Pages

Thursday, March 15, 2007

大阪日本料理 Restaurant Osaka

這是二月初好友生日時請她吃的一餐日本菜, 由於相片是用她的手機拍攝, 亦因為她一直都未有把相片下載到電腦上, 所以至今才可以放上來分享.

這家日本菜在尖沙咀頗多人光顧, 而且歷史也算悠久, 是姨母們許久前己推薦的, 我也來過數次. 好友最愛吃日菜, 每年她生日我問過她都是選吃日菜, 她現在於尖沙咀區上班, 又居九龍, 當然由我來遷就她吧. 去年去過火間土, 今年不如"豪些少"來大阪日本料理, 價錢當然比火間土昂貴, 許多日本人也來光顧.

她揀了這個牛肉火鍋, 沒想到她也肯吃這麼多牛! 啱哂我! 告訴你, 這個是我暫時在香港吃過最最好味的日式牛肉鍋! 可自己煮/熝, 也可由廚房弄好上菜, 友人懶, 叫侍應弄好才放上來. 個多月前的事, 忘記了價錢, 這個好像是$260, 不過物超所值!


也是她揀的, 鹽燒油甘魚頭, 非常非常味美! (實物其實是有點巨型)


我揀的日式薄餅, yummy!!!


還有一個鰻魚蛋卷, 份量也不少, 好像忘了拍照. 結帳約$740左右, 不要和一般港式日本餐廳比較, 因為這兒的日本菜真是十分十分正!

大阪日本料理 Restaurant Osaka
尖沙咀亞士厘道14號亞士厘大廈
電話: 2376-3323

18 comments:

Anonymous said...

我估下架咋。

煲 = 人木火(冇理由唔識喎...)

烚 = 火人一口(都係冇理由喎!)

焯?滾?

mad dog said...

我想講"look"... 咁點寫呀? :)

lu said...

wah... thanks for posting it. definitely will try this. maybe will take mum there for her b'day. she loves japanese food :)

mad dog said...

lu: yeah, food is really good.

Anonymous said...

我就住在大阪樓上﹐有三十多年了。鄰居都是大板的員工﹐他們老闆來香港時都會跟我們打招呼及送我們一些日本菓子﹐非常親切。

小時候被母親體罰兼被脫光趕出家門時﹐他們都會給我些罐頭(但沒有給我開罐頭刀)。就是沒有請我到大阪吃飯﹐想起來覺得有點可惜。

Anonymous said...

大阪,好嘢嚟嘅喎。

“淥”?不過唔知係唔係正字。

Anonymous said...

moon cake freak: wow, 竟然係咁?! 你可以寫篇文啦! :)

閒趣: 我都有諗過係咪咁寫, 好似唔係喎...

Anonymous said...

收到﹐日本菜開正我個胃口!!!

個牛肉火鍋有幾多款牛肉選擇呢?

鹽燒油甘魚頭...正!!! 有冇油甘魚較叫呢?

Anonymous said...

LOOK ......漉熟???

Anonymous said...

inner space: 牛肉唔記得有幾多款啦... 油甘魚較... 即係咩? 鮫... 漉, 都好似係呀呵.

Anonymous said...

網上找到說是“熝”。

Anonymous said...

油甘魚較.....即魚頭對落﹐側鰭個位。

aulina said...

算把啦,問我中文字... ;P

我係技術打字員。

mad dog said...

閒趣: 多謝幫我check! :) 等陣改番.

inner space: 間野好多日文, 有D都係估估吓...

aulina: hee...

愛美 said...

大阪~ 好味道!

以前常和姨姨來這裡, 近年少來了.

早前有晚放工後, 有位Uncle在大阪晚飯, 知我沒有著落, 就叫我去找他. 那日我剛好吃素, 本來打死不去, 免得忍不住破戒. 後來Uncle 給我叫了稻庭烏冬, 腐皮壽司, 炒什菜, 飽得捧著肚子回家. :p

Anonymous said...

愛美: 稻庭烏冬好唔好食??

愛美 said...

我諗諗下, 上次果碗可能唔係稻庭烏冬.
因為如果是稻庭烏冬, 我無理由叫熱烏冬.

我好喜歡吃冷稻庭烏冬, 好好味 :P

mad dog said...

愛美: 冷稻庭烏冬, 我從未食過, 因為本身唔鍾意烏冬, 更唔鍾意冷麵. 不過聽你咁講, 又應該要試吓喎.