剛才在公司忽然響起這段:"每個夢都得到祝福
每顆淚都變成珍珠
每盞燈都像許願的蠟燭
每一天... " (對, 正是可愛教主楊丞琳的歌聲)
眾人的目光都在等候機主的回應...
原來是那個營業部男同事...
萬料不到, 他竟然會用這樣的電話鈴聲.
實在有點震撼, 隨即八卦sms給二姊, 她即回: "Ha! Bad Taste!"
揀選手機鈴聲或多或少都反映一個人的品味. 最怕男人之家來個"懶"可愛女歌手的歌曲作鈴聲. 不太認識這個男同事, 一向覺得他"無乜野", 呢一煲令大家深入一點認識他. :)
說到我公司的奇人(希望他們沒有上來吧), 好些怪人用的手機鈴聲都幾攞命... 有一四字頭又永遠停留在她成長年代的女同事(在她眼中, 全香港只有劉松仁及陳玉蓮懂演戲, 鄭少秋當然是她的最愛... 張曼玉不懂演戲, 因為她只看過張在"新紮師兄"的演出), 手機鈴聲是關淑怡八十年代的歌曲, 偶然來一首八十年代日本歌... 還有她勁喜歡的李克勤... 每次聽到我都有點想死.
我慣了silent/vibration mode, 不喜歡嘈嘈閉.
不要告訴我你的電話鈴聲也是"每個夢都得到祝福... " 我會笑你的!
29 comments:
虽然我没用杨程琳的歌，但是我觉得那首懒可爱的歌还蛮好听的啊。当然，她不是我的偶像。
抗議!
可愛教主不知幾好.
絕對不是bad taste :)
堅持用Nokia tune，原汁原味，問你死未
哮廊: :) 果然百貨撞百客呀吓... :)
uncle ray: speechless... 你唔係我同事呀呵? :P
kenvol: 我用samsung, 個鈴聲OK, 不過我download左某韓劇中個男主角用既手機鈴聲, 都無用.
我都係中意手機自帶的鈴聲，原汁原味...
下載既鈴聲同免費的彩鈴(唔知香港係唔係甘叫，即係待機鈴聲)我都無用~
我的鈴聲，是國泰廣告「喺咪好遠㗎」。一響，同事就說他們精神緊張。他們嚷了要我換鈴聲好幾次。
之前一個是自製的，史特拉汶斯基的一個著名和弦。用了很多年，學生和同事都以變態來形容。那是我的 signature 吧！
點解咁多個留言都係男既? 好有共鳴呢? :)
mr. bibe: "彩鈴", 好特別吓喎... 我都唔知香港人點叫... 內地好流行玩手機鈴聲架呵? 近排興咩歌?
dennis: 國泰廣告, 邊隻? 無乜印象... 要同事出聲叫你轉ring tone, 又話你變態, 都幾攪笑... 不過我諗你地熟就可以講吓笑, 我公司D人心胸好窄, 幾惡頂既鈴聲我地都要照頂... ;(
我一直都是用最普通, 最原始的電話鈴聲, 貪佢夠響.
至於來電接駁鈴聲, 最初推出時玩過一陣子, 後來覺得沒必要花錢. 最近續約時的package, 送了這項服務, 我沒有打過電話給自己, 所以也不知是什麼音樂. :)
哦, 原來mr. bibe指既係我地既"來電接駁鈴聲".
愛美: 我都係一樣, 簡單最方便.
歌詞幾好呀 ! 沒聽過, 不知好不好聽.
在 office 最好不要響鈴聲, 有次有個新來的同事的鈴聲是叮噹, 一日響廿幾次, 佢又常出了去開會, 手提放了在 office, 我們都說想死!
我在office 不開鈴聲, 基本上沒有時間講私人電話, 放工才開, 鈴聲是 : 學友的如果愛和光良的都是你.
我的電話鈴聲係。。。
“十十下喂又夠鐘,
拎起袋袋, dun dun下我又上工,
hea下hea下又放工,拿起袋袋快快脆我雞咁腳”
係麥兜既fing下fing下﹐好過癮架﹐嘻嘻嘻~
pema: 你真係要聽吓, 果隻歌前排成日響電視聽到, 煩到暈!
... 如果這就是愛... 如果響公司響起黎都可以幾煩... :)
冬冬: 吓?! 哈哈... 點唱架? 但你公司都係老外人, 響起黎會唔會俾人鬧?
pema: 咪聽mad dog講, 首歌好好聽的呢 ;->
uncle ray: 果然係可愛教主忠實擁躉! :)
我嘅手機鈴聲都係英文歌...
好似前排周街都係電燈膽...好驚呀~
而且最怕啲人開到鬼死咁大聲,我對面個同事個電話一響又大聲又難聽,一堆日文唔識之餘,重覺得好煩好mung呀....
嬲記鈴聲是:
"有個X街搵你呀!"
唔好話我又扮兩生花，我係從來用震嘅... OFFICE大聲電話好鬼冇品，細聲又聽唔到喎，所以自從有vibration mode以嚟我一直都係冇鈴聲架
在公司雖沒有明文規定不能用手機,但大大大老闆不喜歡,所以大家都飛線/熄機.偶爾還是會有些不識相的人忘了關掉鈴聲,又跑到不知哪裡去,害我們不停的聽著"吉祥三寶","叮噹"之類的鈴聲. >_<~
我自己嘛...有用震機,但通常都感覺不到(或感覺到但找不到電話...)其實最怕是用很多人都一樣的鈴聲,都不知道是誰的電話響!
我還會set up不同的鈴聲for不同的人. :P
唔好罵你個男同事著﹐可能佢都唔想架﹐但呢家興情侶電話鈴聲﹐可能是他女友或者老婆揀畀佢﹐你知女人D野喇﹐佢無能為力。
我都係用番啲傳統電話響聲，因為尤其喺街，用音樂或者歌曲做鈴聲，好多時聽唔到。
space：係唔係你個鈴聲都係女朋友揀畀你嘅呢? ：P
我冇女友少些煩惱!
我的是三星﹐我只用三種傳統電話響聲﹐在我電話簿的﹐不是我電話簿的﹐和SMS短訊的。
平日用震的,一旦出外人多嘈的地方,都會較返響,怕如果要做野miss call就煩﹗
最近機不離身,震下我就知邊個搵我,嘻嘻....
我唔多鍾意用乜乜鈴聲,好煩,幾鍾意首歌都係唔用﹗
有次搭車,有個阿叔電話響,"老細,有電話呀"(仲係北姑聲) 頂...我即刻閃去第二度﹗
有d電車男咁款仲用stephy的"電燈膽",攞膽......
哈,舉例都係男人,唔好意思...
pinocchio: 好多時就係D人N世都唔聽電話, 咪煩到側邊D人囉.
嬲記: 你講真架? :)
aulina: yeah! :) "OFFICE大聲電話好鬼冇品" 直成啦, 尤其是果D揀歌無taste既上世紀既人, 夾硬要人聽佢D無人識既歌, 好慘.
lu: "吉祥三寶"? 咩黎架? "set up不同的鈴聲for不同的人"咁煩既事我一定唔會攪... :)
inner space: "情侶電話鈴聲"? 咁如果係佢條女/老婆揀俾佢最bad taste, 我會覺得佢另一半有病囉... ;P
xiao zhu: 睇怕space兄個鈴聲就係佢女友幫佢揀囉...
啤啤熊: "最近機不離身,震下我就知邊個搵我"你就直成sweet到流啦! "哈,舉例都係男人, 唔好意思" --> 但真係永遠最駭人果D都係D男機主喎, 無計...
我頂頭用二胡音樂... !
aulina: 二胡添呀? 人都癲!
之前個手機有首二胡歌叫"十面埋伏"(前陣子某廣告用過這首歌,不是eason那首).我就把它定作媽媽的鈴聲. :P
吉祥三寶是首蒙古語歌,前陣子蠻"火"的.谷歌一下可以找到資料的(我不好意思隨便貼別人的post啦).
lu: 即係幾潮吓果隻啦.
您即管笑我啦，老公就係龍貓主題曲；八婆老四就係仲有幾遠、其他一律係QueSeraSera......您笑我啦，呵呵呵~~
jaycy: QueSeraSera... hahahah! :) 呢首都ok. 龍貓... 佢出街有無俾人笑? ;P
Post a Comment