看網友Uncle Ray的文章"好男人"有感而發, 我在他那邊留言寫上我覺得怎樣才是好男人:不讓女人流眼淚的.
給女人適當的自由的.
愛屋及烏的(尤其是愛錫女人家人).
不讓女人擔心的.
對女人呵護備至的.
喜歡入廚的! :) wahaha!
有魅力但又不拈花惹草的.
令女人look up to嘅長處.
有網友回應他說好的男人女人都不會愛.
唔, 我寫的那八項, 全都做到的, 我好像也遇不上. 哈! 說真的, 女人愛一個男人, 總會嘗過因為他而流淚吧. 除非妳已對他沒有感覺.
剛問了我的母親, 她認為"好男人"是:
對太太體貼, 細心, 尊重, 愛護; 孝順父母, 愛錫兒女, 盡責, 承擔一切男兒的責任, 勇敢
我問她, 父親全都做到上面這些嗎? 她說他都做到了! Wow! 難怪我是個有要求的女人了!
另一網友Aulina也寫了她的"男人不壞, 女人不愛?". 我的回應:你列出嚟有啲好似都唔係壞男人嘅特徵噃... 似係討人厭/無人鍾意一族, 不分男女.
如: 大小髒為, 沒有公德心, 殺人放火打家劫舍
其實點為之好男人吖. 我見過好幾個cases嘅一世好男人, 最後婚後都走咗佬, 無人會相信原來最終都係衰男人一名.
越係成世未做過壞男人嘅男人, 有時先最恐怖. 真嘅.
真的, 相信不少女人都會有同感吧. 好男人, 好男人... 最後妳們都揀了的, 妳覺得都符合妳一向認為是"好男人"的伴侶嗎? 又或大致上都有好幾成符合你所謂的"好男人"要求? 又或本來可能算是"好男人", 後來卻變了不是?各位男士們, 稍安無燥, 明天我會來篇"好女人", 大家打平, 要發表意見, 人人有份. :)
29 comments:
唔係個個好似伯有咁有緣遇到個好男人家嘛。
我都係覺得好定壞同評分那位遇到嘅人種好大關係。
從來沒有想過一個好男人要有什麼的條件, 可是每次愛上一個人時總覺得他是十全十美的.
我又真係成世冇做過壞男人, 是冇條件去做, 咁也是因為人是恐怖的:p
aulina: 遇到嘅人種, 哈... 可遇不可求... 又或遇上嘅都發展唔到... 又或喜歡/欣賞唔同愛上.
愛美: 十全十美咁正? 邊有人十全十美咁好, 就算熱戀時都知對方有咩衰嘢架啦... 人有長短噃.
uncle ray: 咁你唔好娶咗人好多年後變壞男人呀! :)
若根據你的八項準則，我自覺有六項半做得到。
若根據你母親的準則，我自覺有一項做不到。
若根據 Uncle Ray 的十項準則，我自覺只有兩項。
不讓女人流眼淚的.~ 女人係水造. 想佢哋唔喊, 等於叫佢哋唔好買嘢!
And, 畀我感動到喊又點先~
給女人適當的自由的.~ 女人又識唔識畀番男人適當的自由~
不讓女人擔心的.~ 唏, 女人會自自然然擔心 ga 噃!
對女人呵護備至的.~ 廢話~
喜歡入廚的! :) wahaha!~ 女人唔駛做?!
*********************************
另, 我發現我係好男人~
『其實女人應該受保護 才不會顯得如此地無助
為了愛 她拼了命的付出 到最後只有換來不停的哭
其實女人應該受保護 才不會那麼容易被辜負
…』
齊秦的歌『受保護』
一直覺得男人要不就把女人照顧得很好，讓她感到很幸福（如MD伯母所說的體貼、細心、尊重、愛護等等）﹔要不就要很出色，出色得讓女人崇拜他，以他為榮。
某次一個兒童節目，在小學生中做了個小小的調查，就是男生、女生各自最不喜歡另一性的那些行為。
印象很深刻的就是，那些小男生很討厭女生老覺得男生應該讓她們。呵呵，到底是小男生有問題，抑或是小女生有問題？
五: 你應該問吓你老婆, 佢覺得你做到幾多項. 男人自己緊係話做到架...
Din: 嗱, 你就誠實啲啦. 我有少少明白點解你條情路有啲難行囉... :P "女人唔駛做?!" ~頂你
閒趣: 受保護... 我就係唔多做到. :)
Mad Dog <---- 打!
Din: 你夠坦白時我都坦白. :)
剛翻到一份舊剪報，說到著名演說家Ziglar某天無意中問十五歲的兒子最欣賞他那一點，那少年人答道：『你深愛媽咪，並且一直對她好，這讓我們一直擁有一個美好的家。』
閒趣: wow, so sweet!
那八點在同一個男人身上出現的機會率...hum...至今還沒遇到過。
有一名符合七項，已結婚好幾年。現在修成正果，可是當年讓現在的嫂子肝腸寸斷啊。
多少同意巔兄的說法，女人是水做的，沒有為他哭過，可能並不愛他；還有，女人有事無事會找事擔心。
cosmicrays: "已結婚好幾年。現在修成正果，可是當年讓現在的嫂子肝腸寸斷啊" ha, 男人總令女人肝腸寸斷, 而好多女人都甘心如此.
無好唔好既男人, 只有愛唔愛既男人.
大家都有聽過d女人同男朋友分手時話:
你好好，但係我唔o岩你．
入得廚房既男人我麻麻地，因為廚房係我地頭，閒人免進. hehehehe
虎享: "無好唔好既男人, 只有愛唔愛既男人." 都啱! 入廚, 我只鍾意洗碗... :)
問完。她說那半項我都算做到。所以我做到七項。問完仲高分了。
五: 咁巴閉呀!
觀點與角度啫。
你咁既聲氣，似乎好不以為然。
五: 哈!
所以話, 愛情係盲目的.
不過分左手後, 我又會好快回復視力, 看通對方的缺點.
又或者, 我係反轉豬肚的人.
可能喺我心目中, 唔好話好男人, 而係真真叫得上係男人既都所餘無幾.... 好人, 我會認同, 但係男人果隻有擔帶, 好似越黎越小見...
或者我太沉迷張伯駒... 但轉個角度睇, 而家又有幾多個好似潘素咁既真女人...
愛美: 愛情的確係盲目嘅.
peg peg: 點解你個blog link無嘢嘅? 你個blog呢? :) 宜家好多人都變咗質又的確係嘅. 有咩社會有咩人.
mad dog: 但我有時諗, 我有份創造呢個社會...
究竟香港係一個點既社會? 想做一個愛國既人都要知道自己處於一個點樣既地方.
點解...住得越耐, 呢個地方, 呢到既人, 文化, 境況會令人覺得越黎越陌生?
peg peg: 喂, 你個blog呢??
md: 我無blog架....
Post a Comment