Pages

Wednesday, August 08, 2007

家務

前陣子與網友們在twitter閒聊, 談及喜歡做的家務. 說到家務, 我最喜歡的是洗碗.

自小六開始, 大姊不知從哪裡來的說話, 要我們三姊妹輪流幫母親洗碗(晚飯後的), 想起來真不公平, 那時我才小六, 她們倆已經是中學生(她自己近乎高中啦!), 那時很不滿, 覺得很可憐, 望著碗筷就覺得淒涼.

不過習慣成自然, 慢慢地, 各家務中, 我只喜歡洗碗. 總好過吸塵. 小四時我家來了一次大裝修, 我們說服了父親全屋鋪地毯, 不過條件是我們要負責吸塵工作, 不會有鐘點幫忙, 回想起來真笨, 因為吸塵可能是全世界最辛苦的差事!

對許多人來說, 家務有調劑作用. 常說熨衫可以令人心情平服, 不過我也不喜歡熨衫, 雖然自中學起母親已甚少替我們熨校服, 於是我又練得一手不錯的熨衫技巧. 說來, 我母親真是個幸福爆棚的女人, 熨衫只熨我父的, 女兒通通自己攪掂. 她是一個我認識的做家務最少的女人囉! 時至今天, 我時常都說很羨慕她, 因為每天都十分悠閒, 活動又多, 幾十年如是, 怎麼我沒有她那麼好命?!












我喜歡洗碗, 其次是洗浴缸和抹窗. 記得中學讀書讀得辛苦時總喜歡洗浴缸和抹窗來減壓. 父親一見到便笑我, 說: "又化悲憤為力量啦!" 那時其實有點嬲他, 不欣賞我的貢獻還說這些嬉皮笑臉的說話.

最討厭洗, 晾, 熨, 和摺衫. 最好鐘點可以來久一點一併幫我做完!

煮飯做菜也磨人, 我寧願洗碗. 我不介意要洗兩個小時的碗(多人又多餸時), 但請不要叫我入廚做菜. 西餐蛋糕我掂, 中菜幾味咪攪!

抹麈也不是賞心樂事, 都是農曆新年前迫不得已要做的苦差. (其實我究竟是不是女人?!)

記得大學時有兩年住女子co-op house, 要輪流做家務, 所以宿費較便宜, 那時我永遠都揀做廚房清潔, 廁所咪攪我. 走廊也不喜歡. 好像對廚房的洗抹情有獨鍾. 有一年暑假與一女子同住, 她負責煮飯, 我負責洗碗, 非常有默契. 不過有一天因為她要應付翌日的考試, 我負責煮飯兼洗碗, 友人都說我做的白汁雞皇飯不錯! 嘻!

有時真的頗享受洗碗, 所以我喜歡幫母親洗碗. 一隻一隻碗碟筷子慢慢洗淨, 用許多洗潔精, 每洗完一件都有滿足感. 或許就是自小六養成的習慣及情意結. 那麼我是否要多謝我的大姊?

15 comments:

Anonymous said...

我鍾意煮飯和吸塵。

sa said...

我都係咁話,最怕煮飯,洗碗就啱我,最重要係我煮既時間耐,稍為有少少煮得唔好,我就會由頭煮過,嘥時間又嘥食物,我都係洗吧~

愛美 said...

我鍾意洗碗 :)
最怕洗菜 :(

Hyacinthus said...

"自小六開始 (中), 大姊不知從哪裡來的說話(中), 要我們三姊妹輪流幫母親洗碗(晚飯後的(中), 想起來真不公平(中), 那時我才小六(中), 她們倆已經是中學生(她自己近乎高中啦!)(中), 那時很不滿(中), 覺得很可憐(中), 望著碗筷就覺得淒涼(中)."

中晒,看到這一段有點感動,很有共鳴,我家也是三姐妹,我排行最細,但唔明點解有野分時,就話我係妹分細份d,但有家務做時,又唔覺佢地咁樣講!唉~ :(

我家規矩係輪流洗碗,倒垃圾,其他雜務各一星期shift,佢地好奸架,中學多考試測驗,成日借d耳話好忙要我頂,頂完之後又無左件事,唉,唔可以唔幫但又成日都白做 =____="

Anonymous said...

五: 嘩男人肯吸塵?!

sa: yeah! :)

愛美: 洗菜... 我都好求其架咋如果要洗... 不過一年都無一次... :P

風信子: 哈! 有共鳴呢! :) 咁如果邊個唔得閒通常都係阿媽頂番, 都公平嘅...

梁巔巔 said...

唔駛妳做好唔好?!

mad dog said...

Din: 我以為我天生手長真係唔洗點做... 點知原來無咁好彩... :(

梁巔巔 said...

^~ 抵妳死抵妳死抵妳死抵妳死~~~~~

Anonymous said...

你快d生三條Q, 咁就可以把家務分配給她們做了.

Anonymous said...

uncle ray: 你生埋我嗰份吖唔該!

啊澤 said...

我很討厭家務事

但我又有點潔癖

好矛盾

所以會一邊洗野一邊埋怨 lol

虎茶 said...

最鍾意係煮飯. 吸塵我至怕, 但無奈有幾隻貓, 我必須日吸夜吸(天收我呀). 洗衫都唔鍾意架, 所以永遠都唔買hand wash既衣服 (慘過吸塵). 好多人鍾意煮飯就唔鍾意洗碗, 反而我又唔介意洗碗喎

Anonymous said...

嬲: 你叫你女人幫你做咪得囉... :)

虎茶: 宜家好多衫都唔係dry clean就hand wash, 我連dry clean嗰啲都手洗埋, 省錢嘛. 所以成日無衫著(又或著完一次季尾都未再著過), 因為懶洗!

啊澤 said...

叫豬頭做野??? 難過叫我食菜 ;P

Anonymous said...

嬲: 咁慘...