Pages

Monday, October 20, 2008

七友十月慶生聚

週六晚上和七友聚, 是補祝三位十月壽星女的生日. 你都咪話, 攪一次生日差啲六國大封相! :) hahaha! 不過廿幾年友情, 無咁小器卦...

被人話我"出爾反爾"... 又話我"講過又唔記得"... 唉, 幾十歲人, 有時我同咁鬼多人講嘢, 鬼記到咩... :)

講錢失感情呀...

Anyway. 好多話題呀琴晚. 有人話: 喂, 你個"咩吳哥窟"唔見咗嘅? 好彩都有兩位醒少少嘅發現個新widget就係個tumblr... 點知會有人咁technology challenged架啫. 又話我個blog好耐無七友嘅嘢睇喎. 寫得佢多又話我擺佢上枱, 唔寫又話唔寫, 你話啲"讀者"幾難服侍吖! 有人又話我啲labels做乜唔放喺sidebar, 想搵番啲"七友"文都搵唔到喎. 我話: 有個search box, 你打啦... 噢, 唔記得原來人地唔識打中文添... :P hahaha! (想整tag clouds, 不過有少少煩... )

好, 睇睇琴晚食咗咩先...

地點係海港城Kikuzen(菊膳日本料理)(OpenRice連結). 大部份都係叫二人前. 都唔錯. 以前PP嗰間食過多次, TST呢間第一次光顧.









我杯提子汁(右)
銀鱈魚
某人有蝦沙律
龍蝦兩份食, 好味
一人一份薄燒牛肉, 可以
刺生都算新鮮
炒飯都好味, 不過飽到食唔唒
有人唔食牛肉叫鮑魚! 我都食咗一啖
又有鵝肝toast
甜品有雪糕/紅豆糕... 揀鮑魚嘅有香蕉pancake, 不過唔好食

晚飯八人食咗三千多. Citibank卡送Canon合照兩張. 有攝影師嚟同我地影. 都好. 不過print出嚟嘅quality好麻麻. 要求佢俾番個soft copy我地.

每次見面總係有人剛去完旅行. 所以今次有牛奶太陽餅/綠豆糕:
同埋面油紙: (仲以為會有蝦餅食添... :( )
勤力到爆嘅老闆星期六係唔會早走架... 所以收工打咗百幾蚊的出嚟老尖食飯, 嚟到都成十點, 我地為咗令佢覺得嗰百幾銀洗得值錢, 當然唔會咁快完場.

飯後去咗飲嘢.

隨意走咗去Marco Polo Hong Kong Hotel, 以前叫Gripps嘅餐廳, 宜家變咗做Cucina. 環境唔錯. 有海景又收得夜. 齋飲嘢中銀白金卡有八折.
是日各樣:

1. 原來老闆幾姊弟都係老闆... 打工仔嘅仔女通常都係識打工; 做慣老闆, 都愛培育仔女做老闆, 係咪定律呢? :)

2. 金融海嘯, 大家都羨慕打政府工嘅某位啦. 穩如泰山.

3. 出年好似有喜事噃, 會唔會好事成雙呀姊妹們??? :)

4. 七友中只有我及其中兩位上facebook. 佢地都非常唔active. 我就一般啦. 只add識得嘅朋友. 每逢見到中學某啲舊同學有咩新相我都會send俾佢地睇. 好好笑. 唔似會結婚生仔嘅生哂仔, 好騎呢. 男人婆又結埋婚. 靚女又變師奶媽... 有人話: "我地就好騎呢... " 呢個我都同意. :)

5. 保險界有人想我幫口爆吓大鑊... 度吓點爆先呀吓... 要小心行事.

6. 講到被公司男性同事msn/sms騷擾. 你都咪話... 唉. 有人驚男人老細, 亦同時驚女人老細, 因為佢好似係les的(指個老細). 唉...

4 comments:

Anonymous said...

有沒想過自己製作飲食節目賣給無記生活台呀? 節目大可改名為七友嘆名菜或七友嘆世界。

Anonymous said...

邪邪邪,我朋友前日帶了盒牛奶太陽餅俾我!!!
好好味呀~~~ :p

mad dog said...

karelian: production錢唔易賺, 辛苦錢也!

小蓓: 咁橋? 我未試呀. :)

Anonymous said...

我諗都係,得個做字。