Pages

Tuesday, October 02, 2007

色.戒 Lust, Caution

終於看了李安的"色.戒", 避開了許多許多的影評及網友的文章. 是看劇情看演員, 也看場面(四十年代上海活現眼前)的電影, 156分鐘完全沒有悶場.

不喜歡聽太多評論後去看電影, 因為真的會影響觀看時的感覺. 不過, 客觀點看, 感覺是, 此片劇情豐富, 湯唯搶盡風頭, 是連自稱"出神入化/爐火純青"的梁朝偉大哥也被她搶了. 畢竟, 李安仍然擅拍商業電影, 美國電影公司(Focus Features), 怎能不商業? 想說是, "色.戒"是一部帶有上海色彩又富歷史味道的荷李活片.

看畢電影令我想起去年看的一部德國電影: "Sophie Schroll: The Final Days"(蘇菲最後的5天). 都是愛國的學院派最後難逃被處死的故事, 都是給人一點沉重. 沒看過張愛玲的原著, 許多人都說李安能把廿多頁的短片故事改編成156分鐘的電影功夫很了得. 我也很同意. 尤其知道佈景及道具都是千辛萬苦找回來及建造的, 實在不得不佩服.

或許我們都對那個年代的上海有一份鍾情, 一份著迷, 舉凡有電影以那個時代的上海作故事背景, 都給人一種特別的味道, 也會有一個特別的期望.美, 許多畫面都美. 攝影師Rodrigo Prieto(多齣電影都擔任攝影: "Babel", "Brokeback Mountain", "21 Grams"及"8 Mile"等)於威尼斯影展也獲獎. 好些鏡頭的確不錯, 但本來期望有更超卓的攝影, 不至於令人咋舌. 喜歡湯唯和梁朝偉在床上捲作一圈的top shot, 是全片最漂亮的一個鏡頭.

音樂不算突出, 有點浪費了.

喜歡電影連片末的字幕也一併的四十年代感覺, 貫徹始終, 那段音樂是全片的主題曲, 亦只有這一首給人一點印象. 抑或是我忽略了其他?

也喜歡幾場女人的麻將戲, 很有味道, 演員們的對話, 表情, 談吐, 舉止都一一表露無遺, 給人深刻印象.

個人意見, 不知道為什麼, 喜歡王大導電影裡的梁朝偉, 在李安手中, 梁好像發揮不到他的魅力. 其實有好幾場都是"擺明"給梁施展渾身解數的演技, 例如梁與湯(易先生及王佳芝)在餐廳內進膳一幕, 但不知何解見到梁的表情, 我只想笑出來. 且梁真的有點老了, 滄桑得來欠了一點什麼似的.

王力宏戲份不少, 他一出場, 我有點想叫出來, 太俊俏吧! 他演出也恰如其分, 算不錯了. 而柯宇綸的角色也為電影增添幽默感.

說到湯唯, 基本上電影近乎是她的個人show, 她亦演得非凡地出眾, 不論樸素的學院打扮抑或扮演"麥太太"都演得非常出色亦極有說服力, 相信當今許多傑出的女演員也未必勝任. 陳沖飾演梁朝偉的太太是否老了一點?

有說湯與梁的床戲很"四仔", 是否誇張了一點? 其實床戲只佔極少部份.

有人說, 王佳芝都是被那顆鑽戒出賣了, 其實對於一個那麼有權的易先生來說, 一顆鑽戒又算得上什麼. 唔, 我覺得, 電影中多次描繪出, 易先生早易動了真情. 男人和女人看到的往往有所出入吧.
Technorati tag:

16 comments:

Peg Peg said...

王到日本餐廳會合易,佢地2個有一種親密, 但唔夠內心... 當王唱天涯歌女, 一段一段既歌詞...唔知係王有心定無意, 越唱越心酸, 好似喺到發表一份講唔出口既愛的宣言咁.... 果一刻, 我諗佢發現左自己真正既愛上呢個男人... 而易, 佢好明顯俾佢打動...

介指係一個實在既宣言... 好似D人結緍咁, 你問我我未乜覺得有乜要, 但好多時講唔出口既嘢用行動表逹可以更易既話點解唔去做...

我一路諗點解王咁愛國... 或者, 當佢既家人離棄佢既時候佢要揾另一樣嘢黎到愛... 加上佢係單純得可憐...

Anonymous said...

我當然未看,也一直想避看影評和 blog,但還是看了你這篇。

還好,看完後只是使我對渴唯和 lee hom 的期望大了一點,梁朝偉的期望小了一點,無損我日後買 DVD 來看的意慾。

ah-yun said...

I think 陳沖 & 梁朝偉 are around same age.

說來我與陳沖蠻有緣的﹐在SF碰過她三次。一次在餐廳裡。我不停偷偷地望她﹐很有韻味的女人。

Donald Kwan said...

我又好喜歡個配樂喎, 仲日日開住聽OST添.. 嘻嘻.

我LINK了的的POST呀!

http://donaldkwanmovies.blogspot.com/2007/09/lust-caution.html

Anonymous said...

peg peg: 我都覺得唔明點解王咁愛國, 初時大學年代佢都係有少少被動咁參與, 唔通因為鍾意lee-hom? 當然佢爸爸一直都無法接佢去英國係一個重要原因. 天涯歌女果幕好緊要, 易先生流淚咁滯.

五: 咁俾面睇我呢篇? :)

yun: 但陳沖真係似偉仔個大家姐多啲囉...

donald: 你買埋OST? 得一首有印象咋喎我...

梁巔巔 said...

i. 都話搵我做仲正 ga 啦!

ii. 男人比女人易動真情~

Orangutan said...

喜歡這電影,一大半是因為湯唯,一小半是因為梁朝偉.個人也覺得李安這次是刻意商業化了一點,相比下,Brokeback反而是比較含蓄.

題外話:那張中文海報裡那些”潛力新星,亞洲天王”,實在難頂.還要”今年中秋,真愛無罪”,真是一大敗筆.

Anonymous said...

Din: 男人比女人易動真情, really depends囉.

orangutan: 張poster啲字係非常荒謬. 湯唯確實殺哂! 有同事話要睇多次, 好多subtle嘢要再睇喎, 我話有咩subtle, 好和盤托出, 好obvious噃... (seattle有得睇啦? 定係你響加拿大睇?)

sa said...

我覺得由王得知易送鑽戒,要她選擇那粒鑽石時開始,那刻王已經動搖,取戒子時再看易的眼神,使她感情勝過理智,但對於一個女人來說,愛情比什麼都重要....

Anonymous said...

sa: 我有幾刻唔知湯唯幾時愛上咗易先生. 佢好多內心戲好掂.

Peg Peg said...

我返而覺得揾陳沖好啱... 睇佢地既樣應該係1900前出生, 即係話好可能易太太細個既時候係要扎腳.... (我grandma1903年出世佢細個都要) 我估佢同易先生都係arrange marrage, 但對左咁多年唔會唔知自己個老公係好色. 佢地係有頭有面, 更加可以話係好要面. 人前人後都要恩恩愛愛... 因為一家之不治何以天下國家為... 但講真有名無實, 如果唔係易先生都唔會喺屋企攪女人而唔驚個老婆會唔開心.

佢提供到俾個老婆佢所需既嘢, 易太太個名同埋耍樂, 但我推斷因為易太太同佢本身係無乜感情, 佢都廢事為個老公打扮, 喺其他太太面前, 佢係最大粒果個(當然都係因為個老公) 所以又無必要打扮...

返而其中有個麻雀太太每次都花枝招展, 同埋由佢偷望易先生既眼神佢反面有所期待咁...

易太太... 無咁既必要, 變得don't bother...

myblahblahblah said...

看完後, 唯一能說的是: 如果我是王佳芝, 也一樣會愛上易先生.

同行的朋友問陳沖是否易先生的母親. 但在這片中, 梁朝偉看上去真比平時老了點, 可能因為清減了二十磅.

呀!!! 大家都說王佳芝取戒子時看到易先生的深情眼神, 我居然睇漏左!!! 真係要去睇多次...

Anonymous said...

haha,看色.戒前,我也是盡量避開看觀後感,雖然好困難,觀影後再回來看click起準備看的,和被link起的相關articles,覺得好像在文化交流咁,認真好玩,李安,就是具備這種深入和多層次的高手~

Anonymous said...

peg peg: arrange marriage, 咁又係. 無諗到呢個可能.

myblahblahblah: 偉仔清減廿幾磅? 唔似喎, 都唔覺佢好瘦. 都說因為王佳芝從沒有被愛的感覺, 父親不接她走, 鄺裕民愛國多過愛她... 只有易先生, 起碼愛她的身體... 真悲.

pinocchio (哈, 也有另一網友用此nick name): "深入和多層次的高手" 我沒有這樣說啊... :) 只覺得李安的電影都很商業, 近年來好像越來越不喜歡他的作品了... 多人寫多人說因為topic夠hot吧.

admin said...

同意,我覺得王佳芝喜歡lee hom, 才會受他感染,當然她本身有點愛國

Anonymous said...

maki: 我都準備睇你果篇... idle緊(做嘢呀要)