事源前陣子在銅鑼灣百德新街I.T買了一個皮袋, 不太大的shoulder bag, 應該是本地貨, 減價後才$800, 很抵. 最適合週末用. 喜歡它給我自由自在的感覺.買了不久, 竟然有兩個評語:
二姊: "吓, 估唔到你會買個咁嘅袋喎... "
我: "做咩? 唔靚咩? 好核突呀?"
二姊: "唔... 唔係... 不過唔似你會買架囉... 有啲似記者用嗰啲... "
我: "似咩? 就算係記者袋, 都唔一定核突吖... "
*****
某人: "嘩, 買個咁嘅袋, 好霉, 揹咗成個人都霉埋... "
我: "頂, 咁都霉?"
某人: "即係唔elegant囉... 好霉... "
我: "我就係鍾意佢夠casual, weekend揹都唔知幾舒服, 霉咩呀?!"
*****
我都係費事post張袋嘅相上嚟啦, 唔想再聽到有人批評我個心愛嘅袋... :(
16 comments:
陰功……
但係我想問呢，點解你會問人對個代嘅感覺（定係佢地自己講？）我會話之個喎。
呀哈哈哈哈~~~~
阿大, 証明妳 oD taste...... heeeheee~
aulina: 我係唔會問人睇我個袋, 係人地自己講架! =__=
Din: 我啲taste夠獨特, 唔係人人識欣賞! :(
可能你平時太elegant了, 形象太固定,深入人心, 一改別人都接受不了.
uncle ray: 其實我嘅形象成日變, 無一個固定, 不過身邊人未必應接得到. :) elegant, 一時時架咋, 我可以幾粗魯吓架, 你唔記得我會偶然爆粗踢的士車尾咩?
多口問句：爆洋文定港府話粗呢又？
cosmicrays: ha... 洋文的... :P
我估你都唔會爆地道市井港府粗...
cosmicrays: N年前我連港府話果隻都曉架... 睇情況... 宜家就真係唔講啦. 英文嘅都真係好激氣先爆.
最緊要自己鍾意！
人人品味唔同嘛，
妳清楚自己想要乜咪得囉，
好多時屋企人都彈我d衫，
但我鍾意著呀，
我覺得著得我好睇呀，
係佢地唔識貨啫，
所以唔好介懷，
過到自己個關，
表現妳既自信，
証明俾佢地睇，
係妳carries個袋，
唔係袋carries妳！
最緊要自己鍾意兼舒服﹗
講真, 係你揹個袋, 唔好比個袋over 左﹗
似記者?? 大大個, 九百幾格插晒筆同notebook果隻?
sa: 當然啦, 我係一笑至之. 依然咁鍾意個袋! :)
啤: 唔係好大個, 係有幾條拉鏈/袋, 不過唔係插筆架喎...
好想睇吓呀! :P
pinocchio: 我係唔會俾你睇架! :)
心頭好，呢樣野很主觀，但我相信你的fashion sense and taste ah! definitly, your choice shouldnt be that bad!
kajie: 多謝你呀kajie! :)
Post a Comment