我一向認人有點本事, 或許喜歡在街上四處看, 經常給我碰到母校的師姊妹, 連身邊人都會問: "又見到你學校啲人, 點解周圍都係你學校嘅人? 好大咩你學校?"碰到不代表我會和對方打招呼, 基本上五年沒有見面或聯絡的都不會再主動和人家打招呼了. 除非對方主動在先. 而且許多時這些相識都幾乎不是相識, 只是我認得他/她們吧了.
不知道是否年紀開始大, 近年試過數次在街上碰到面善的人卻怎樣也想不到是誰, 在什麼地方/場合認識的呢? 我應該知道他的名字的...
有一次去UA時代看戲, 在大堂看到一個五十多歲的男人和他的兒子, 我一看到他便知道是認識的, 是誰呢? 我唯有微笑, 他也好像認得我. 問問身邊人: "你認得佢嗎? 一定識架... " "唔識噃... "
數小時後我忽然想起, 他是我的心臟科醫生! 原來都數年沒有見他了.
前兩天在MegaBox見到一四五十歲男人, 又是非常面善, 是侍應麼? 應該不是, 是誰呢? 又問隔離那位: "認得佢嗎?" "唔識... "
事隔三天, 今早起床想起下個月便又要訂我的兩星期用完即棄隱形眼鏡時, 便忽然記起, 那個男人原來是眼鏡店的視光師!
8 comments:
我調返轉，知道自己認識／萍水相的，成日諗唔起佢個樣。
aulina: 咁奇? 我係完全掉轉... 成日通街認到啲人, 唔知乜水...
都是男人喎～
你的記性是有性別之分嗎？ haha...
pinocchio: 咁啱啫... 你意思係我記唔到啲男人名字? 可能卦...
行街我少留意人(美女例外), 多留意樓上舖. Causeway有很多得意的樓上店.
uncle ray: 我望人多. 都留意舖頭嘅. :)
我都會有咁既情況架, 平時去開既鋪頭, 見慣見熟既人, 但一唔係果d鋪頭見到, 就唔認得出係邊度識或係邊度見過.....
很慚愧，我記樣貌和人名的能力極差，在街上逛的時候也像是失魂似的，很多時候是別人伸手在面前搖擺才回過神來！-___-"
Post a Comment