女人一向比男人更著重親情. 所以許多人都寧願生女好過生仔, 因為女夠體貼又黐家. 你看, 那些陪老人家去看病的大都是女, 很少是男.有一男親戚移民海外多年, 每數年都回港, 探探親友, 又必找我母親及姨母們飲茶, 很有人情味. 其實他身家豐厚, 是"幾世唔憂"那種, 但每次都主動找親友相聚, 為的就是那份親情, 是十萬個難得.
年屆近七十的親戚, 或許人生已去到無慾無求, 唯一令他喜悅的就是親情吧. 不過男人也可以這樣真的少有.
母家鄰居有一老婆婆, 沒嫁沒兒女, 一個人住, 無依無靠, 常常走到走廊上踱步, 打發時間又做點運動. 但原來她有一個甥女, 一星期總有數天早上上來探望她, 和她閒談, 又或帶點吃的和她一起吃午飯, 很有孝心.
看著這個老婆婆, 我有時想, 他日假如我也是無兒無女, 又或獨居, 有沒有人來探我呢? 常與某人說笑, 我不懂和甥女們玩, 她們不特別跟我, 他日我老了, 可能都不會來探我了. "你唔洗旨意呀, 我啲兒甥呀, 姪呀, 我都唔預佢地會理我!" 我和姨母們感情很好, 因為小時候曾經一起住過, 甥女們和我的感情一定不及我和姨母們那樣親密.
獨居老人, 好像很遠的事情, 但有時都會想起.
41 comments:
叫我啲仔女得閒約妳睇戲 or 拎 oD碟妳睇囉第日.
Din: 到你有仔女時, 我都有孫囉! :P
「女人一向比男人更著重親情」嘩！咁武斷的一句話！我不同意！你有冇 supporting 去講這句話架！
阿大, 但妳話過應該唔生 ga ma.
以你的性格，都係唔生好D。
哈哈哈哈哈哈哈!!!!
> 女人一向比男人更著重親情. 所以許多人都
> 寧願生女好過生仔, 因為女夠體貼又黐
> 家.
小弟見既例子又唔係咁。。。最少四五個，去左外國，五六年都唔返香港一次，老豆老母住公屋，佢地係外國有houses，有車甚至買地，一個仙都無記番來。
要見都係要老豆老母飛千萬里過去，仲要係有細路先叫佢地個去，一，幫手照顧，二，make sure 有d中文人。但又唔係幫佢地移民喎！
老豆老母去到好似坐監咁，齋做免費工人，其中有個老豆多口呻句，"真係悶到想死"，個女竟然同佢講"好，你去死，不過唔好死係我間屋！"，枉呢位老豆開幾十年車，佢讀書唔成辛辛苦苦供佢出去讀！
係呢d例子所見既，印象係搵唔倒幸福既女，先會體貼又黐家。一搵到自己（以為既）幸福家庭果d，就話之你。
不過講真，呢d都係一個個人造化啦。。。。
五: 係聽過多個老人家歸納返嚟嘅conclusion! a lot of evidence!
Din: 應該, 唔係等如一定... 好多嘢無人會知. 我下個月響邊宜家都答唔到你.
五: 何以見得? 咪gut我呀又...
Din: 笑乜Q?!?!??!?!
嘩, 做陣弓嘢俾班男人圍攻 =__="
pk_: 嘩, 咁又咪咁講: "印象係搵唔倒幸福既女，先會體貼又黐家" 好stereotype噃... 我覺得offensive架... :) 好多女人嫁得好都好鍚屋企架...
oh, pls accept my apologies.
「我覺得offensive架」……唓！算吧啦！你果句：女人「一向」比男人更著重親情 夠offensive啦！你一句 gut 晒全世界一半人口，咁又有乜(咩)資格話人「好stereotype噃... 我覺得offensive架」呢？你講就係道理，人地講就 stereotype？
五: 拿拿拿, 又嚟啦... 好女不同男鬥... =__=
male:female ratio未必一定係1:1架...
五師兄:
係 ya!
好一個五哥! 好一個五師兄呀!
不過五師兄, 阿大佢不嬲都打橫行 ga 噃! XDDDD
Din: 打橫行, 洗乜講! 都係細佬明白我! :) 都話雙子女同雙子仔唔夾架啦! :P
不用擔心, 有些義工去探訪獨居老人的.
若你是獨居老人，我報名參加做義工:D
"若你是獨居老人，我報名參加做義工:D"
呀..... 哈哈哈哈哈哈哈! 正!
uncle ray: 頂, 真係灰呀! :( 我老時你夠老咯! 我驚你行唔郁咋! =__=
Din: =__=
做乜呢個post全男回應?????
oD女, 妳 oD姊妹, 驚咗我哋啩~
Din: 係到宜家都未有女子留過言, 破紀錄！
等我添加啲粗口, 等佢哋唔減入嚟, 保持呢個紀錄保持, 然後 send 去健力士, Good Idea?
20個... still no female, except me... 女讀者都不關心親情????
呢篇因緣際會, 特別呀!
又或者, 佢哋睇完妳呢句~ "女人一向比男人更著重親情.", 全部慚愧 o緊呀!
呀哈哈哈哈哈哈!!!
wahahah! 今晚揭曉... 一定有女人留言嘅
Wa! 戰場啊! :O
小弟是很重親情的，尤其是父母...他們是我的第一位！
至男或女更重親情? 從自己觀察所得，老鼠的孩子會打洞，你父母怎樣對待他們的父母，做仔女的(指我們)會被感染，即係若你父母係重親情的，仔女不多不少也會有那種素質在心裡面，只是人反叛、覺得難為情才不願去做、去表達...
無限嫂不喜歡小孩，我偶然也會想:「今天有我愛o錫父母和無限嫂的父親，那麼他朝我們垂垂老矣時，又會有誰來親情一番？」
MC~
睇嚟今次真係會破記錄.
女子來留言了！
我都有想過，將來會否做獨居老人。早陣子兩歲的兒甥女第一次拖我隻手，我居然高興得不得了。
Din兄不如一齊幫佢破記錄！
對了，小弟未正式介紹自己，小弟為無限思，加燦一名，得閑過黎「無限思語」行下!
MC~
MC:
i. 破唔到 lu~ Olive 嚟咗了~
ii. 咁客氣! Okay, 而家嚟! :)
我來了。不是來吵架的。
不過，PK那句“係搵唔倒幸福既女，先會體貼又黐家。”的確非常en耳。同樣情況係咪都apply係“搵唔倒幸福既男”呢又？如果唔apply，咁係咪剛好印證係同樣大前提下，女係孝順D呢？
大家都是在講自己的經驗體會而已，又沒有具代表性的數據研究支持，沒甚麼好吵的喇。
人以群分，孝順子女的朋友通常都孝順，這是我的體會。以這個邏輯推論，MD/PK都孝順，身邊的朋友（男女都好）孝順可能性比較高。
家庭教育很重要，父母孝順祖父母，子女自然懂得孝順。
還有，兒子女兒的孝順方法不一樣吧？女兒比較細心，貼心，比較黏家，會撒嬌，男孩子比較收埋。以甚麼判斷孝順與否？比家用？多陪老人家？
但重點係 PK_ 兄臨尾嗰句~ 造化.
:)
無仔女都無所謂啦~
依我地既性格實大把朋友~ ^^
我真係唔愁呀~
沒有留言,因為今次要花很長的時間才可以消化哂所有points...好眼瞓～
mugen c: 咁我都知唔少男仔都好貼心, 好錫屋企. 不過比例上都真係女多過男嘛. :) 係啦, 他日膝下猶虛, 老咗有無人理呢?
olive: 小朋友都真係好sweet架, 我家姐啲女又係, 雖然我少同佢地玩, 不過見親都會黐吓我一陣.
mugen c: 小心個癲佬呀... :)
cosmicrays: 多謝分享. 係啦, 我諗好多女仔對pk嗰句都可能會有少少反感架... 無理由咁推論存嘛. 不過佢嘅apologies accepted.
不過當然, 點先算孝順? 我諗錢係衡量唔到, 多啲陪佢地, 多啲關心比俾多多錢但成個月都唔返去一吓好好多.
sa: 不過人老時朋友都老. 唉, 唔諗得咁遠lu.
kajie: :) ha. good nite!
現在趕緊跟甥女們相處，還來得及啦！
以後老了若獨自一人，可以住老人公寓啊，別擔心。也許還可以來個 "黃昏之戀" 呢！ :)
說到晚景, 不得不看渣老闆這篇名作.
http://charcoal4.blogspot.com/2007/03/blog-post_31.html
muggle: 黃昏之戀... 哈, 到時連吃也無力... :)
計算士: 好, 睇吓先.
到時我會做探妳的阿毛!
計算士: 阿毛? 你male嚟喎, 阿伯吓嘛. :)
是嗎? 我還以為阿毛泛指老人家 :>
計算士: 通常泛指老嘅女人嘛... 唔係咩? :)
Post a Comment