雖然距離聖誕節還有一個多月, 不過開始發夢也不錯! 聖誕除了紀念耶穌基督的誕生外, 當然還有送禮物及收禮物了.
禮多人不怪, 物輕情義重.
有時不是自己買不買得起的問題, 而是, 收禮物都令人興奮啊. 即使是一份數十元的小禮物, 只要對方有心思, 收的人都必然高興.
以下是我會喜歡收到的. 朋友們, 識做啦! :) 哈哈! (其實多年來都是我送多過收的... )
相信這些提議對準備買禮物給女朋友/老婆的人都有幫助吧!
1. 物輕情義重系列:
有些人很不喜歡收到coupons等沒有誠意的禮物. 不過有時要想買什麼也頗花神的. 所以我又不太介意收到禮劵. 之不過, 禮劵也有多種... 超市/藥房等都實際, 不過不好看... 如果要我收, 最好是書劵如Dymocks, Page One, 三聯等等. 當然最好還是連卡佛了! 我有一大堆嘢可以買! :)
當然, 喜歡電影的我也不介意收到電影戲票, 多多無妨! 最好包我一年無限次入Palace IFC及BC! (好貪心啊!) 有些人總愛買些無聊的月曆, 不過揀得好的, 我也喜歡. 最喜歡的都是座枱月曆, 每日有一大格可以填寫, 我會把它放在公司案頭上.
還有記事簿也不錯, 只要是靚便可以! :)2. 扮靚系列:
我喜歡收化妝護膚品作禮物, 只要不是無厘頭無人識用咗唔知會唔會敏感的品牌外, 我都喜歡! 最好就是這些品牌了! Nars, Chantecaille及Annick Goutal(Joyce Beauty有售). 護手護腳的都是L'Occitane有保證.
3. 衣物系列
服飾也是好建議, 不過要懂得我的taste. 通常是二姊或身邊人才夠膽買給我. 不過如果是和芭蕾舞有關的都不錯!
4. 吃
既實際又浪漫, 就是吃聖誕大餐. 自己下廚都好!
5. 看
為什麼沒有人想到我可以很簡單便興奮一個晚上? 帶我去看Moonlight Movies嘛! 一人一個睡袋一起看電影, 我很想去啊!!!!!
6. 貴一點但affordable系列 (開始有啲貪啦... )iPhone!!!!!
Mulberry袋!
Cartier手錶... hee hee...
7. 再貪啲系列我好想好想去意大利南部... 仲有蘇格蘭...
8. 發夢系列
出書囉... 都仲想架...
9. 自己唔捨得買系列MacBook Pro!!!!!
10. "車"想系列...
超級大貪... 一係就唔揸囉, 要揸我只揀歐洲車, 條命要緊噃!
邊度有人送吖... 發吓夢都得卦...
17 comments:
聖誕仲有成個幾月喎! 你咁快就諗好晒個list. 好似仲未有咩氣氛, 因為仲著緊短袖衫.
我個wish list
1. 股票/股份, 我鍾意有果種re-current既feel
2. 相機/鏡頭
3. 普洱茶
4. 聖誕大餐
哈哈，講個聖誕禮物的趣事。
有年同小兒子買完聖誕禮物，大袋細袋的，我說：弟弟呀，怎麼光你有聖誕禮物，我卻沒有呀？
他答得飛快：我今天去街沒有頑皮，你不用罵我，那就是你的聖誕禮物啦！
我想要一只漂亮的手表。
今早突然想起哥哥送給我的手表，當年可能花了他近半個月薪水。
虎茶: 快架啦, 開心吓嘛! :) 普洱茶, 有咩好介紹？
閒趣: :) 你個仔真醒! 手錶, 好有紀念價值!
今年的新年生日聖誕願望都是：最緊要開心！
禮物倒是沒想那麼多，雖然想要的東西很多...
老了。:P
歐洲車...
頭幾年就頂瓜瓜，尤其係Audi or Benz，舊左整到...:hitwall:
MC~
cosmicrays: 開心緊係最緊要!
mugen c: 不過安全啲噃...
普洱茶呀! 呢年幾好似癲左咁呀. 好既又貴到死, 平既都唔敢叫你飲(難飲到爆!). 老實講, 想有益飲岩茶, 唔怕涼底飲下鐵觀音.
而家d茶好似股市咁, 泡沫就快爆破, 炒味太濃, 不宜飲用.
虎茶: 茶都有得炒? 我都鍾意鐵觀音, 龍井都飲. 岩茶, 唔識添...
從小到大
我的wishlist未變過:
我要一部
能製造錢的機器
請問虎茶，岩茶是那種小圓石頭泡水？見過大陸人喝，據說那些石頭可以泡可久很多次。
嬲記: wahaha! 醒呀! 又或者係"願望成真"禮物都好!
你會送禮物给朋友? 他們真幸福.
I want a Patek Philippe watch!!
uncle ray: 朋友就一啲啲啦, 七友都係興玩交換禮物. 屋企人就通常我送多合過收啦. :)
andy: 我夠想要咯! 仲有一幢靚樓添! :P
我也喜歡你貼出來那個系列的記事簿！
還有，Macbook pro絕對值得買，唔駛唔捨得:P
maki: 因為我都有一本! :) 琴日都去望過macbook pro... 玩咗一陣. 17" 又多啲嘢兩三皮... 幾貴呀... 可以去意大利南部有餘!
Post a Comment