剛才終於去了看中醫, 是我一生人中第二三次左右. 四十多歲的中醫, 有點年輕, 是同事介紹的, 因為在公司附近, 又有煎藥服務, 不用回家"煲餐死". 原來他子承父業, 是另一年輕女同事的父親看過這位中醫的父親, 然後介紹的.
去看中醫都知道一定說要戒口, 但沒想到要戒那麼多, 最慘最慘是要戒吃牛, 我馬上叫苦連天, 中醫問: "為什麼? 你和牛有仇嗎?" 我連忙問: "咁食唔食得雞呀? 如果牛同雞都唔食得, 真係好慘!"
要戒的而我又記得的有: 牛, 鴨, 鵝, 南瓜, 矮瓜, 芒果, 榴槤, 凍飲, 甜的, 是甜的! 還有筍, 菇(又係我喜歡的!)... 水蛇春咁長! 洗唔洗呀?
暫別了Apple Crisp... :(
暫別了Tiramisu... :(
看來要繼續我的減肥計劃了. 今早上磅, 輕了兩磅, 都是因為戒吃了兩三天零食及午餐吃少一點的成績. 如果不吃牛和甜品, 或許可以更容易邁向減六至八磅的目標. OK OK, 這是唯一令人鼓舞的... 我要回服到瘦瘦, 瘦到家人及朋友都說要停止為止!
10 comments:
"要戒的而我又記得的有: 牛, 鴨, 鵝, 南瓜, 矮瓜, 芒果, 榴槤, 凍飲, 甜的, 是甜的! 還有筍, 菇(又係我喜歡的!)... 水蛇春咁長! 洗唔洗呀?"
!!!!
.....
咁即唔駛食.
yeah right... keep fit... :..(
喂﹗忍下口總好過周身病痛呀﹗
其實有好多食物都好毒，戒戒下就慣，分分鐘有意想不到的收穫﹗
話時話，適可宜止咁食少一點好啦，咪嚇親人﹗
喂﹗忍下口總好過周身病痛呀﹗
其實有好多食物都好毒，戒戒下就慣，分分鐘有意想不到的收穫﹗
話時話，適可宜止咁食少一點好啦，咪嚇親人﹗
"咪嚇親人"... 個陣都唔係太瘦chei... :P
減還減, 最緊要有肉, 平均.
保重身體.
唔理得你咁多，哈，一陣比人投訴，唔好嘈呀﹗
hahah... 最慘又最唔抵就係瘦開既地方更瘦, 肥開既地方唔係點瘦! :(
喂﹗邊有咁著數呀﹗一瘦就硬係瘦果個位先﹗你明啦 :) 唉...你估d明星咩，瘦?之後，竟然應該瘦的地方仲響度，簡直係奇蹟﹗(定係部電腦software犀利呢?)
你算吧啦﹗身體健康最緊要﹗仲話要咁，又要咁﹗保重﹗
通常都係咁...愈鍾意的愈要戒...唉...
Post a Comment