唉風三豬一定要幫襯克記, 仲話有咩零機價, 不過簽兩年另每月$498. 傻架?!我宜家用醒記每月都唔洗一舊水, 公司廁所同搭lift都收得好清楚, 兩次"wun"lift(被困)都打到電話, 仲想點? 隨時換手機又唔洗諗.
好"恨"唉風嘅話, 咪去先達買番部第一代unlock囉. 三豬, not particularly my cup of tea. 講真, 香港人貪新鮮, 兩嘢又要玩新款, 幾個月又無人玩架啦.
頭先同個friend傾開, 佢人在美國, 上年已開始玩唉風, 就係佢俾我第一次接觸過呢個玩具, 係好正嘅. 同佢講呢個$498 X 24, 佢話, 都唔係嘅, 咪當每月俾多$350. 即350 X 24. 我話, 350 X 24 (=8400), 夠去日本一趟啦, stupid!
11 comments:
零機價對有啲企業客，真係幾著數，因為月費有公司補貼，對佢哋嚟講，等於免費力部iphone走，月費方面等公司走數。
買iphone未必因為潮，iphone個系統穏定、界面靚、同埋順暢度高，再加埋改良咗唔少嘅fireware 2.0，email用微軟exchange atciveSync，真係幾吸引人。
講真和記個plan又覺得唔係特別貴，iphone最勁果part就係上網，買得 生豬iphone就預咗要上網架拉，所以一定要跟data plan，不過和記好似唔單止要跟月費plan，好似仲要跟埋指定增值服務，即係"娛樂及電影、財經、體育賽馬、生活消閒"果啲，果度唔知又要charge幾多錢，計落條數都幾和味。
每一代 unlock 仲貴呀，而家賣緊 >$5000 以上，同埋比起 生豬iphone，少咗唔少功能，買嚟都唔係好值。
妳唔講真係睇唔出妳每月月費 below $100，妳咁多朋友，通話分鐘都唔少，同埋妳唔使間唔中用部手機上網咩? 點計都唔止 below $100喎.
我死人都唔轉台架,醒記係我最愛,因為價錢合理,接收能力強,服務好又唔騙台費~要換機既話我會等Nokia & Sony ericsson 既Touch screen 3G手機~
哈哈, 我都係用緊醒記!
又係因為返屋企搭lift時都可以照傾唔會斷線, 覺得好方便, 所以即使其他台話平一半, 都唔轉!
tourist: 嘩, 你係咪克記人? 抑或蘋果人???? 五段喎... are you serious??? 企業客, 大佬, 我公司出電話俾我, 我會揀blackberry囉... 又或一早已用緊iphone, 洗用克記? 我十多年前用過克記, 近乎發誓以後唔再幫襯呢間公司. service差到一絕. 第一代iphone緊係唔洗$5000啦. 我要買, 美國有朋友可以幫我unlock埋添. 你好似都睇我blog一排, 竟然唔知我係勁憎講電話架? $90唔洗有1600分鐘, 我個個月用唔到500分鐘. 係我好朋友嘅, 我會夜晚響屋企用land line打俾佢同佢慢慢嗲囉. 手機煲粥, 想生腦癌咩. :P
karelian: 我死人都唔轉台架 - 我都差不多係咁諗... :)
閒遊: 咪係!
tourist: 忘記答你"同埋妳唔使間唔中用部手機上網咩?" 我每日返工八小時(or above) online, 返到屋企有時又上三小時, 仲唔夠呀? 手機對我嚟講真係打出打入同sms架咋. 鍾意iphone都係貪佢靚當玩具.
咁我又唔否認我對Apple呢間公司係有少少好感嘅，不嬲都幾有創意，Apple最近仲成為美國most admired company添http://money.cnn.com/magazines/fortune/mostadmired/2008/top20/index.html
我本身唔係用和記網絡，聽唔少人講以前幾差，但近幾年好似有所改良。不過要用行貨iphone，唯有局住用兩年，親身體驗佢嘅服務點樣。
$500月費係唔平，但妳平時間唔中一餐都盛惠>$500 以上 la，咪當每月食少餐囉，哈 ;P
香港有啲女仔買一條裙都幾皮嘢，一年咪著果兩三次，而家一皮嘢買部iphone兼包埋兩年月費，都算係咁啦。
妳平時買化粧品、靚衫、又呢樣又果樣，一個月閒閒地都幾千以上啦，而家只係力其中五百蚊出嚟唧。
blackberry有好多商務客用，不過只從今年三月Apple宣布可以透過 Mircosoft Exchnage ActiveSync 直接讀取 email，加上六月又宣布新一代iphone全面支援 Word, Excel, Powerpoint, pdf...，令到iphone喺商務應用方面直逼blackberry，同埋iphone喺娛樂性方面，聽歌、睇戲、上網，比起blackberry強，所以估計會撬走唔少blackberry客。最近有個調查訪問咗3600個手提用戶，問佢地嚟緊最想買邊隻smartphone，有56%嘅人選擇生豬iphone，選擇blackberry嘅只有23%，選擇nokia, htc, samsung果啲更加少:
http://legacy.macnn.com/articles/08/06/30/rbc.high.iphone.demand/
第一代iphone自從今年五月初己經冇得買(指官方渠道)，而家要買只有eBay，但個價都要成$680美金(換做港紙$5300)，同香港水貨價差唔多。另外，生豬iphone比起第一代iphone，喺通話素質方面清晰唔少，而且多咗個sensor，喺觸碰反應方面比第一代更佳，同時舊電池亦比第一代iphone長命，相比之下，而家呢個時候買第一代iphone真係買唔過。
同埋妳平時咁鍾意周圍食，iphone啱妳多啲，因為iphone有地圖search功能，可以search到係妳行經嘅地方有乜好落腳處，同時會show埋間shop嘅電話出嚟，妳一襟，就會幫妳打埋電話出去預約訂枱，非常方便。
用手機驚幅射，咪用耳機囉. ;)
另外，講番妳之前個post提到:
350x24=(8400)，8400夠去日本咩?
來回機票、加酒店食宿，仲要買埋嘢，8400 點夠? 唔通去日本齋walking? :-)
blah姐做乜為左個唉風咁燥呀? 好閒姐, 自古有求才有供, 克記個plan掂唔掂, 市場自然會話佢知. 呢d 野一唔對路, 克記即時曉變陣啦!
在blah姐和我呢d 醒記fans + 只係用個電話打出打入既人黎講, 係好難理解350x24點會係值既.
我都覺得唔值，但也有網友說compare with 必的國家價錢不是太貴。
tourist: 我都幾鍾意蘋果嘢， 不過迫住要人幫襯克記就唔順氣囉... 的確， 每人用錢嘅角度好唔同． 偶然一餐幾百蚊， 整貴少少嘅頭髮， 買對好少少嘅鞋， 打的， 我都覺得可以．．． 不過一向唔多煲電話粥嘅我， 係寧願用幾百蚊去食一餐或跳幾堂ballet會開心好多囉... :) 你講個survey係咪香港先??? 果時都未有呢個$498 plan. 你認為用耳機會無事??? 有少少怖懷疑．．． 我成日去食嘢， 一早就諗好， 唔慣周街行周街check咁辛苦． 講真, 24/7都online我會想死... $8400夠package 同少少pocket money囉. 4D3N 日本宜家$5000左右咋噃好幾個cities都係.
imak: 我都唔係好燥啫. :)
uncle ray: 咁比起外國就當然平， 人地broadband都貴我地好多， 無得比較.
iphone 真係吸引成咁咩? 一邊行街, 真係會一邊上網架? (絶無挑戰成份, 我想深入了解一啲) 好似係外國, 渣車時間咁多, 返到公司又有得上網, 其實周街上網既時間又有幾多呢? 又或者你坐車時, 上網做咩多呢? 一日email都唔過五封, 朋友電話都唔夠五個, 我係咪可以做古代人呢?
虎茶:
email、電話多少唔係衡量現代人嘅標準，據聞有啲大老細習慣將好多嘢交哂俾秘書處理，自己就好得閒。
又唔係話買部 iphone 番嚟，就一定要喺街度上網，係方便當妳有需要果陣，可以喺街度隨時上網唧。
有冇需要經常喺街度上網，呢個好睇個人需要、同埋工作性質囉。
有啲人習慣番到屋企先上網，咪覺得冇乜需要，但亦有啲人日程排到密，番屋企也要做正經嘢，反而喺車上先至有閒，果陣 iphone 就係其中一樣可以用嚟上網嘅工具。
又或者有啲人從事商務方面嘅工作，經常需要了解最新情況，萬一不在公司，或附近無電腦可上網，有部手機可上網就會就手好多。
我自己喺車上會揸著一啲資料睇，但有時會碰到一啲字眼唔係咁清晰，果陣咪用手機上網查下，有時亦會用嚟check下其他資訊，手機上網好過當街當巷攞部 notebook 上網，大陣仗得製。
一般人，如果係球迷，喺街度想知道最新賽果，手機上網很方便，如果係娛樂迷，喺車上可以用嚟上網睇 youtude，馬迷、玩股票果批人就更加唔使講啦。
喺街可以上網嘅最大好處，就係唔使就住喺屋企，或者返公司果陣先有得上，心血來潮就隨時可以上網睇睇。
至於妳話 iphone 真係吸引成咁?
喺娛樂方面，聽歌、睇戲、上網，暫時嚟講 iphone 比較強; 唔傾電話可以當 ipod touch 用；
商務方面，而家有 push email，而且支援埋 Word、Excel、Powerpoint、Pdf ，己經直逼blackberry
另外係 iphone 嘅創意，巿面上有唔少機都係學佢，自從 iphone 推出之後，巿面多咗唔少 Touch Screen 嘅手機，Nokia, blackberry 等公司都紛紛宣布即將有 Touch Screen 版本面世，就知佢對業界嘅影響有幾深遠。
當然，iphone 亦唔係絕對完美、毫無缺點，但整體表現嚟講，係佢比較得我心囉。
有啲機友話 iphone 有嘅功能其他手機都有，但 iphone 個界面、流暢程度、同埋穏定性，比起其他手機強，就好似話好多人都同樣有對腳，但有啲人跑得快啲、穏啲咁解。
如果買手機只係用嚟打出打入、收發SMS，冇諗過用嚟聽歌、睇video、上網，咁又唔使用iphone，有大把機可以選擇，iphone最強就係娛樂性，同埋上網，以及嚟緊喺商務應用方面嘅支援。
忽然覺得自己喺度做咗 iphone 傳道人，哈~
多拉姐:
個 survey 係美加果邊嘅，不過其實度度都差唔多，全世界都有唔少人鐘意 iphone ，有分析家估計到咗 2010 年，全球會賣出 三千五百萬 至 四千萬 隻 iphone:
http://www.macnn.com/articles/08/07/02/40.million.iphones.in.2010/
而家全世界所有分銷商仲要規定每人最多只可以購買一部 iphone，想買多部送人都唔得，可見對 iphone 幾咁有信心。
Post a Comment