相信不少人嘗試過這種尷尬場面, 那你通常怎樣面對?美國女作家Sandra Ann Miller在其著作"A Girlfriend's Guide to Getting Over Him"提出好些貼士:
- 只是經過, 一個簡單的微笑及揮手
- 撞個正著, 一句hello
- 說了hello, 切勿回頭再看
- 盡量避免去一些相信會撞到他的地方, 即使這些本是你一向會到的地方, 以免對方以為你跟蹤他, 又或會令愛的傷口更難痊癒
- 放開一點, 向前看
那麼撞到前度的好友又怎樣? 個人認為要視乎你當時的精神狀態及傷口有多深了.
我一向認人十分醒, 經常在街上碰到認識的人而當對方還未及看到我時, 我已有足夠時間應對. 所以, 視乎當天精神狀況及打扮得如何... 不過我大多數都採取 - 逃避 - 即快閃來面對. 那如果對方見到我而我又完全不知道的話, 那可沒辦法了.
原文: Meeting the Ex
20 comments:
吓，我撞到我啲前度係唔駛/唔會避個喎！同樣，佢哋都冇避我。基本上有啲都仲有聯絡添，而冇聯絡果啲如果遇見，我哋都會相認架。
若獨自見到ex, 而對方又獨自一人, 那可能也會打個招呼.
好少仲有朋友做... 所以通常都當睇唔到算...
好鐘意你個blog叫blah blah blah~ 我都想blah~
"好少仲有朋友做..."呢句講得岩,對我黎講,就算做到朋友都只係怪味既k型友情,情願唔做啊!之前覺得人家做得太絕,但親身體驗了才知道感受!
我會同自己講"時運高, 睇唔到, 時運高, 睇唔到...", 如何真的四目交投, 便淡淡的點個頭, 然後別過面算了.
試過迎面碰到另一半和第三者在一起, 避也避不了, 唯有擠出笑容說聲 " Hi". 然後躲到附近的洗手間大哭.
嘩...都幾心驚肉跳!
撞過好多次﹐每次我都會即刻掉頭走。其實相認都唔係太難既事﹐但係無謂啦﹐過左去既就算。相認時又要懶係野咁互相問候﹐費時做到咁假啦~
葉志偉響都市寫過幾次，再見不可能再是朋友的。和你一樣，一定選擇即閃（黎明天地線廣告：危險，速逃！）。
我會很假地帶微笑說你好
嬲記﹕你好假呀!!! 哈哈哈~
講真,都分左手,做唔做朋友都罷啦﹗
我份人好決絕,既然都分開,都無乜野可以繼續,將值得的留響回憶咪算...(扮灑脫)
我唔學似d人可以帶埋現任男友見ex,仲一齊玩果隻,真係佩服.
其實我都試過響地鐵站撞過ex,打死行快d扮趕時間，即使著得好定差,都唔想見對方﹗
sooff admin: hi, 歡迎光臨. 點解你叫做admin咁特別? admin D咩? :)
mr. bibe: 就算無反面, 都想尊重現任, 費事再接觸前度啦.
愛美: 你呢個"攞命"經歷都好"難得"! 相信當時你仲未傷癒...
kajie: 我未試過撞到正, 因為次次我都快人一步, 見到即刻走人.
冬冬: 仲撞過好多次添呀? 真弊... 我未試過撞到正, 唔知到時會點.
aulina: 原來好多人都係"速閃".
嬲記: 講就容易...
啤啤熊: "我唔學似d人可以帶埋現任男友見ex,仲一齊玩果隻"真係癲既... 無可能. 點大方既人都接受唔到...
果次係仲未正式分手, 不過亦好彩因為咁死左心.
其他碰到前度的經驗我都可算豐富, 各式其式都有!
um......
幾年前係街撞到ex，
我地面對面擦身而過，
我地無打招呼，
唔係我想再見他而不避開，
而那次我是認不出他，
直至佢係我面前....
sooff係一隻online game，
我都有玩呢~
愛美: 嘩, 你應該寫番篇分享一吓... ;)
sa: 認不出, 變了許多? 我今天上過sooff才知道是online game site.
當時係覺得佢醜樣左....
現在諗番起，可能佢無乜變過，只係鐘意佢既時候覺得佢好靚仔(情人眼裡出西施嘛~)，不過我倒覺得自己可怕，竟然認唔到曾經最愛的男人，到現時為止，佢都係我愛過最深既男人......
sa: 可能係你潛意式唔想記得佢個樣, 所以忽然間認唔到.
潛意式?!
點解我會潛意式唔想記得既?
係咪代表我想忘記佢呀?
其實我仲未忘記到呀...
我估咋, 可能你唔想再見到佢, 所以好似完全記唔起佢個樣, 但其實你係無忘記到佢.
Post a Comment