我身高五尺四寸半.前陣子看新聞, 香港女人平均身高好像也是五尺四寸半.
不過, 不知道為什麼, 許多女人當被問及身高時, 她們都會答: 五尺三.
五尺三好像變成25歲一樣, 是一個永恆的數字, 一個百搭的數字. 而這好些女人, 根本沒有五尺三. 多五尺三少許的我很清楚, 因為和我相差一寸半抑或數寸以上我是看到的, 尤其當我看到她們的頭殼頂時...
身高和體重不同. 人家問你體重, 就像年齡一樣, 不一定要答. 且問的人也被視為不尊重被問者. 而且, 體重不一定可以憑視覺作標準. 你有百三磅可以告訴人只有百二. 但你只有五尺, 人家有眼的, 不可以說你有五尺三.
好些女藝人常說自己多高多高, 腿多長. 在街上碰過某幾位不只一次, 最多只和我一樣高. 例如莫文蔚. 最多只可能和我一樣五尺四寸半. 她說自己的腿有42寸長, 我度過我的腿了, 如果身高5'4要有42寸腿, 那我的腿會去到胃部了. Barbie的比例也不可能.
女人有時很蠢. 許多東西都不能騙人. 身高、年紀、體重、有沒有整容(!)、學歷, 身高尤甚.
22 comments:
i am 5'3.5
有人很長腿的。
我身高5尺9，有次搭火車有個高黑妹和我站在一起，和我一樣高，但她的Pat Pat幾乎在我胸口的位置！
哈哈，我五尺二又四分三。
san wen ji: :)
chris: 有無咁誇? 不過我見過莫小姐, 佢對腳無去到我胃囉... :)
閒趣: haha. :)
我...以為自己五尺四.但有時去量高(特別這幾年)卻變成五尺三.難道我咁早縮水?!
lu: hahah, 點會.
見過莫小姐真人數次 (近距離的)，細細粒粒，5ft2-3，但身材比例很好，很有星味。
那時候她還是和馮德倫一起，我穿了高跟鞋，比馮腥還要高，即刻無晒 fantasy。唉。
素顏: 我有次見莫小姐都係超近距離, 所以5'4俾多佢啦. 有人工作間見過佢, 佢真正素顏時係好恐怖...
我5'3" 但沒有多少人發現, 因為我好少好穿平底鞋.
5'4 = 64寸... 假如莫小姐有42寸腳... 那麼她的頭+身+肚(腳以上)=22寸(少於兩尺)... 有可能嗎?
imak: 當然好多人骨架細, 頭細, 手腳長長, 實質5'4以下卻似5'6都見過唔少. :)
我見過莫小姐，真人唔係好高，頂多5尺5，但腿就幼幼長長，所以果型望落去好slim。
鬼咩，d artist下下著4寸高跟鞋，個個睇落咪又瘦又長囉...
我超過average少少。:D
可以隱身人海中~:D
我真係五尺三喎，聽你咁講，以後都唔敢講自己高度啦，哈哈 :DD
I'm always a proud 5'2"! Never lied about it!!
莫文慧不能作為例子
因為她是混血兒
只有少許中國血統
她的比例應該跟大多數的香港女性不同吧
我計數好差, 只知自己有164cm, 而腿長有約40-41吋, 啱唔啱比例呢??
cr: 唔係細粒先可以隱身人海中咩?
michelle: hahaha, 我指無五尺三嗰啲咋.
aulina: 不過你個樣似高囉. :)
akira: 唔係比例問題, 係有無可能問題... 22寸包括頭, 身, 腰... 有無可能... ?
yu: 我計數都差. :)
乜原來莫是這樣矮的嗎？真看不出來。
uncle ray: 佢頭細嘛.
林奕華說見到莫小姐真人時有種"驚瘦感"，看她演出從不感到她竟原來瘦得那麼厲害。
哈哈，MD這篇文的回帖快變了"莫小姐研究"了。
嗚……我唔敢答咯。大家有眼睇啦。 :(
閒趣: 哈哈!!! :) 我的確非常唔鍾意佢... 佢有次被問有無同梁詠琪度過邊個條腿長, 佢話坐響度時望到, 同梁差不多喎!!! 我見過gigi, 真係有5'9 to 5'10, 有乜可能莫條腿同梁差不多呀! 5'4 and 5'9喎!!! 佢分分鐘得5'2.5咋!
readandeat: :) 高矮無問題, 唔好呃人就得啦. :)
Post a Comment