Pages

Friday, November 02, 2007

曬

前兩天和網友們聊天, 說到寫blog其實都是在曬. 我常常寫有關電影的文章, 某程度上都是在"曬"我看了許多電影... 是嗎?

曬, 廣東話意即炫耀.

唔. 我喜歡寫電影都是因為想作個記錄. 寫了又有人覺得好看, 當然亦鼓勵了我繼續下去.

網友說即使是寫不開心的事, 寫自己怎樣苦都是曬, 曬苦... 吓?!

那麼我們不是天天都在曬窮, 曬苦, 曬悶, 曬俾人"烚", 曬淒涼, 曬悲傷, 曬可憐, 曬孤獨, 曬低能, 曬無聊, 曬有聊, 曬魔鬼, 曬邪惡... ?

我只覺得, 自己的地盤, 自家起的地方, 要它來作什麼都當然是我的問題.

起初寫是為了找個空間透透氣. 寫寫生活, 寫寫雜想, 寫寫自己的興趣. 相信bloggers們都是如此吧. 難度不懂的東西亂寫一通麼? 當然是寫了自己高興才寫吧.

人, 有時自大, 有時自卑. 其實正常不過. 曬, 曬冷. 都好吧. 有得曬, 人生才活得爽啊.

好, 你可以認為我在曬學歷(其實不高), 曬看電影的數量(不過少看書噃...), 曬吃得多(大把人寫食又影得靚), 曬有性格(自以為是), 曬識跳舞(不過唔識琴棋書畫)... 怎樣都好. 我喜歡便可以了.

說到喜歡在blog上呻的, 我覺得為什麼不可以? 我們都是人, 平日生活沒有空間地方讓我們呻, 自己架個地方日寫夜寫日呻夜呻, 有什麼問題? 大不了你不上去看了.

我就是喜歡真的網誌, 生活感味濃厚的網誌. 一篇一篇的文章, 一個個真實的人活現眼前, 多麼真, 多麼實. 曬苦的人, 我撐, 曬命的人, 我亦不怪.

後記: 其實寫blog和身份認同都有點關係. 我們寫, 可能某程度上也是想得到一些認同. 在現實生活中我們會找這種身份認同, 在網絡世界亦如是, 所以我們會去看一些和自己興趣差不多的網誌來看, 又去連結一些和自己有關的網頁. 又如現在人人都玩facebook, 那些groups, networks, 都是身份認同的一種吧.

20 comments:

梁巔巔 said...

如果係咁, 咁其實 oD作家寫小品文, 咪又係所謂 "曬"~

最重要係保存真!

另, 唔計 oD虛假包裝 Blog, 一個人喺 Blog 內寫嘅嘢, 係可以睇到一個人嘅大概.

好!

Anonymous said...

乜同我玩唔瞓呀? 間屋亂過頭呢?

梁巔巔 said...

唉~~~~

好亂!!!! 真係好亂!!!!!

就瞓 lu~

Anonymous said...

心唔亂咪得囉. :)

梁巔巔 said...

:)

Goodnight!

Anonymous said...

如是晒命文字,怎會有這許多忠實讀者支持。
手寫心情,何須言晒?誰寫blog不是晒自己的經驗感受?不喜歡就別看。
說到底,晒,又如何?

mad dog said...

cosmicrays: YEAH! :)

Mugen C said...

死lor! 我良久想不出我"曬"D乜! :hitwall:

MC~

aulina said...

睇嚟我又要加一篇。

曬冇問題呀,自己地頭,喜歡就行。:)

(發現bloglines要好久才出現你的feed,所有blogspot博都是這樣!)

Anonymous said...

理得佢地吖!自己鍾意就得啦!

又唔係同佢地打工!

Anonymous said...

I guess you are also kind of 曬 your charms since you articles attracts so many readers :)

Anonymous said...

mugen c: 曬相, 曬加拿大... :) 哈, 講笑. 兩樣我都鍾意睇! 仲有曬"神"! ha!

aulina: 從無用bloglines. 等你寫.

雙子座男人: 呢個當然! :)

uncle ray: wow, i'm so flattered. u have more readers lah!

虎茶 said...

估唔到寫下blog都令人聯想到晒呀!!! 觀點與角度. 係又點唔係又點喎.
晒既過程係開心, 都唔係壞事.

我都要晒多d至得. 晒死你地!!!!

mad dog said...

虎茶: 你就一定有曬貓同曬茶! :) ha!

paulsin said...

你都算「曬」,咁我算「暴曬」:D

看到一個寫得好的 Blog,心智健全的人只會欣賞,只有自卑又自虐的人才會一邊怪你炫耀、一邊卻繼續看 :)

我們一不是政客,二不是作家,愛寫什麼便寫什麼吧,別理別人發神經。

Anonymous said...

我覺得曬又好唔曬又好, 寫BLOG最開心就係可以名正言順的講: 呢度係我地頭, 我鍾意寫乜就寫乜!

mad dog said...

paul: 哈, 我地幾個網友傾開, 我諗意思可能係響某啲人睇嚟, 我地都係曬呢曬路咁囉.

閒遊: "呢度係我地頭"呢句相信係各bloggers都覺得啱聽!

admin said...

講得好呀... "當然是寫了自己高興才寫"
平日做人已經要收收埋埋,慌死唔夠modest... !
唉

茶 said...

我就是喜歡你的“曬”~哈哈~
邊個叫你arm arm “曬”正我鐘意個範~所以我會黎呢度~

Anonymous said...

maki: 所以響度可以無限自大! :)

小茶: :) 我都有追你個blog架!