前兩天和網友們聊天, 說到寫blog其實都是在曬. 我常常寫有關電影的文章, 某程度上都是在"曬"我看了許多電影... 是嗎?曬, 廣東話意即炫耀.
唔. 我喜歡寫電影都是因為想作個記錄. 寫了又有人覺得好看, 當然亦鼓勵了我繼續下去.
網友說即使是寫不開心的事, 寫自己怎樣苦都是曬, 曬苦... 吓?!
那麼我們不是天天都在曬窮, 曬苦, 曬悶, 曬俾人"烚", 曬淒涼, 曬悲傷, 曬可憐, 曬孤獨, 曬低能, 曬無聊, 曬有聊, 曬魔鬼, 曬邪惡... ?
我只覺得, 自己的地盤, 自家起的地方, 要它來作什麼都當然是我的問題.
起初寫是為了找個空間透透氣. 寫寫生活, 寫寫雜想, 寫寫自己的興趣. 相信bloggers們都是如此吧. 難度不懂的東西亂寫一通麼? 當然是寫了自己高興才寫吧.
人, 有時自大, 有時自卑. 其實正常不過. 曬, 曬冷. 都好吧. 有得曬, 人生才活得爽啊.
好, 你可以認為我在曬學歷(其實不高), 曬看電影的數量(不過少看書噃...), 曬吃得多(大把人寫食又影得靚), 曬有性格(自以為是), 曬識跳舞(不過唔識琴棋書畫)... 怎樣都好. 我喜歡便可以了.
說到喜歡在blog上呻的, 我覺得為什麼不可以? 我們都是人, 平日生活沒有空間地方讓我們呻, 自己架個地方日寫夜寫日呻夜呻, 有什麼問題? 大不了你不上去看了.
我就是喜歡真的網誌, 生活感味濃厚的網誌. 一篇一篇的文章, 一個個真實的人活現眼前, 多麼真, 多麼實. 曬苦的人, 我撐, 曬命的人, 我亦不怪.
後記: 其實寫blog和身份認同都有點關係. 我們寫, 可能某程度上也是想得到一些認同. 在現實生活中我們會找這種身份認同, 在網絡世界亦如是, 所以我們會去看一些和自己興趣差不多的網誌來看, 又去連結一些和自己有關的網頁. 又如現在人人都玩facebook, 那些groups, networks, 都是身份認同的一種吧.
20 comments:
如果係咁, 咁其實 oD作家寫小品文, 咪又係所謂 "曬"~
最重要係保存真!
另, 唔計 oD虛假包裝 Blog, 一個人喺 Blog 內寫嘅嘢, 係可以睇到一個人嘅大概.
好!
乜同我玩唔瞓呀? 間屋亂過頭呢?
唉~~~~
好亂!!!! 真係好亂!!!!!
就瞓 lu~
心唔亂咪得囉. :)
:)
Goodnight!
如是晒命文字，怎會有這許多忠實讀者支持。
手寫心情，何須言晒？誰寫blog不是晒自己的經驗感受？不喜歡就別看。
說到底，晒，又如何？
cosmicrays: YEAH! :)
死lor! 我良久想不出我"曬"Ｄ乜! :hitwall:
MC~
睇嚟我又要加一篇。
曬冇問題呀，自己地頭，喜歡就行。:)
(發現bloglines要好久才出現你的feed，所有blogspot博都是這樣！）
理得佢地吖！自己鍾意就得啦！
又唔係同佢地打工！
I guess you are also kind of 曬 your charms since you articles attracts so many readers :)
mugen c: 曬相, 曬加拿大... :) 哈, 講笑. 兩樣我都鍾意睇! 仲有曬"神"! ha!
aulina: 從無用bloglines. 等你寫.
雙子座男人: 呢個當然! :)
uncle ray: wow, i'm so flattered. u have more readers lah!
估唔到寫下blog都令人聯想到晒呀!!! 觀點與角度. 係又點唔係又點喎.
晒既過程係開心, 都唔係壞事.
我都要晒多d至得. 晒死你地!!!!
虎茶: 你就一定有曬貓同曬茶! :) ha!
你都算「曬」，咁我算「暴曬」:D
看到一個寫得好的 Blog，心智健全的人只會欣賞，只有自卑又自虐的人才會一邊怪你炫耀、一邊卻繼續看 :)
我們一不是政客，二不是作家，愛寫什麼便寫什麼吧，別理別人發神經。
我覺得曬又好唔曬又好, 寫BLOG最開心就係可以名正言順的講: 呢度係我地頭, 我鍾意寫乜就寫乜!
paul: 哈, 我地幾個網友傾開, 我諗意思可能係響某啲人睇嚟, 我地都係曬呢曬路咁囉.
閒遊: "呢度係我地頭"呢句相信係各bloggers都覺得啱聽!
講得好呀... "當然是寫了自己高興才寫"
平日做人已經要收收埋埋，慌死唔夠modest... !
唉
我就是喜歡你的“曬”～哈哈～
邊個叫你arm arm “曬”正我鐘意個範～所以我會黎呢度～
maki: 所以響度可以無限自大! :)
小茶: :) 我都有追你個blog架!
Post a Comment