Pages

Monday, March 26, 2007

少一點報道可以嗎?

自兩星期前開始, 每天的港聞頭版及電視新聞頭一二條, 除了特首選舉外, 一概都是徐XX案件的聆訊, 不是膩了那麼簡單, 而是, 傳媒真的要這麼大篇幅報道嗎?

每一天看到無記和有記那些"懶"花巧的graphics加standupper手指指, 又紅圈又animation, 感覺是, 好像生果報搬了上電視一樣, 有這個必要嗎? 我知道這宗殺警案全民關注, 傳媒是應該報道觀眾想看想知道的事情, 但天天都high profile報道, 我關心的是, 徐XX的家人所面對的壓力及目光.

當年陽明山莊殺夫案也一樣轟動, 但聆訊始終較短, 且牽涉的人物亦較少, 傳媒相比沒有這次"誇張"的報道.

很個人的感受, 每一天見到聽到有關新聞及令人反感的標題和記者手指指畫紅圈, 都想立即轉台或不看, 每一次都替徐母及家人, 他的妻子及女兒感到憂心. 希望案件盡快審完, 徐的家人可以得到平安.

8 comments:

Anonymous said...

就是沒有人從另一角度(如有,也是少數)去睇呢件事﹗

1. 一個失去兒子的母親
2. 一個失去老公的女人
3. 一個失去父親的小女孩

想一想,她們都是事件的受害人,帶著傷痛之餘更面對全港的指責。

可是,她們的感受,根本沒有被關注。

愛美 said...

近期很少看電視新聞, 但閱報時也有相同感受, 我相信大部份人也一樣.

可是利益當前, 很多人都會罔顧這份良心.

Anonymous said...

這就是香港的傳媒特色,愈誇愈渲染愈多juicy愈多人注意!

Anonymous said...

實在太過贊同你既睇法喇。如果去D XX討論區睇下﹐就發覺其實唔只傳媒﹐成個社會都喺到指手劃腳﹐間直係全民公審。矛頭仲係直指徐母﹐又話佢為咗個仔筆長糧又話佢扮窮。自己企晒喺道德高地亂投石頭﹐間直令人髮指。(sorry mad dog, 借你個題發表下心中不滿)

Anonymous said...

打從那天死因庭話梁成恩欠咭數和偶然去澳門賭,我已經好反感...人都死左,點解要其私事公諸於世?我覺得極慘...

唔知點解,我對整個死因聆訊都好懷疑...太多巧合,太多對徐步高的不利因素...即使所謂的證據,我總覺會有偏差,真相永遠唔係100%。凡報導徐步高案我都會行開,好煩!唔想再聽所謂的鑑證推測和分析!

mad dog said...

啤啤熊: 就算有人關注, 各大報都唔會好似宜家咁日日頭版囉.

愛美: 沒想到近日連電視也玩這一套.

kajie: 夠唒sensational囉.

freak'mc: 好耐無坶D討論區啦, 原來連D觀眾都一樣... 不過個城市有咩人就有咩傳媒...

小蓓: 係啦, 好多疑點, 但日日報道, 更加令人好似要追推理小說咁... 好唔啱.

梁巔巔 said...

香港啲傳媒, 尤其是報界, 係咁 ga la!

最 "掂" 係生果, 直頭當連載故事咁做!

Anonymous said...

LDD: 咪就係捉讀者心理, 日日連環故事, 圖文並茂囉.