不知道是不是性格問題抑或因為是孻女, 被人管好像是我一生都要面對的景況.舉凡年紀比我大的都愛管我.
母親, 姊姊們, 某人... 及...
"又話沖涼?"
"你呢堆嘢呢, 要唔要架? 唔要就執吓啦, 多嘢到吖... "
"好心你就瞓啦, 晚晚四點幾... 第日你就知... "
"又唔洗瞓呀? 洗唔洗返工呀?"
"嘩, 你呢堆衫點架?"
"食咗橙未呀今日?"
"食個生果啦好心你!"
"飲多碗湯啦!"
"想問吓你呢, 你呢堆嘢... " "得! 得! 唔好嘈!"
近來連年紀比我少的也開始加把口... "你盡力啲啦!"
連甥女也試過管我...
是不是我生活真的很沒有秩序? 是不是我天生就一副歡迎各人來管我的樣子?
幸好工作上我學會不可讓同級及高級不過不是我老細的也跑來管我.
有時真的覺得做孻女原來是孻一世的!
19 comments:
冇希望
你個人好亂架咩? 又唔似呀?
Din: 一個字: 慘
pinocchio: 要見人嘅地方就ok囉... :(
有人管係福嚟架。
3: 不過成日管住哂都好慘架...
同妳真係好似，我都係最細，最怕俾人管，除左妳講的一堆例子外，我仲要俾人管埋"妳又去街呀?","唔好去咁夜呀!".....
淨係管我呢d，又唔理下我身體狀況喎....
sa: 仲有: "約咗邊個呀?" "做乜唔聽電話?" "交咗XX費未呀?" "嘩, 你啲鞋呀!"
oh... MD... same here la.
have to agree with aulie though.
but it's usually quiet sometimes without these nagging, and i miss it :P
呢d叫做大快活, 做人可以輕輕鬆鬆, 不知幾開心呀, 小事糊塗, 大事精明咪得囉.
You are loved.
lu: yes, truly understand. :)
虎茶: 好似蘇師傅話齋, 眉頭闊,大快活. :)
cosmicrays: thanks for reminding!
孻一世好吖！我鍾意呀。管由得佢地管囉，我都係咁架嘞。已經唔覺得係煩，反而幾過癮架。
xiao zhu: 但成日俾人管住, 有時都幾慘架...
我死左生滿成身菇菇都未必有人發現, 有人管可以視之為一種莫大幸福.
...好似我媽的口吻~
你寫的一堆說話經常出自我媽口中......:(
再加：
「成日亂洗錢，買埋晒d無謂野！」
「成日都咁夜訓/咁夜洗頭/咁夜xx，第時老左你就知！」
judickdick: 我都知管係關心. :)
karelian: 個個阿媽都長氣. 管番佢就鬧...
小球: 一樣啦. 有時買咗新嘢要收埋架. :)
仲有呀仲有呀~
"妳件衫咁底胸既"
同埋好鍾意聽我講電話，
聽完又要搭訕，
管埋我點同朋友傾計....@@
sa: 係呀: 嘩你咁濃嘅個妝... 咩事呀, 著成咁...
Post a Comment