Pages

Tuesday, April 17, 2007

女兒

嫁了的女兒, 有心事都會找母親傾訴, 但說多說少視乎女兒有多獨立和依賴.

大姊喜歡與母親傾談, 但每每都是困難或問題解決了才告知我們, 有時很佩服她的獨立及能幹. 例如她在街上遇劫, 會隔了一兩天心情平服後才打電話給我們述說詳情; 又或身體有不適, 總會痊癒了才告訴我們, 除非要母親幫忙看顧孩子.

這個我可做不到. 或許就是長女和孻女的分別吧. 以前失戀, 我第一個便告訴母親, 哭喪著臉對著她數說男人的不是. 母親總會給我十分管用的意見. 身在海外時倒試過發燒病了三四天, 痊癒了才告訴她, 然後嚇她一跳. 記得她在電話那邊說: "吓, 燒足三日, 燒壞腦呀, 睇醫生都唔得咩?!"在美國感冒發燒即使看醫生也只會寫張prescription叫你去買tylenol.

不過人大了, 也學習了不可樣樣麻煩都讓母親知道, 為的都是怕她擔心. 因為每個母親都希望女兒活得快樂.

下面這個只是笑話, 與上文無關:

29 comments:

the inner space said...

好女兩頭瞞嘛!

mad dog said...

呢句係咁用咩?

3 said...

係咁用架。

我兩件都係大獨立過細好多...

the inner space said...

還有忘了﹐最喜愛的母女電影﹐有“Terms of Endearment", ”Steel Magnolias"......


mad dog said...
呢句係咁用咩?

Tue Apr 17, 02:03:00 PM 2007


如果夫家外家﹐都無須要瞞﹐瞞o的病痛瞞o的意外等等都是好的!

梁巔巔 said...

對住父母, 特別係在外, 都係盡量報喜不報憂.

啤啤熊 said...

係呀,有時都唔敢同呀媽講,好彩有家姐咋,如果唔係,我實痴左幾次...

梁巔巔 said...

妳而家都已經黐 la!

uncle ray said...

看題目還以為你要生女兒去了.

mad dog said...

3: 噢孤陋寡聞添... 我以為呢句解男女之間添... :)

inner space: 好多野要瞞架...

LDD: 講就易, 做好難.

啤啤熊: 有家姐都好緊要, 不過有時連家姐都唔講得.

LDD"妳而家都已經黐 la!"把口好賤... :P

uncle ray: 未有耐.

cheryl said...

我都係唔講o架,自己搞得掂就唔想人擔心,搞唔掂就更加....^o^

mad dog said...

cheryl: 乖女, 係咪獨女都咁醒?

Anonymous said...

agreed with what you said. jy

xiao zhu said...

雖然我係孻女,但係從小都好獨立、好反叛,有事都係自己搞掂。父母眼中嘅兒女都係長不大的,盡量都唔想佢哋擔憂咁多。

愛美 said...

可能我也是長女的關係, 我亦是報喜不報憂的, 不開心時, 會躲起來不見家人, 免得流露不開心的神色.

cheryl said...

小豬講得啱...哈哈,好似我咁都離家咁耐,兩老都唔信任我嘅,咁同佢哋一齊咪由佢哋take care一吓我囉,反正咁樣佢哋happy啲...

至於關唔關獨女事,我唔知喇,因為有朋友係獨女係喊包嚟嘅,遲工都要阿媽幫佢打電話,真係反眼@_@

aulina said...

cheryl擺明係烈女啦,所以,唔關birth order事嘅...

閒趣 said...

我媽媽學識不高,但智慧就很高,我有時打趣稱她作“智慧老人”。許多事情,我都愛聽聽她的意見。媽媽是很好的媽媽,最想送她這句“待我心 世間始終你好”。

閒趣 said...

認識一名女子,人很善良,但因生活頗有壓力加上本身生性緊張,難免有時略為囉唆,苦水較多。她母親對她的苦水卻是極不耐煩,生活上亦不願對她給予援手。就如她真是迫不得才請求母親的外傭每周兩次幫忙準備些簡單的餸菜,外傭倒是很樂意,反而做母親的老嘮叨著,說一次就怨一次,覺得女兒很麻煩。

做女兒難過的跟她媽媽說,別人有事都會跟媽媽說,尋找慰藉,緣何你卻會這般對我?

人說,無仇不成父子,這對母女雖不至於,但是彼此關係既密切,又隔膜,很奇怪。

mad dog said...

jy: i think a lot of girls have the same feelings.

xiao zhu: 我都係算獨立, 但始終無大姊咁醒.

愛美: 大女都好掂.

cheryl: "遲工都要阿媽幫佢打電話" 唔係吓話...?

aulina: 天生性格?

閒趣: 我從母親身上及她至理名言中學到不少. 你說的那個例子實在奇怪, 這樣的母女關係很罕有.

閒趣 said...

MD, 唔,我覺得那做母親的其實很有問題,很不願意付出。她在我面前也抱怨過,說了一大堆,甚麼連送飯菜的車錢也蝕了﹏,聽得我很反感。

有著這樣的母親,大概會令人很沮喪。而偏偏表面上還看不出她是這樣的人。

mad dog said...

閒趣: 真係咩人都有...

愛美 said...

"遲工都要阿媽幫佢打電話"
令我諗起多年前開時裝店, 請過一個成身香水, 穿Versace牛仔褲的男孩, 番了三日工, 遲到了二天.
我打電話催他番工, 他母親竟說他昨晚玩到好夜, 你讓他多睡一回吧.

mad dog said...

愛美: 咁荒謬??!!!

cheryl said...

yes ah! 佢由細已經出名溫室,但冇諗到可以帶入辦公室囉。真係頂佢唔順...

bwPingu said...

這篇文章寫得很好,很溫馨。

最後的漫畫XD

the inner space said...

MAD姐:

成日都有D好精警的漫畫﹐是儲儲埋備用的﹐定每次才去網上搜尋的呢? or 你是付錢 subscribe from some sites 的?

閒趣 said...

『愛美 said...
令我諗起多年前開時裝店, 請過一個成身香水, 穿Versace牛仔褲的男孩, 番了三日工, 遲到了二天.
我打電話催他番工, 他母親竟說他昨晚玩到好夜, 你讓他多睡一回吧.』


無知的女人,替社會製造無用的人,也許不適合生兒育女。

冬冬 said...

>在美國感冒發燒即使看醫生也只會寫張prescription叫你去買tylenol.

我都試過好多次係咁﹐美國D醫生真係好廢。病到死下死下佢都仲話叫我去食tylenol﹐食左會好我就唔駛睇醫生啦頂~

mad dog said...

cheryl: 被父母溺愛既人好難生活.

bwpingu: 多謝! 歡迎光臨.

inner space: 係每次上網搵架, 我諗無copyright卦... ;P

閒趣: 哈, 個仔俾佢累死.

冬冬: 哈, 果次病得都幾慘, 發左三日燒, 食完tylenol退一陣又燒過, 床都無力落, 涼都差D沖唔到, 好彩有D friend響度, 叫佢地煲粥我食. 有一晚, 我去洗手間(co-op house, 類似dorm咁既呢)個friend見到我, 佢話我塊面紅到豬頭咁, 問洗唔洗幫我用火酒搽身退熱. 我借左佢支火酒自己返房搽. 又唔敢打番屋企, 果陣又無男友, 淒涼到呢... 如果響香港, 醫生點會要你燒三日丫.