和侍應一談, 他說現在的醉瓊樓雖然不是以前正宗的那一間, 但都是那一堆人開的. 不過他說: "你們也可以開一間啊!"
餐牌上有二人套餐, 四人套餐, 也可散叫. 二人餐只有兩碟菜和一個羹, 不夠吃, 我們叫了一個四人餐, 可以揀三個菜, 一個羹.
粟米魚肚羹: 一般, 冬天天氣乾燥, 喜歡喝住家湯的人也想吃
金菇肥牛煲: 肥牛不錯
鹽焗鮮魷: 味美, 不過有點熱氣
菜心斑片: 夠鑊氣
總括來說每一碟都很有鑊氣, 比許多酒樓質素更佳. 最後更送糖水, 是紅豆沙, 也是熱騰騰的. 叫了兩個白飯, 結帳$286, 很實惠又不錯的晚飯.
忘了一提, 菜單上竟然有我母親拿手的"節瓜粉絲蝦米", 不過他們的是"節瓜蝦米粉絲煲", 都是吃母親做的好, 沒有叫.
10 comments:
醉瓊樓最有印象的是【鹽焗雞】不知你可記得菜牌上有冇呢?
"都是吃母親做的好, 沒有叫."
Ah ha~ :)
對啊！以前當我還在讀中學時有很多間醉瓊樓，現在己少了許多．
此外，我曾兩次光顧這一間，他們的食品及服務也很差啊！尤其是服務態度！
inner space: 鹽焗雞緊係有啦, 我細細個就去買外賣返屋企俾老豆食啦. 果日我地唔係太舒服, 有少少作感冒, 邊度敢食雞. $80有半隻啦!
LDD: 緊係啦, 食慣阿媽整既, 人地整一定無咁好食.
kajie: "他們的食品及服務也很差啊"... 真係咁差? 可能我地果日去比較早, 無咩人, 服務OK喎, D伙記仲響度玩撲克, 打牙骹. 後尾九點多先越來越多人黎. D野食好有鑊氣喎.
有沒有試過 "醉湖" 呢? 是在修頓球場軒尼詩道那面。聽說食物很有水準﹐但服務很差﹐只賣熟客的賬。
所以要有熟人帶才敢試去﹐否則被 TONG !!!
inner space: 醉湖, 唔識喎, 果頭有間咁既酒家咩? 修頓果邊定對面?
我細個老竇時常帶我們兄弟去的是在石硤尾巴域街的泉章居，以前都好多分店的，現在也關得七七八八！
泉章居我以前去銅鑼灣果間多, 宜家搬左去新地址之後去過一次, 不過友人覺得唔好食. 其實好多時D街坊酒家仔煮得仲好食過連鎖式大酒樓.
"醉湖" 是在修頓球場軒尼詩道那面。
on the opposit side and facing 修頓球場。
泉章居 ok lah but no go for LONG time!!!
"醉湖"... 等我check下先...
Post a Comment