那天去完"一日遊"及K之後, 我們一行六人乘車往九龍城吃火鍋去. 日間"放了飛機"的"保險界女強人"晚上終於出現, 還攜眷, 另外兩位男士(兩位老公)也加入, 十人一起吃火鍋, 比團年更熱鬧.地點是下午飲茶時才決定的, 因為之前一直打算去BBQ的嘛. "老闆"說這間方榮記有點來頭和歷史, 八十年代開始已有點名氣, 好像是肥牛火鍋的先驅之類.
訂了晚上八時半的桌, 抵達後還要等差不多半小時. 位於侯王道的火鍋店面對九龍城街市, 兩三個相連舖位, 晚上營業至凌晨二時.且看是晚的火鍋有什麼來頭:
價錢不特別便宜, 以九龍城來說, 我們都覺得有點昂貴. 叫了一兩支啤酒, 兩jar酸梅湯, 湯底揀了一個蕃茄一個清湯, 叫了許多碟食物. 這兩個煲細小得可憐, 五人一個, 很擠迫啊:
$80一碟的肥牛叫了兩碟, 我們都說: 唔掂! 老公遲來, 問為什麼不叫美國肥牛, 我再拿order單看, 星級肥牛$150一碟, 還只是澳洲的, 沒有美國的. 嘩, $150, 我們不如去翠園或有骨氣?!
如火如荼之際:
十個人原來只有四個(包括我和我的另一半)吃羊, 這碟可憐的羊孤獨地坐在另一桌上等候至尾聲才可以出場, 有人說: "嘩, 唔得, 會contaminate我地D湯架!" =__=
結帳$1105, 十個人, 算是抵吃, 但城市人如我們, 都是小姐紳士嘛, 地方淺窄, 那晚有點寒冷, 連放褸及袋的地方也沒有, 吃得有點辛苦. 我們都說, 都是翠園或有骨氣較舒服, 即使是稻香或德興也不錯啊. 食物方面, 大家一致覺得認真麻麻, 有說連魚蛋牛丸也不合水準, 那個蕃茄湯底幸而不在我面前, 因為我最討厭蕃茄煮的東西.
之後去吃糖水, 上次與另一班中學同學去過, 我們都忘了是哪一間, 於是隨便走進"地茂館"甜品, 糖水麻麻, 不過十分便宜, 一碗喳咋$12.
10 comments:
方榮記都幾出名的，我末去過，原來麻麻地嗎?
hmm....i am not that keen on having hotpot except at home...:P
曾經在梁巔巔處相同留言.
只喜歡一大班人去﹐但一人一窩的打邊爐﹐如果一班人用一窩﹐窩中只是洗筷子水﹐因為喜歡喝湯﹐煮過所有食物的湯﹐十分滋味﹐自己一窩﹐可以安心享用。
uncle ray: 係啦, 原來好多人都聽過. 不過可能我地唔係熟客, 所以俾D普通貨色我地囉.
carrie: yes, hotpot at home is more preferrable, but then with such a big group, someone has to open his/her home ah ma... the cleanup is a pain in the ass.
inner space: 不過我地用公筷架麻, 而且夾生野同自己食果對分開架麻, 都OK既. 最緊要整熟D, 唔好見人地未夾完熟野上黎又放生野落去囉.
哈哈!!食食下就會亂﹐唔同色的公筷當私筷放入口﹐大家吃喝得高興﹐根本無理會到﹐所以不是一人一煲的火窩﹐當然唔會喝湯﹐ 揍揍熱鬧﹐吃小小喇。
我呢D潔癖人好小心架, 昅到實一實! :)
"昅到實一實!"
哈! mo 錯!
試過有一次食火鍋, 邊打邊食邊閒談間講到健康話題, 有個台灣同學仔食食 o下無端端話: "唉, 我都很害怕, 我有乙型肝炎.... (他不是說笑那種 o番~)" o個刻真係比他吹到 "啤" 曬!
所以, 回港長住後, 即刻走去驗血 (台灣乙型肝炎好流行), keee keee, 托賴, mo 事!
LDD: 嘩, 嚇死無命賠! 香港乙型肝炎都好流行架, 話係廣東人最多...
唔駛驚﹐而家乙型肝炎有預防針打架喇~
冬冬: 係, 我十多年前一早已經打左, 宜家仍有免疫力. 我諗LDD當年緊係未打啦.
Post a Comment