Pages

Wednesday, July 12, 2006

牠們倆

今天想在工作上完成多一些東西(仲等緊做appraisal呀, 都係埋頭苦幹一下罷), 午飯時又到訪過多個每天都看的blogs, 包括在my delicious中的及放在我的google reader中的, 還有blog-you.com的. 今天稍後有時間再寫寫昨晚看過的電影"5X2"(Five Times Two).

為了讓訪客們不太悶, 尤其是沒有看過"As It Is In Heaven"電影的, 不如和大家分享一幅十年前拍的照片. 噢, 唔好意思, 我係唔會放自己張相上黎既, 多D神秘感好D.

牠們倆是我在大學時養的雀仔, 阿茂與阿李! (睇番張相都唔記得邊隻打邊隻!)

牠們倆陪伴我渡過在美國第三年的生活, 有許多辛苦及沮喪的日子, 記得買下牠們時是1995年九月, 不久之後便和身在香港的男友分手, 所以"茂李"在那段日子擔演十分重要的角色.

買牠們回來的時候, 問了雀店的人多次也答不到我哪隻是公, 哪隻是雌, 因為牠們太baby了. 一心希望有朝一天見到牠們會生兒育女, 怎知, 看過書後, 學會查看牠們的pet pet, 都認為他們應該都是仔來的... 其實有點諷刺, 因為那個夏天"失去"了兩個喜歡的人, 卻換來兩隻男仔雀!

後來畢業後決定返港, 在校園網上問有沒有人收留牠們, 兩星期裡接過多個電話, 記得一個美國女人多次來電想要牠們, 但由於她家中有數隻動物, 其中有一隻貓(我最討厭的傢伙), 為了確保"茂李"雀生安全, 我堅決反對, 但她再三強調貓兒很乖. 最後"茂李"去了另一個香港男學生處, 他名字好像是Dennis, 是讀Business的, 好友都認識他, 於是"茂李"便找到好人家了.

過去十年屢次在夢中見到"茂李", 不知道牠們現在還在不在世, 又住在什麼地方呢?

噢, 忘了說, 牠們是parakeets, 後來家人見相片, 說其實只是很cheap的"彩雀". :) 當年用了$90+USD買下牠倆的.

3 comments:

梁巔巔 said...

i. 頂~~~~ "茂李".....

ii. 呢種叫彩鳳, 亦係鸚鵡一種.

好耐以前, 佢哋都識講嘢嘅. 但後嚟非常普及成為人的飼養雀之後, 就遂漸消失咗講嘢天賦喇.

iii. 妳都好念舊長情~

mad dog said...

hahahah!!! 其實叫佢地做"茂李"係有典故架, 不過唔話你知. :) 我知, 係彩雀嘛, 我父母話, 雀仔街買可能$70一對!
我一向都念舊長情, 亦係我既致命傷... 唉...

梁巔巔 said...

"我一向都念舊長情,"

^^

"亦係我既致命傷... 唉..."

絕對明白.

唉....