話說今天三齣有兩齣的電影節電影都在文化中心看, 下午的一齣, 離開場還有好些時間, 忽然間有工作人員經過我面前走到離我四五張椅的幾個中年觀眾身旁, 好像是告訴他們不可帶食物進場之類, 其實沒有人在吃東西, 我只見到有人膝上放了一袋類似KFC的膠袋... 看見工作人員這麼盡責, 實在感到安慰.
然後另一場又是文化中心, 這場電影很受歡迎, 高棚滿座, 許多都是二十出頭, 甚至有一家人帶十歲以下的小朋友來捧場. 我早進場, 左左右右都是年輕男女, 未開場時已有點開演唱會feel, 好不熱鬧. 忽然覺得自己超齡...
燈光一暗, HKIFF的宣傳片一出, 我左邊的二十頭男子身旁的體貼女朋友便"si li sa la"從袋中拿了一包薯片出來, 這男子便也"si li sa la"地打開包薯片"sap sap"聲吃, 這我可真不能接受. 我明白看電影節時許多人都因趕場而沒有時間吃飯, 如果只是一兩片餅乾還可以, 吃薯片不是要來填肚吧. 如果這場電影是在UA戲院放映, 你要吃爆谷加熱狗我可沒你乎, 但這是文化中心呀大少, 你去看演奏會或歌劇時也不會邊吃薯片邊欣賞吧.
這回我怎能不出馬: "呢度唔食得野架!"
他別過頭來點點頭, 然後十分合作地全場只持著包薯片沒有動, 直至片尾和他那女朋友偷偷吃了兩片.
直至今天看了十五齣, 這場是比較經典的了. 不過有人見到更多精彩情節:
safari underground: 爆谷男的日與夜
新 春 秋 Pandemonium: 戲院奇遇記
18 comments:
實在很勇敢，我也討厭邊吃邊看戯的，如加了配音一樣。
唔係呀嘛？？？今時今日咁辛苦訂咗飛入場仲有啲咁嘅人？？？果然係奇遇！
thoo2: 對啊, 電影節以外的我可以接受, 始終戲院都有零食汽水買, 有人喜歡吃吃喝喝我們沒有權阻止. 但文化中心是寫明不可吃東西的.
aulina: 你話係咪激餐死丫, 又嘈又迫... :(
好勇啊! Mad Dog! 唔怕畀人打...
samuel: 哈哈, 我都有少少驚架, 不過一完場佢兩個雞咁腳走左.
MD, 同道！我都會出聲架，甚至如果啲人講話太大聲，騷擾其他人，我都一樣會出聲音嘅。
吃東西還好, 最怕一面看一面討論劇情.
又或一班女仔看恐怖片, 乜鬼都未見佢地就we wa 鬼叫.
xiao zhu: 我好多時都照鬧, 不過都要睇情況, 唔係一陣俾人打就大件事.
uncle ray: 戲院接受, 電影節/文化中心唔接受.
我玩電車御宅躲在家中看碟，不是沒有原因的！一來怕人家這樣那樣，更怕一肥一瘦在吵得人家連戲都看不成...
aulina: 細路嘈都係某D戲先會, 另外唔係咁多人好似你咁識體諒人.
香港學校真係要教育一吓呢d ettiquette喇，真係，冇奶油去睇opera著牛仔褲吖。睇venue吖嘛。v.v
mad dog見義勇為,值得加許﹗又食又睇,去戲院就ok囉,但話晒文化中心呀,所以你今次好掂呀﹗
有時我去睇戲,都會買下零食,好過癮﹗但係又聽到自己食嘢d聲,唔知點咁,好似變左唔專心睇,好矛盾啊...
Mad Dog, 你當時會唔會太過Mad啊個樣, 所以人地就驚左你, 即刻唔敢食, 完場後又雞噤腳走, 驚你打佢地, 哈哈...
Watch this:
http://video.renren76.com/view_video.php?viewkey=c69b48737cc0c92d0f3a
cheryl: 唉, D學校太多野要教D細路啦, 又要兩文三語, 又要驚佢地俾人鬧得多會自殺, ettiquette呢樣野要靠屋企教囉.
啤: 戲院我真係接受, 尤其是一D擺明齋入去笑餐飽既戲, 有時心情好我都會好似細路咁食住爆谷飲住汽水睇囉, 文化中心講明唔食得野就咪犯規丫嘛, 坐地鐵都唔見人食薯片啦right?
samuel: 果陣熄哂燈啦, 邊度睇到我個樣丫, 我算有禮貌同佢講, 一D都唔mad, 仲幾細聲吓架. 我未出聲前我右邊個男仔都"啤"過佢一眼. 等我睇吓個you tube先...
嘩! 咁勇呀!
如果佢係公仔人 (紋身) or 金毛仔, 妳小心呀! ^~
LDD: 咁緊係知"訂"啦, 未死過咩.
登到氣咳~~~^_^"...已排於13/4晚上8:00,刊登於筆記連線~~~
Rex: hahahah!!! 俾你笑死! :) thank you!
Post a Comment