Pages

Sunday, September 07, 2008

幾個女人的對話

High tea期間, 當然就是滔滔不絕的閒談. 這天出席的有大家閨秀, 會計高官, 保險界女強人及我.

為免透露個別小姐的工作/公司, 某些對話不寫明講者.

會計高官: 嘩, 我嗰日見到樂基兒, 嘩...

我: 好靚吓架嘛, 我都見過佢!

會計高官: 原來唔係好高, 我諗同你(她指著我!)差不多!

我: (笑死) 黐線, 高過我... 唔係好高, 不過都高過我.

會計高官: 無你(指著保險界女強人)咁高一定. 靚囉.

*****

某人說起公司的洗手間有新"景象", 就是每格廁所沒有垃圾桶(以前一向都有). 垃圾桶設於廁格外. 每個月不方便那幾天便要包完禮物, 開門, 丟禮物, 十萬個不方便.

原來另一位工作的地方也一樣.

她倆都說: Mall嘅廁所都有啦! 頂...

於是某人向有關方面反映, 出奇地其公司沒有一個女人投訴! 她最後要打電郵發表意見.

最好笑, 此小姐說: 熱辣辣架嘛舊嘢! 拿住出嚟, 一陣又撞到人!

我工作的地方一向都有消毒棄置桶(每格), 有腳踏那種. 所以沒想到沒有這些設備時會是何等麻煩. 不過這些腳踏式棄置桶有時也不太方便. 有時要視乎上一手有沒有手尾, 或手勢如何. 因為, 你知啦, 份禮物包得衰的話, sticker會黐住個蓋, 頂住哂, 唔方唔消毒啦...

*****
某人: 新加坡人? 唉, 見得多啦... 女就巴辣, 男就"捨"膊!

*****
四人中, 兩人都有十張信用卡(不過不多用). 其餘兩人都只有三至五張.

*****
Tea後與兩位小姐去了看"The Edge of Love". 電影是我揀的. 二選一(都是我揀的), 另一套是"Made of Honor". 因為rotten tomatoes上見The Edge of Love有90%以上, Made of Honor只有26%...

電影完畢, 我其實頗喜歡. 保險姐姐說: 六個字, 食飽飯, 無X屙! 戰亂就咪攪咁多嘢啦!

大家閨秀: 個劇情有啲薄弱囉, 講嚟講去都係嗰幾個人嘅混亂關係...

我稍後會寫. 保險姐姐話: 如果50分合格, 我俾35! (人地上次答某公司意見調查, 對方問佢如果十分係滿分, 佢可唔可以俾到九分十分, 姐姐就係咁答人!)

我覺得齣戲都有70分囉起碼... :(

5 comments:

Anonymous said...

女人好少會讚另一個女人靚。

一係對方真係好靚。

一係對方無自己咁靚。

咁佢係邊一種呢?

Anonymous said...

十張信用卡,聽上去很勁呀!

廁格内沒有垃圾桶……很困擾啊……最好不要遇上熟人,不然好尷尬。不過不熟也很尷尬……

mad dog said...

uncle ray: 咁樂基兒真係靚喎.

cr: 我諗都好多香港人有咁多張卡. 最緊要係無卡數未還就得啦. :)

Anonymous said...

“某人: 新加坡人? 唉, 見得多啦... 女就巴辣, 男就"捨"膊!“
我超級贊同!

mad dog said...

pris: :)