討厭下巴士前沒有人按鈴弄致有潔癖的我要拿紙巾出來按鈴 粗口不停又狂妄的小巴司機 公車上整程車都在傾電話的乘客 戲院裡傾電話及不停發出噪音的人 的士司機行錯路 難聞的的士車廂 被汗濕的路人"high"到 穿皮靴時明明天朗氣清晚上卻下著毛毛雨 洗杯斟水 公司電梯內不停地大聲傾談的人 同事喝水/茶時發出聲響 公司最遲一個上班 晚上最後一個收工要鎖門 站在扶手電梯左邊又不繼續前行的人 趕 不安 交稅 隱瞞 謊話 生活得一塌糊塗 雨天 潮濕 濕疹 腸胃炎 刷牙 喜愛的鞋子變舊了 杏仁豆腐 杏仁霜 蒸水蛋 蕃茄意粉 貓 蟻 楊千樺 宣萱 郭可盈 滕麗明 李克勤 查小欣 林曉峰
喜歡
母親煮的蝦醬排骨/雞翼/節瓜粉絲蝦米/蒸鱔 寫blog 睇blog 寫留言 網友留言 看電影 談電影 看舞台表演 跳芭蕾舞 成功在舞課上完成高難度動作 忍吃後發現自己瘦了 頭髮set得靚靚 在街上被俊男望 塗了甲油的腳趾 家人打來的電話 許久沒見面的朋友的電郵/sms/電話 荒漠甘泉 神的話語 聖靈的提醒 旅行 美妙的旋律 明哥 Jude Law Wentworth Miller Jonathan Rhys Meyers Noah Wyle 演技好的演員 ER Prison Break Medium Engine Six Feet Under 所有用朱古力整的甜品 小店的咖啡 crepes ribeye steak 大家樂$5熱奶茶 Newsweek HK Magazine 剪頭髮時在髮型屋看多本平日不會買的貴價外國時裝雜誌 速遞員的微笑 隔鄰公司阿嬸的寒暄 工作案頭上種了多年的植物仍生生不息 工作效率高 得到讚賞 自動感應開關的水龍頭 遊客問路時幫得上忙 大減價 回家 星期五晚上 生病時吃母親煮的白粥 八達通
37 comments:
有次我讀日本雜誌看到typo,jude law變成jude raw,現在每次想起jude law也會覺得他很「生」.:P
ha! jude raw...
幾好笑喎，jude raw... 我還看過mp3 pRayer...
原來你是用紙寫下的嗎？？想不到想不到。
有時心血來潮時太夜又唔想開電腦, 會寫起佢架.
”下巴士前沒有人按鈴弄致有潔癖的我要拿紙巾出來按鈴”：病情嚴重，要及早求醫．．．
orangutan: hahah! 唔係太嚴重下嘛. :) 我去超市時有時都會用tissue黎推cart架... :P
嚴重呀！
Mad Dog))))))))))
妳又有潔癖 ga!!!!!!!!! 同道中人 ar!!!!!!!!!
另, 我好憎小巴司機! 尤其是紅色? oD!
好小事 ja~
放心!
除非去到鄧麗君 o甘, 廿四小時戴 o埋手套出街 & 在家, 或一日洗 n o甘多次手先有事.
都係自沙士果年開始, 宜家一定要有支酒精gel響袋, 用ATM machine, 按電梯, 扶把(公車)都用tissue, or use the hand gel right after touching these spots... 屋企都係架, 一有人黎著住街外衫坐過都會消毒, 有D癲... IT同事幫我整過部電腦我都趁佢行開後用火酒清潔... :P
有親戚朋友 o黎屋企坐, 坐過邊, 要1比50滴露抹; 電腦 (屋企 o既), 唔係屋企人 "鬥" 過, 要1比0火酒抹; 在外面盡量唔 "開" 大, 認真頂唔住就頂到去去我別墅文華....; 拎 oD o野或摸 o既 o野, 上手後一有 o的凹凸感 (污糟 o野如菜汁, 不知名類似鼻屎之物...), 即去洗手間用粯液洗手~ etc.
總之, 抹抹抹, 洗洗洗~
乾乾淨淨, 絕無疾病
抹抹洗洗, 健康 o埋 o黎~
Heee heee~
hahaha! "拎 oD o野或摸 o既 o野, 上手後一有 o的凹凸感 (污糟 o野如菜汁, 不知名類似鼻屎之物...), 即去洗手間用粯液洗手~ etc."
--> 我基本上任何人遞過黎既野, 我之後都用hand gel清潔雙手(no matter 有無凹凸感). 最尷尬係公司有新人/客黎時, 介紹過後又要握手, 等人地行開後會即用hand gel...
仲有, 晚晚用火酒拭手提電話, 屋企電燈製, remote controls, 又用dettol清潔廁所板, 洗手盤, 浴缸邊... etc... 人都癲! :P
"晚晚用火酒拭手提電話, 屋企電燈製, remote controls, 又用dettol清潔廁所板"
喔! 呀哈哈哈哈哈哈~~~ 完全一樣呀!
我就曾經狼得滯, 用1比0火酒抹到上三部手提個螢光幕矇曬. 再 mo 幾耐, oD火酒滲 o左入去 "灣" o埋. 所以, 我而家會用布浸落1比50滴露度, 扭乾先抹. 唔係 o既話.... 一年換 n 部都似. -____-"
至於電制, 試過抹到壞 o左. 好彩呢樣唔係成日抹, 唔係多多唔夠死~
"最尷尬係公司有新人/客黎時, 介紹過後又要握手, 等人地行開後會即用hand gel..."
係呀係呀!!!!!!! 呀哈哈哈哈哈~~~~
又另外, 有一次被個基佬 o錫 o左隻手背一 o災..... 仲要扮 mo o野扮冷靜, 等一陣先衝入 washroom 用粯液係 o甘洗係 o甘捽!!!!!! -____-
"洗手盤, 浴缸邊... etc..."
都要?!?!?!?!?
..... Mad Dog, 妳真係仲癲過我 ar!
^~
LDD: 真係諗唔到有男人同我一樣咁潔癖! :)
belated 的回應:
我沒有兩位那麼嚴重潔癖﹐只是外出時有兩個必定﹐永遠有支筆插在衫袋﹐用來按制用。 用完公共設施包括握手﹐必出去洗手﹐洗淨後隔著tissue關水喉﹐隔著tissue開洗手間門﹐隔著tissue開公司門﹐ 回家第一件事也是洗手﹐ 如此類推。
inner space: "洗淨後隔著tissue關水喉﹐隔著tissue開洗手間門﹐隔著tissue開公司門" --> 呢個當然係必然啦. 有D電梯制隔著tissue唔著, 要用有少少濕既tissue先得, 所以更煩. 按大廈密碼/電梯等等都用tissue or 鎖匙, 女人好少插支筆響袋. 有時好似D男人潔癖仲勁... :)
"要用有少少濕既tissue先得,"
呀哈哈哈哈哈哈哈哈哈哈哈哈哈哈哈~~~~ 學柯蓮娜咁講~ "返公真係唔好掛住睇留言，唔係笑死"!!!!!
~~~~><~~~~ 頂唔順喇~ 頂! 一陣點見客?!
我自知嚴重潔癖，心理有問題，可能是因為長期精神緊張，受過打擊（感情和金錢），加上自小常肚痛腹瀉。我怕用公眾厠所，但返工長時間在外，不能忍。坐「無形椅」如厠，常有「水點」從厠中反彈上屁股或腿。如果下世又嫁唔去，寧願做男人。如厠前要洗手，然後才觸碰自己的衣褲。我又很怕逼巴士，不想給任何人的身體任何部分或東西碰到，所以常用某牌子的消毒劑來噴自己，說不定已有癌細胞在體內。因為常洗手，手很乾和脫皮。
anon: 明白. 我都覺得有時好唔方便, 不過習慣好難改.
謝謝。能在網上向一個不認識我的人暢言，心感舒服點。我在多倫多獨居，返港時不敢回家跟媽同住。她以前駡我潔癖「冇人有」，如今我的病態更嚴重。公司很多同事來自中國大陸，我目睹他們挖鼻孔、舔手指，天天要跟他們共用設施。公司資源有限，我休假時，電腦和座位一切要給人用。我在大陸旅行時，也看見挖鼻孔的人。我不用公眾電話、公眾衣架，以前我不是這樣的。
公司搬了去一個小地方，空間狹窄，椅背天天被撞數十次，我不能再把褸放在自己的椅背，又不想用公眾衣架，把褸跟別人的堆在一起。冬天快來了，怎辦？
加拿大鬼很沒公德，很多人乘巴士地鐵時，雙鞋踩在座椅上。在香港這樣做是犯法要被罰款。我絕不會在外坐過，又坐在家中任何東西上。所以謝絕探訪。我會把外出時穿過的衣褲掛在睡房內的衣架，不會讓它們跟櫃內那些乾淨的一起。新買回來的東西都要徹底清潔後才用。害怕買鞋，因為人人赤腳塞進去試。
曾數度碰見一老女人（鬼婆），她總是穿著白色羽絨（即使是夏天），雙手戴著透明手套。曾在巴士上看見她先把一塊布鋪下，然後才就座。我不會如此公然怪模樣。
還有：曾在香港大會堂借書，看到某一頁，赫然發見鼻屎一顆，從此不借書回家。返香港不敢回家住，唯有去賓館。
anon: 哈哈. 一定有人嚴重過你. 有啲同你相似, 包括: 公眾電話、公眾衣架唔會用, 去旅行我會自己帶兩個私家衣架!!! :) 如果無辦法一定要用公眾電話, 用完即刻用消毒紙抹耳仔! 公巴/地鐵上我絕用用扶把! 會用廁紙隔住, 又或用完即用消毒液抹手! 絕不會在外坐過，又坐在家中任何東西上 - 一樣! 一返屋企換衫, 著過嘅衫疊埋一邊, 唔會放入衣櫃. 謝絕探訪 - 有時都無計, 親友到訪都歡迎, 佢地一走又係咁抹囉. :) N年無去圖書館借書... 買鞋, 女人一大喜好, 通常返仁屋企洗腳囉... 如果買最反一對, 返去用火酒抹鞋內. :)
今次給自己一個名稱。欣見有你這個同道中人。我一直為潔癖狂自咎，會在公司裡鬼鬼祟祟噴消毒劑，但那陣氣味給人發覺，引起投訴。我喝望退休，不用再天天逼車，有更多屬於自己的時間，精神輕鬆一些，心理狀態會好轉。
我也是新聞界中人，到過美加歐、中國大陸幾個城市、日本、紐西蘭、新加坡和古巴。生於60年代中期，以前當記者，年紀大了不想出外跑，當翻譯，壓力沒那麼大。數年前返加，之前在香港一著名上市公司任職，月入4萬，回來的一大原因是害怕香港的蟑螂。似乎可笑，但牠們真的影響日常生活，使我年年受驚十數次，可以突在床上出現，有時還會飛。試過睡覺時感到有東西在額頭，以手撥開，隨後醒來看見蟑螂在床上。又試過蟑螂跌在後頸，進入睡衣內往下爬，從睡褲筒走出來。曾在南Y島住，那裡的蟑螂特大，洗碗時突有一隻兩吋長東西在水龍頭爬。相信加拿大鬼並不知道蟑螂會飛。
這裡住柏文，最不好是年年有人進來幾次，維護冷暖氣設備和檢查警報器。每次為免地板給他們的鞋污染，我都先在地上舖滿垃圾袋。地板専用的清潔劑沒有消毒作用。
多倫多獨居人: thanks for sharing with me! 我都好熟toronto架, 去過十次八次. :) 我除有少少潔癖外, 亦勁驚貓. 不過潔癖未至於太影響我生活. 而驚貓, 響美國讀書時都有搵過behavioral therapist, 你有無諗過搵專業傾傾? 可能都有幫助架. :) take care.
我完全不相信找專家會有幫助。我的生活亦騰不出空檔，連睡覺時間也不夠，單是返工來回也3小時，每程轉車3次。我也是孻女，有兩個姐姐，大姊是貓癡，我不知她為何那麼愛貓。送東西給她很易，只要跟貓有關的，她都喜歡。我較喜歡狗，討厭小孩子，又吵又煩，係又喊，唔係又喊。
多倫多獨居人: 原來你是女的, 一直以為你是男. :) 我很怕貓. 或許因為我讀心理學吧, 我相信找專家怎也能有少許幫忙. 不過其實如果潔癖只影響自己, 不太影響其他人也不太是大問題吧. :)
一直不知你有這個誤會，我在9月23日第一個留言談如厠謂寧願做男人。很怕公司的「反彈馬桶」，每次有「水點」彈上來，就要用小小的、本作打針用的alcohol swap來抹（這裡沒有獨立包裝的酒精紙巾賣），但厠格內沒有垃圾桶，一切東西要拿出去外面的垃圾桶掉。厠格狹窄非常，那道門要兩手並用來關，一手扶著它，一手扭那個lock。當然兩手都要用tissue隔住。返工日子我唯有盡量少喝水，忍不了才去，幹那一大苦事。香港的馬桶內水位較低，沒那麼容易反彈。
多倫多獨居人: 係噃... 唔記得添. alcohol swap, 香港都有一輪只有alcohol swap買. 不過宜家好多日本造專俾人抹公共廁所嘅tissue. :) 厠格內沒有垃圾桶 又真係好唔方便. 不過唔飲水對身體唔好呀, 千奇唔好!
我返夜班，每天在家中吃午餐前會空肚喝一杯水（對腸胃好吧），所以也要喝兩杯才上班。深夜返家再喝一杯。我不喜歡喝水，無味道，但據稱茶利尿，所以還是不用上班的日子才喝茶吧。今天開始用此策略，結果都要去，又彈倒。鄭裕玲話自己潔癖怕用公共廁所，但她不用每天8小時（未計來回車程）返工！
多倫多獨居人: 咁真係對個腎唔好呀... 日本有出一啲漏斗型小杯, 專俾女人如廁時用, 即使企響度去都得, 或者可以幫到你?
我於N年前聽過有此發明，但相信不好用，所以現在還未普及。即使位置對準，也可能會弄濕手指。我很怕廁所狹窄，昨晚就手踭碰到那個大廁紙架。多倫多亦不會有那些漏斗形導尿器賣，這個所謂先進國家連獨立包裝的酒精紙巾都冇啦，甚至洗衣機用的衣物消毒劑都冇，香港仲多東西賣。
多倫多獨居人: 洗衣機用的衣物消毒劑都冇? 估唔到噃. 手踭碰到那個大廁紙架 - 我會即刻用soap洗手踭囉! :)
漂白水就有。那天更弊是碰到的是衣袖，而下班時要把褸穿在外面，那麼骯髒衣袖就在褸內。最方便的是噴消毒劑，但氣味又給人嗅到，製造商又不生產一些無味的！由於廁格太狹窄，坐「無形椅」時一邊要避免腿觸及馬桶，一邊又要避免頭部碰到門，有兩次我甚至給尿濺在大脾內側，多狼狽。公司搬來這個地方是我的不幸，舊地方並沒有此問題。
多倫多獨居人: 好明白. 有時避無可避, 唯有當無事算.
我不用再害怕那馬桶了！公司以金融海嘨經營困難為由，關閉我所屬的部門，大家要馬上執包袱。我將要申請失業救濟金，從沒有想過會享用此政府福利。這裡的救濟金跟香港的綜援不同，最多只能收取45個星期（最小是14周）。以前在香港，公司多次裁員，我都沒份兒，還獲加薪近50%，但如今……我還買了樓花，2010年初入伙，首期已付，還有20萬加元要付。最近又以為趁低吸納買港股，全部股票都在蝕錢。
多倫多獨居人: i am sorry to hear this. hope everything will be fine soon. take care!
Post a Comment