家...都有十幾年啦!
我中途試過issey miyaki,都鍾意,但太多人用太濫了。DKNY的青蘋果都不錯,但都係對envy情有獨鍾呢。或者再過多幾年心態有變,到時會轉都唔定。
小蓓: estee lauder隻pleasure又的確正既, 我都用過一支, 二姊宜家都有用, 好似已經第二支. 不過好特別係, pleasure有時響唔同人身上會有唔同既味道.
Pleasures我都有用呀。不知為何，我很年輕時是estee lauder的擁躉，幾乎全部化妝品都是這牌子，現在倒不大買她的東西。她的white linen, beautiful, pleasures 和beyond paradise我都用過。
閒趣: 我第一set化妝品都係estee lauder, 臨離開美國時去百貨公司買既. 之後都無乜點再用呢個brand. 但有D skincare又幾好, 如stress relief eyemask. 之前都有買cyber white系列. 香水就只用過pleasure.
我家姐係超級estee lauder迷,乜都係用佢,一用就十幾年。我用過隻fruition,但狂標瘡,果酸野唔係幾敢用。
Pleasure 都好多人用。曾經用過幾年，後尾有個我好唔鍾意既人都用，混埋佢D體味酸酸叔叔咁。該煨。
點都唔想同個唔鍾意既人搽同一款香水。跟住就唔用喇。
cosmicrays
cosmicrays: "點都唔想同個唔鍾意既人搽同一款香水" 非常明白! :)
Post a Comment