連這篇在內, 八月只寫了六十篇文章, 還有兩天這個月便完了. 雖然比許多bloggers都寫得多, 但卻是我自三月以來寫得最少的一個月, 不是刻意減產, 不細看連自己也不察覺. 其實工作上是有所要求, 不會再像前陣子工作時間還可以寫兩三篇.近來有時都留在晚上十一時多後才寫blog, 慣了晚睡, 沒有問題, 只是在家中寫和在工作案頭上寫心情有時都不太一樣.
有網友都問, 這樣天天寫有沒有commitment? 是有的, 有時都會想, 如果有人click進來沒有新東西看怎算? 雖不至於為寫而寫, 但有時就叫自己要堅持, 不想就此荒廢這裡.
看sidebar的讀者調查, 知道除了電影外, 大家都喜歡看我寫有關自己的無聊事, 所以某程度也令我更會寫一些個人濕碎事, 但又同時要保持個人私癮, 不易啊.
或許近來多了個twitter, 每天許多的絮語和瑣事多了個空間讓我說這說那, 所以有時在那邊寫了, 就沒有再在blog上寫. 或許又像上次那樣, 把一些可以在blog上再公開的twitter牢騷小句放在這兒吧.前兩晚發夢見到父親, 我忽然變了比他矮數尺, 頭只到他的腰間. 他在家門外, 我問他: "幾時返嚟住吓呀?" 如果他真的可以回來一兩個星期便好了!
前陣子被人說我對電影製作沒有passion, 近來更說我連對life都沒有passion! 還說我是他認識的人當中最灰最悲觀的一位. Passion... 我問一問自己, 我還有沒有? 或許如網友所說, 我們都給現實磨平了.
這星期還有一件令我不開心的瑣事, 就是遺失了張八達通, 儲了積分的呀! 我雖然亂, 但極少會遺失東西, 手機是從未(touchwood)遺失過一部, 遺失八達通的確是首次. 還有四十多元未用, 連$50 deposit及積分現金, 百多元啊!!!! 最慘是, 連公司大廈那張access card也丟了, 要付$200, 我才不肯, 公司admin同事又不合作, 拿張spare給我也可以啊... 我又不是天天都要用它... :( 事源好友送我一個agnes b咭片套, 我便拿了來放Octopus + 那access card, 怎知可能昨天上班下的士時混亂中新手袋拉鍊又開大了, 無意間讓它掉了在車上也不知道... (我本來只用一個在CitySuper Logon買的數十元小套載這些咭的, 且又薄又硬, 都放在袋中內格, 是沒有可能遺失的, 這個agnes b體積較大, 只可放在袋中與其他物件一起) 相信那個咭片套價值近$600, 是生日禮物來的... 但這回我可能要自己付$300-$400來購回八達通及access card... :( 十萬個沮喪!
越來越覺得自己的直覺超準, 網友說是我的心理學知識原故, 不過我又不覺得那數年學了許多, 有時經驗都令人的直覺更準. 猜透別人的心意有時真的令人興奮莫名!
澳洲電影節快來臨, 我揀了一齣, 有興趣可看看網頁. 網友說選片都頗舊, 不過我也會捧場. 尤其是Cate Blanchett那套.近來都喜歡在twitter上留quotes, 都是在網上找來的. 都是我logout twitter時的指定動作, 好讓我不在電腦前時上來看的人都可以看到這些啟發性的句子.
送你們一句:
If you love someone, you say it, right then, out loud. Otherwise, the moment just passes you by. ~ Julia Roberts
你有沒有"寧願你不知道"的對象? 又或像張小嫻所說的"浮不上面的愛"? 你選擇不告訴他/她? 讓這份感情沉在水底?
一些漂亮的wallpapers, 都是Real Simple上找到的. 當然還有屬靈的Crosswalk版(附月曆), 九月又來了!現正在公司PC上用的:
Crosswalk九月有多款, 這兩個是其中有月曆的wallpapers:
22 comments:
每日寫咁多，懷疑妳腳都識打字？
我就唔敢同你鬥啦，好男一名！
我沒有"寧願你不知道"的對象又或"浮不上面的愛"，只有不能告訴他的對象...
我喜歡黃昏的九月~
我寧願他知道，但他寧願聽不到，快我一步把我截住了。
我覺得我會有些連自己也寧願不知道自己喜歡的對像。但因為連自己都不知道自己喜不喜歡，所以也不知道有沒有。
sc: 我打中文都唔慢, 我手寫我心啫. :)
sa: 咁佢(地)有無響你個blog出現過呢? ;)
olive: 他寧願聽不到? 咁找過另一個對象好了... >_<
五: 玩嘢呀又?!
你張八達通無自動增值呀?? 有就快d callｃａｒｄ ｃｅｎｔｒｅ啦﹗
ｉ ｌｏｖｅ ｓｅｐｔｅｍｂｅｒ！
因為秋之將至ｆｅｅｌ～
bear: 我打去此諗住有得報失, 點知佢話我嗰張唔係自動增值又唔係個人八達通, 無得報... :( 剛剛去mtr買張迎嘅, 慘. $150... :( 你唔係想十月快啲嚟咩? :)
出現過，但唔多....
Your company is actually quite good. My company charges $500 for another access card.
uncle ray: that's not co. access card, that's the stupid building access card!!!!!!!!!!!!!!!!!!!! and my stupid admin colleague doesn't cooperate w/ me! i won't pay $200 loh, never!
噢~我都有個agnes b既card holder, octopus 同 office access card.
會唔會有機會可以搵番?
如果係我, 我會最唔捨得個card holder...
噢~我唔記得留我個名添~
ter: 個card holder係朋友送, 只用咗一個星期... 但我肉痛要掏腰包買番張octopus... 公司大廈張access card, 我係點都唔會肯出$200架啦!
唔...反而你無講過下個card holder既...嘻嘻...送給你card holder的那個人好似不太重要咁既?!
ter: 哈, 咪咁啦... 我個friend睇到就弊... :) ha... 係好朋友, 生日禮物嚟嘅, 不過我唔太鍾意紅色啫... 好少用咭片套嘛. 唯有攞嚟載octopus & access card, 點知用咗仲衰, cards都無哂! :(
澳洲電影節~同HKAFF撞到七彩WO~
我會睇呢個同KENNY~ 今年HKAFF有六十幾套戲~嚇死人。。~不過有好多都好吸引~會睇到傻~嘻~~~~
澳洲電影節~同HKAFF撞到七彩WO~
我會睇呢個同KENNY~ 今年HKAFF有六十幾套戲~嚇死人。。~不過有好多都好吸引~會睇到傻~嘻~~~~
coffee: HKAFF 都未得閒理住... 有咩好心水?
有TAIWAN~綀習曲(好難得有得睇~)
重有上年同你講過的~(慾望的謊容 - 金基德~佢有新戲: 呼吸~~
重有早排好HIT的~我在伊朗長大~
重有太多..不能盡錄~但我一定會這幾套
3/9到賣票~本野要遲下先出到~
可上BC望望先~哈
coffee: thanks! 我今日會去arts center, 仲諗住會有得攞添. 不過全部都係asian films, 我未必一定睇.
不用為了commitment而寫得太快太多又擔心讀者們沒有新東西看．
其實，有時太多太怏會令人趕不上的啊！just take your time and relax.
kajie: thanks! :)
Post a Comment