祝各位開工大吉!今天回到公司, 知道許多同事都未返工, 放假至年初九, 於是今早心情特別輕鬆, 以為這個星期都"我有我天地"! 怎知, 原來只有三四個放假, 其餘的全都已埋首工作, 真的不是味兒!
然後當然是靜靜地安坐位中開始工作(及blogging... :P ) , 怎知一個"不識趣"的半新同事高姿態在派利是, 唉, 我笑著對他說: "乜你咁high profile呀?" 他連人家有小孩子的都派, 果然是Sales風範! 然後輪到我派...
今天午飯會出去看看有什麼紅噹噹的植物買回來"紅下佢", 逛年宵時沒有買小盆栽啊.
新春期間見了不少親戚, 十八歲的表妹出賣了她的表哥(我的表弟), 告訴我們他寫了一個blog(她在msn找到的), 今天還收到表妹forward給我和二姊他的blog地址, 當然會看看了! ;p 我也告訴表妹我這個表姊也有個blog呢, 不過當然沒有告訴她我的blog址.
另外和父家那邊的親戚吃開年飯, 又見了好些表弟妹及堂弟妹. 最年輕的都在讀大學, 想必也有寫blog, 有時我想, 他們會否有一天發現這裡然後知道是我呢? 或許他們已看了一段日子, 又或許他們怎也想不到我這個三十幾的表姊也學人寫blog!
不過Google果真厲害, 我懷疑不少熟人都可能從那裡找上這裡來, 都說以後要小心說話.
這個星期沒有芭蕾舞課上, 有點納悶, 還要等多六天啊!
老公剛打過電話來, 說找我吃午飯, 本想吃點"輕kang"的, 因為過去數天吃了太多太膩了, 但又沒理由推卻他啊, 現在想想吃什麼, 我很想喝杯平日一星期都"幫襯"幾次的小咖啡店的咖啡啊.
26 comments:
Google 真係好得人驚!
年初四霸個頭位同阿高層mad dog姐say hello先﹗
祝mad dog姐開工大吉，大吉大利，利是派少d，d人工就加多多，多諗頭到寫爆blog，blog blog不盡，盡善盡美...
新春就同老公咁煙”ｕｎ”，羨慕死人啦．．．好似新婚咁，拍拖食晏﹗
嘻嘻，我把口"long"過油?食得甜野多，說話都甜過人 ：ｐ
嘿~
比人搶閘．．．
嘿咩呀．．．新正頭
LDD: 係啦, 你要學下啤啤熊啦, 小心講野(尤其響你自己個blog度, 唔好成日豎敵啦), blogging環境好友善架麻... ;)
啤啤熊: 你真抵讚. 多謝唒, 祝你新年進步, 萬事勝意, 步步高陛, 豬籠入水! 哼, 我同老公最後都係"佢要食中我要食西", 協調唔到, 自己食自己呀! 我一定要食sandwich/salad+咖啡架啦, 人地要食中式呀, 算吧啦.
唉, Mad Dog姐, 我先係受害者呢. :(
Mad Dog <--- 又靚又發財!
啤啤熊 <--- 桃花滾滾!
Heeee~
我有個在Yale 的朋友，有一日在google 不知找甚麼找上門。我已經用筆名，但那個朋友說一眼就認得出是我寫的……
LDD: 唔理你地咁多啦, 有咩野響email/電話撐掂佢麻. 所以我唔多鍾意出黎見面, 然後熟絡, 跟住反面... 好無癮唧.
古思哲: 係呀, 我家姐個friend話有一日搵野上左黎, 一睇description就知係我... 你話幾弊.
簡直老土啦~
但點都好, 一篇過~
"他們怎也想不到我這個三十幾的表姊也學人寫blog!"
年過三十寫blog沒有什麼問題, 我學校有幾位老師有寫xanga, 他們都已經接近四十歲了。
寧靜: 我都知, 不過我好少同佢地講野(老豆果邊), 唔知如果佢地發現會點...
你個名響博址頭咯，點會唔知遮？
今年特別D，响妳個blog度同妳拜個年﹗祝妳身體健康﹑事事順景﹑青春常駐﹑開開心心﹗
aulina: 但無last name麻. 好多人都係呢個英文名啦. 我懷疑我D表弟妹未必知我個英文名喎, 由細到大叫我"表姐"咋麻.
yellowline: 哈, 多謝唒, 邊度都好啦. 阿X生收到你send俾佢個sms啦. 祝你年生貴子, 步步高陛, 老公錫到你燶! 喂, 你老友有好消息, 我地琴日去B先生度拜年通知左佢啦, hahahah! ;)
Mad dog 好易聯想到的!!
不過我有一次在GOOGLE SEARCH 我自己個BLOG 竟然有人轉載﹐都唔知是驚定喜!
又插嘴。innerspace，我度仲成日俾人搬字過紙呀，search都唔會search得到呢！
mad dog又係喎，英文名真係未必親戚會知... 我就難講少少囉... ;P
inner space: 亦有好多點頭之交又或芭蕾舞同學試過搵到上黎... 宜家人人寫blog, 個blog界可以好窄架咋.
aulina: 你個名直頭揚啦...
MAD 姐:
那你的英文名是否跟 MAD DOG 相近的如
麥當娜﹐或者姓麥 名當哪﹐哈哈.....
這是很容易猜到的。
聰明的你應該不會犯這個錯吧......希望我只是瞎猜。
娜姐:
我 oD CASES﹐他們都有寫明是FROM MIND NECESSITY 的。我只有百零篇BLOG﹐但GOOGLE SEARCH 出來五十幾頁﹐即成五百個SEARCH RESULTs﹐ 嚇親我自己!
都唔知是驚定是喜!
新年快樂呀，Mad Dog，祝你身心健康！
我用真名寫blog，有心的人要找必找得到。我沒有所謂，只是會小心避免某些issue。不過，有時從sitemeter得知一些人(e.g ex-??)看我的blog就不太喜歡啦，不過我沒有說人壞話或中傷人，也不太管了，反正我的blog大部分讀者都是我的real life friends。
inner space: 唔好玩我啦. 我mad dog個nick name源自n 年前Lan Kwai Fong間酒吧名稱, 果陣成日同D friend去玩, 大學時響美國已開始用mad dog做我個網名, 同我個英文名完全無關, 唔好亂估呀. 嘩, 即google幫你search到一半! 我都唔知點解我成日俾google search到, 篇文章未必多人睇, 好多人都有寫某套戲或題材, 但我個blog就好快俾人search到, 好似你話chai, 唔知好事定壞事.
carrie: 多謝carrie! 再祝你新年進步, 萬事如意! 我只話俾最friend果D同至親屋企人知我個blog咋, 細路如表妹都費事, 佢地未必明. 其他一般朋友就最好唔講啦, 我好注重私癮, 最怕要我self censor, 就住就住, 寫得唔痛快呀. 萬一俾熟人或點頭之交發現, 我都寧願佢唔好俾我知道囉.
Just did a search for "mindnecesstiy" on google wow
it has:
約有737項符合mindnecessity的查詢結果，以下是第 91-100項。 共費0.13 秒。
Something wrong ???? 嚇親我自己!
都唔知是驚定是喜!
我都幾想知, 點解人地會係google 搵到及認得係你... 好驚. 因為我係完全係冇人會知我係邊個的情況下寫blog... 不過, 其實我0既熊仔相可能會出賣我. ^^
我同你都係"咁0既年紀"先學人寫blog 啦.
紫熊: 唉, 好多蛛絲馬跡架, 認識我既及身邊既人自自然就睇得出, 我本來個blog址係就咁用blahblahblah.blogspot.com但有人用左麻... 除非個blog完全唔講自己野, 日子耐左, 睇多幾篇咁啱又係佢認識我既一面既就估到架啦. 喂, 咩你唔係aulina師妹咩? 咁你細過我喎!
Post a Comment