Pages

Tuesday, August 07, 2007

女人與涼鞋

大熱天時, 許多女士們都趁機穿上涼鞋, 那天乘地鐵, 對面坐著三個女人, 看來是好友, 其中兩人便穿著類似上面這款平底全露型涼鞋, 二人的腳趾都塗上甲油, 其中一位更是gel甲, 一副不穿涼鞋便浪費的模樣.

她倆都穿得不錯(不過我不明白為什麼腳趾也要攪gel甲!), 起碼腳型夠瘦, 穿上這款涼鞋不會有"滿溢"的情況出現, 即腳上的肥肉離開鞋的範圍外. 腳都是清潔又白淨, 亦穿得好看.

我一向認為, 女士穿涼鞋, 即使擁有多漂亮的腳趾及腳甲, 最好都是塗了腳甲油才穿露趾鞋. 塗了甲油, 視覺上漂亮多了.

其實涼鞋不是人人都合穿, 尤其是這款"全露款", 腳型真的要夠窄及修長, 天氣熱走多了, 腳會有點脹大, 如果本身腳掌不是纖細漂亮, 脹了的腳便不太好看了. 我自認沒有這樣漂亮又窄的腳掌, 不敢穿這款涼鞋. 稍為露趾的如這兩年都流行的peeptoe鞋卻頗喜歡.

另一個不喜歡這款"全露"平底涼鞋是因為我有點潔癖. 鞋底只有一厘米左右厚, 除非不去鬧市, 否則走在街上隨時弄髒腳趾, 又或被人踐踏便更傷了.

14 comments:

Anonymous said...

踢倒狗屎真係好大鑊,d腳甲裙晒屎邊,釀晒入去。。。

女士腳靚另一個條件係腳板同腳指唔好太起骨同根。

能夠一眼落去,唔睇甲油,判別倒係女腳而唔係男腳,其實都已經好好。

都唔一定要修長,有d少女bb腳板都好靚。

Anonymous said...

女人穿涼鞋, 性感度又增添幾分.

當然是好看才算.

Karelian said...

我最喜歡nude colour的甲油, 夠自然。

Anonymous said...

pk_: 你個留言笑死我! 不過非常正!!! 著涼鞋踩屎, 我諗嗰日一定黑到痺囉. 腳趾起骨同根, 係幾唔靚嘅. 仲有好多女仔成日著得太多高踭鞋, 攪到對腳好多雞眼又唔去清, 一樣好駭人. "唔睇甲油,判別倒係女腳而唔係男腳,其實都已經好好"呢句精彩絕綸!!!! BB腳板, 咁當然要襯埋個樣, 如果個樣唔夠bb又好好笑囉...

uncle ray: 我都覺塗咗甲油加露少少趾係好sexy架, 但要有配合囉, 唔可一味人著佢又著.

karelian: nude polish係靚, 搽上手好啲, 腳趾甲我始終覺得簡單嘅紅, 深紅或紫紅係最perfect, gel甲就有啲恐怖...

sa said...

我鍾意著涼鞋,但呢款就唔敢著,因為我青根多,唔好睇,我成日俾朋友話,見親我都熱褲涼鞋,天氣咁熱,除了咁著,我都唔知可以再點著,我無身材咋,否則我夠膽三點式出街(只限中環及銅鑼灣)~ :p

Anonymous said...

sa: "我無身材咋,否則我夠膽三點式出街" 哈哈!!! 我都係咁話, 我夠想露臍咯! :)

Anonymous said...

小腿同腳線條好影響對腳靚唔靚,三者要配合。。。。

Anonymous said...

"滿溢"的情況真係好得人驚,唔係肥大果隻囉命,而係d腳指向前四邊突/散果隻,好似刮地下行果種。。。。

Anonymous said...

nude容易handle好多,深紅同鮮紅,好高難度...個人要好搶好豔先carry 到。

涼鞋比尖頭高跟鞋更易刮腳,帶邊同腳板底好易磨甩皮。

除非唔落係街行,point to point淨留係室內,否則好難保得住乾淨唔入塵。

mad dog said...

pk_: 腳指向前四邊突/散果隻係好駭人! :)

cosmicrays: 我鍾意nude 手拍甲色, 但腳趾次次都搽深紅, 去做manicure都揀burgundy, 好正! 映得對腳白上加白. :) (不過我唔係好搶好豔... 得架!)

admin said...

腳甲加gel甲,其實好似恐龍腳;
同埋整左gel甲咪著唔到鞋lor?

mad dog said...

maki: 我見佢對gel腳甲又唔係好長... 不過覺得需唔需要咁囉...

愛美 said...

我如果沒有修甲, 一定不會穿涼鞋.

burgundy甲油我覺得好靚 ^^

Anonymous said...

愛美: burgundy, yeah! :)