昨晚和七友們(連我一共六人)去了看"VV物語"(The Vagina Monologues), 是七場中的第一場, 兩個小時連十多廿分鐘的演後座談會, 感覺都很不錯, 相信她們這次是十分成功的了.
由於是獨白劇, 由三位女演員: 焦媛, 羅冠蘭及郭錦恩主演, 她們沒有太多的互相交流, 但也有三人一起演出的分場. 演出有九個分場, 都是根據Eve Ensler原創劇本的翻譯, 角色扮演都是原創中受過訪問的不同階層, 不同背景的女士的真情剖白.
詳細內容不在這裡細說了, 雖然我知道不少不打算去看的人也很想知道, 包括我的另一半, 他沒有去看, 卻不斷問我究竟說的是什麼.
內容如我們預期, 都頗到肉及露骨, 不過沒有尷尬難堪, 且笑聲不絕於耳. 個人認為演出最突出的是焦媛, 尤其是當她扮演一個參加"陰道工作坊"的女人時用了"唔鹹唔淡"的廣東話(據導演解釋原劇角色是用英國口音的英語), 演出十分精彩, 看著她時, 我覺得她完全變了另外一個人. 她很會運用聲線, 做出不同效果, 這次或許是我第一次現場看她的演出, 實在刮目相看(有看我上一次在這裡介紹這個演出時也知道我一向不喜歡焦小姐的). 而羅冠蘭卻給焦媛蓋過了, 就只是中規中矩, 本以為她會是最出色的一個, 這晚有點遜色. 郭錦恩演出也不錯, 不要忘記她是不會看中文的, 亦由於語言的限制, 她的廣東話不太流俐, 也難免一兩次的"食螺絲".
整晚印象最深刻的一幕當然是三位演員的連串呻吟叫聲, 笑得我流眼淚. 正如座談會時嘉賓李敏小姐也說, 這幕是全晚的賣點. 她們的廣東話粗口亦帶來哄堂大笑. 羅冠蘭說到去看婦科醫生一幕也相當搞笑.
不過由於兩個小時都是獨白, 有些分場更比較長, 即使有現場鋼琴伴奏亦難免有些少悶場, 友人說: "嘩, 差D訓著!" 此外由於是翻譯版, 個人認為有些內容太美國, 且對白不夠本地, 有點生硬.
總括來說, 演出十分成功, 導演說七場合共會有九千多位觀眾捧場, 不過焦小姐說由於每一場都要付版權費給原作者Eve Ensler, 所以她們只可以make even.
完場後叫好友們都說說她們的評語, 好讓我放上來一起分享, 以下是各位小姐的觀演後感:
保險界女強人: 雖則劇本是美國原創, 但應該多加入一些本地元素, 把劇目本地化才能產生更多共鳴.
會計公僕: 雖有分場, 但感覺上有點散, 沒有主題. 焦媛最出色.
未來高官: 題材雖然敏感, 但演員十分專業, 能帶出正面信息, 令觀眾沒有尷尬、忌諱, 完全投入表演當中。郭錦恩最出色.
老闆: 我比較膚淺, 我喜歡生活化D, 所以我鍾意郭錦恩果part多D, 不過比預期之中好睇. 另, 她們說粗口那一part有點生硬, 不夠放.
沉默賢仁: 兩小時的獨白劇加上簡單的舞台更特顯三位女演員的表演. 的而且確焦媛扮演帶有口音的女人的像真度非常高, 有出神入化. 羅冠蘭是她如常的演出, 郭錦恩是最自然的一位. 因為以前只看過羅冠蘭的演出, 我自然把更多焦點放在其他兩位演員. 不論題材和演員都有一定的新鮮感. 整個劇能帶給觀衆寫實的片段, 明確的題材和訉息, 思考和領略, 輕鬆和喜悅...
另原來黃霑數年前推介此劇給她們, 那時替劇改了中文名為"陰私細語", 不過導演等幕後製作人員怕觀眾會聯想到鬼戲或恐怖劇目. 另有觀眾問為什麼不直譯叫"陰道獨白"而用"VV物語", 導演解釋, 其實香港人十分之保守, 是中港台最保守的, 比新加坡更甚.
詳情可看焦媛實驗劇團, 演出至二月四日.
Technorati tag: the vagina monologues
25 comments:
I am interest to watch this. I kind of understand what is the topic about and so not sure if it is appropriate for men to watch.
there are male audience... but only about 10% among the total. and we saw some 50+ male audience who went alone, a bit odd though. ask your female friends to go together loh.
"而羅冠蘭卻給焦媛蓋過了,"
真係估唔到~
"連串呻吟叫聲,"
正呀!
LDD: 我都諗住羅會係最出色, 但原來焦好掂, 真係值得捧佢場. 喂, 你都買飛睇啦, 不過唔好一個人去喎, 男人老狗自己去睇有D怪. 我個friend隔離坐左個阿伯, 一個人自己黎, 嚇親我地...唔知佢係咪鹹濕佬架嘛!
聽晚會同家姐去睇﹗
一早都估到大部分觀眾都係女人，等我睇完再報告一下...
咁你好快D update你個blog啦唔該...
都話呀焦小姐係性格演員架啦，佢在公在私都好突出，令人佩服﹗
我懶呀...趁年三十晚去賣下懶先...嘻嘻...
啤啤熊究竟你個blog響邊呀？
死，頭先明明有野想講而家唔記鬼得添... 諗到再返黎。
記得：保守。
香港人保守都顛... 我和中港台新馬?女孩都做過室友... 真係有時，點講呢，總之人地唔係好似我地咁收收埋埋囉。
（我都係收收埋埋果種，所以絕對明「保守」點解）
啤啤熊: 係呀, 我以前未睇過焦小姐做戲, 對佢有少少偏見, 今次可以話係對佢印象大改, 你聽晚慢慢欣賞啦.
aulina: 琴晚播左好多街頭訪問vox pop, 導演話好多人都好怕羞雞咁腳走唔肯答. 不過如果響街上問我, 又會播番出黎, 我都唔會彩佢啦. 不過琴晚睇既觀眾, 外表上係保守派, 雖然都笑到癲.
中午打去訂飛,得四號晚單丁位，結果都係算。有無看過原裝？
cosmicrays: 4號晚係加場, 真係咁爆? 原裝英文版? 無睇過呀. 多年前就聽過, 不過無睇...
對焦小姐真係無咩好感。N年前有套李敏編劇電影，名唔記得，套戲劇固然爛，焦小姐演高級一樓一，個種「我好索好正」氣質，仲有無喇喇著肚兜跳憋腳中國舞，真係...難頂指數爆燈。
"咁你好快D update你個blog啦唔該..."
"啤啤熊究竟你個blog響邊呀？"
一齊日哦夜哦, 狙擊啤啤熊個 "鬥" ( Blog)!
"死，頭先明明有野想講而家唔記鬼得添... 諗到再返黎。" <--- 柯蓮娜, 弊呀!!!! _ 人 _ _ 症....
XD
據說這劇是黃霑介紹的，還起了一個中文名叫陰私細語，但最後用了現在的名字
＞N年前有套李敏編劇電影，名唔記得，套戲固然爛＜
套戲叫?情敏感地?，有葉佩雯、吳辰君、黃霑、谷德昭；高志森導演..
依然可以好爛...
cosmicrays: 你講果套戲爛, 我無睇過. 我諗一套戲爛有好多因素, 包括劇本, 導演, 演員, 對白, 分場... 種種. 不過咁多有D名氣既演員都唔掂, 我睇個劇本好爛囉, 係咪?
LDD: 係啦, 啤啤熊都唔知為咩攪咁耐...
uncle ray: 對呀, 你有無睇文章最底個段, 我咪講左黃霑改既不名囉.
uncle ray: i meant 原名.
"不過咁多有D名氣既演員都唔掂, 我睇個劇本好爛囉, 係咪?"
全中！
Just wanna say it's not weird for men to watch, as the director is also male. U probably will understand female more.
I have read the original text.It's great! I will watch on 4 Feb (nite session). Hope it's great!
小米子: so are u female or male? but when the majority of the audience is female, male audience who goes alone looks uncommon... :)
看了下午場，羅冠蘭是屬於舞臺的。她給我的感覺是，好像真的有人跟她做對手戲。
sanwenji: thanks for sharing.
Post a Comment