那天和二姊談天, 不知為什麼, 她無端端問: "如果有機會, 你估你會唔會想做cheerleader?" 哈, 什麼問題來的, 我們兩姊妹就是可以這樣無稽地說笑, 常常有些無聊透頂的對話. "即係如果響美國讀中學?"我問. "係啦, 即假如有機會...""都可能會架, 如果個個同學都玩, 好似都幾好玩, D衫又幾靚, 成班人一齊跳都幾威架..." 我答. 回想, 我也頗喜歡這些群體活動. 呀, 其實F.6那年無端端做了House Captain也的確帶領過班F.1仔做啦啦隊啊!
做了幾廿年女人, 自中學起(實際上哪一年也忘了)開始戴這個"爸"之後, 真是未試過有前兩天的經歷 -- 就是忘記戴! 可見近日我真的心神恍惚. 最搞笑是, 整天都不知道自己沒有戴, 直至晚上回家更衣時, 除剩長袖內衣始發現原來早上更衣上班時忘記了戴! 有時真覺得我的神經質越來越嚴重! (母親和二姊知道後, 反應是, 只有上面無咩既人先可以犯這個錯誤... =__=" )
11 comments:
「...忘記戴 + 整天都不知道自己沒有戴, 直至晚上回家更衣時, 除剩長袖內衣始發現原來早上更衣上班時忘記了戴!」 --->呀mad dog姐，你真係進入化境﹗呵呵呵﹗
「母親和二姊知道後, 反應是, 只有上面無咩既人先可以犯這個錯誤... =__=" )」--->睇左你屋企人呢句說話，唔好意思，我忍唔住爆笑﹗
喂﹗點解唔反擊？應該話：我鍾意自然d呀﹗
話時話，你無野呀？攪成咁？公務繁重都唔係咁激﹗
mad dog姐，冬天就話姐，如果夏天，咁點算？
夏天 o個陣, 自然調節, o係 mo 意識底下自然曉! 一定唔會 o甘 ga ?
http://hk.myblog.yahoo.com/lightout-lightup/article?mid=287&prev=299&next=230
係咪我個blog下面o個張相咁呀~~~~~~
wakakaka~~~~~~
保重?保重﹗
啤啤熊: "你真係進入化境"我都覺得係... "點解唔反擊"? 咁實際上係, 我三姊妹真係得一個"得天獨厚"遺傳到阿媽既好身材, 我偏偏無份, 可以點? :) 我諗夏天應該唔會犯呢個錯卦... 入到電梯都會再望多次自己個樣既... ;P
LDD: 咁咁多年都係第一次唧, 寫左呢篇, 我睇除非他日老人痴呆, 否則唔會再有架啦.
死仔魚蛋明: 你又黎?! 喂, 你係咪日日睇我個blog架... 唉, 要小心D先得! ;P (btw, 邊張相呀?)
yellowline: thanks... =__="
唉, 貴 Blog 有 oD字出唔到.
原文應係:
"夏天 o個陣, 自然調節, o係 mo 意識底下自然曉! 一定唔會 o甘 ga o勒!"
所以, 我意思就係, 知妳唔會再有架啦. :)
無0野講....oh..how about underwear??!! Haha!!
嗯，是時候放放假吧？如果這個也不記得，真的有點……
不過你媽和你姐很風趣！
I believe 是太舒服了﹐而忘掉了。
我是男生﹐不知道女生帶“爸”的感覺﹐但有
時穿了較細碼的上衣﹐都感覺唔舒服﹐可想而知。
做cheer ladies 係咪要翻筋斗?
karen: that i wear for sure... ;P
aulina: yeah, going nuts. i took leave during christmas/new year already...
inner space: 其實作為女人, 戴了多年的"爸", 有時真的可以舒服到等如身體一部份... 好似contact lens咁, 亦好似戴有frame眼鏡一樣, 戴得多就唔覺得有咩不自在. 不過無戴一整日都唔知就真係好少有...
uncle ray: 我諗要卦, 美國D中學cheering team好pro架嘛, 有無睇過cheering team比賽, 好犀利架. D女仔又靚又齊, 好似olympic咁巴閉!
Post a Comment