大熱天時, 許多女士們都趁機穿上涼鞋, 那天乘地鐵, 對面坐著三個女人, 看來是好友, 其中兩人便穿著類似上面這款平底全露型涼鞋, 二人的腳趾都塗上甲油, 其中一位更是gel甲, 一副不穿涼鞋便浪費的模樣.她倆都穿得不錯(不過我不明白為什麼腳趾也要攪gel甲!), 起碼腳型夠瘦, 穿上這款涼鞋不會有"滿溢"的情況出現, 即腳上的肥肉離開鞋的範圍外. 腳都是清潔又白淨, 亦穿得好看.
我一向認為, 女士穿涼鞋, 即使擁有多漂亮的腳趾及腳甲, 最好都是塗了腳甲油才穿露趾鞋. 塗了甲油, 視覺上漂亮多了.
其實涼鞋不是人人都合穿, 尤其是這款"全露款", 腳型真的要夠窄及修長, 天氣熱走多了, 腳會有點脹大, 如果本身腳掌不是纖細漂亮, 脹了的腳便不太好看了. 我自認沒有這樣漂亮又窄的腳掌, 不敢穿這款涼鞋. 稍為露趾的如這兩年都流行的peeptoe鞋卻頗喜歡.
另一個不喜歡這款"全露"平底涼鞋是因為我有點潔癖. 鞋底只有一厘米左右厚, 除非不去鬧市, 否則走在街上隨時弄髒腳趾, 又或被人踐踏便更傷了.
14 comments:
踢倒狗屎真係好大鑊，d腳甲裙晒屎邊，釀晒入去。。。
女士腳靚另一個條件係腳板同腳指唔好太起骨同根。
能夠一眼落去，唔睇甲油，判別倒係女腳而唔係男腳，其實都已經好好。
都唔一定要修長，有d少女bb腳板都好靚。
女人穿涼鞋, 性感度又增添幾分.
當然是好看才算.
我最喜歡nude colour的甲油, 夠自然。
pk_: 你個留言笑死我! 不過非常正!!! 著涼鞋踩屎, 我諗嗰日一定黑到痺囉. 腳趾起骨同根, 係幾唔靚嘅. 仲有好多女仔成日著得太多高踭鞋, 攪到對腳好多雞眼又唔去清, 一樣好駭人. "唔睇甲油，判別倒係女腳而唔係男腳，其實都已經好好"呢句精彩絕綸!!!! BB腳板, 咁當然要襯埋個樣, 如果個樣唔夠bb又好好笑囉...
uncle ray: 我都覺塗咗甲油加露少少趾係好sexy架, 但要有配合囉, 唔可一味人著佢又著.
karelian: nude polish係靚, 搽上手好啲, 腳趾甲我始終覺得簡單嘅紅, 深紅或紫紅係最perfect, gel甲就有啲恐怖...
我鍾意著涼鞋，但呢款就唔敢著，因為我青根多，唔好睇，我成日俾朋友話，見親我都熱褲涼鞋，天氣咁熱，除了咁著，我都唔知可以再點著，我無身材咋，否則我夠膽三點式出街(只限中環及銅鑼灣)~ :p
sa: "我無身材咋，否則我夠膽三點式出街" 哈哈!!! 我都係咁話, 我夠想露臍咯! :)
小腿同腳線條好影響對腳靚唔靚，三者要配合。。。。
"滿溢"的情況真係好得人驚，唔係肥大果隻囉命，而係d腳指向前四邊突／散果隻，好似刮地下行果種。。。。
nude容易handle好多，深紅同鮮紅，好高難度...個人要好搶好豔先carry 到。
涼鞋比尖頭高跟鞋更易刮腳，帶邊同腳板底好易磨甩皮。
除非唔落係街行，point to point淨留係室內，否則好難保得住乾淨唔入塵。
pk_: 腳指向前四邊突／散果隻係好駭人! :)
cosmicrays: 我鍾意nude 手拍甲色, 但腳趾次次都搽深紅, 去做manicure都揀burgundy, 好正! 映得對腳白上加白. :) (不過我唔係好搶好豔... 得架!)
腳甲加gel甲，其實好似恐龍腳;
同埋整左gel甲咪著唔到鞋lor?
maki: 我見佢對gel腳甲又唔係好長... 不過覺得需唔需要咁囉...
我如果沒有修甲, 一定不會穿涼鞋.
burgundy甲油我覺得好靚 ^^
愛美: burgundy, yeah! :)
Post a Comment