說到怕怕的東西, 無無聊聊, 不如從頭到腳說說有什麼不敢試.
1. Cheap cheap地方(某些連鎖店的, S記除外)的洗頭水. 最便宜的都起碼去"老屈"或萬記買支廿多三十元的.
2. $300元電個髮. 咪攪.
3. $1000以下負離子. 咪攪.
4. Over the counter的隱形眼鏡(如日本藥房隨處可見的color contact lens). 會盲架!
5. Lasik減近視手術. 迄今仍未夠膽. 亦不太討厭天天要戴con.
6. 所有便宜連鎖店的護膚及/或化妝品. 一定去百貨公司專櫃買.
7. 紋眼線/紋眉/紋唇, 所有永久刻在臉上的東西都不喜歡.
8. 整容/隆胸
9. Botox (十多廿年後先算... ) ;)
10. Lip Fusion ~ 友人送我的lip gloss… 整整一年多也不敢用. 會敏感變豬嘴嗎??? (yellowline, 你有看嗎? :) 我其實有點怕... :p sorry... )11. 箍牙 (都算好彩啲牙算整齊, 又從無蛀牙)
12. Gel甲 ~ 無興趣
13. Belly Dance ~ 睇都麻麻, 何況跳?
14. Body piercing ~ 任何部位, 舉凡永久的都咪攪
15. Tattoo
諗到再加. 你呢?
22 comments:
我啱啱先考慮緊好唔好Tattoo :p
咁勁??? :)
我都是最怕動眼手術，搞到盲，慘過跛手跛腳呀。
你寫了「老屆」，本應想寫「老屈」吧？
哈哈哈，五師兄真係幽默~:D
@CR 唔係講笑：老屈是屈臣氏嘛！
電髮／負離子其實要幾錢架？？
原來大家有咁多樣驚嘅。等我也考慮寫吓先。橫掂呢排冇靈感。
剛才坐車時想：第日要不要去抽脂打botox呢。諗吓諗吓，整咗個樣咪好唔同囉。但係，人衰老是正常的過程，忽然一個唔該截斷了這條線，整到嗰樣同自己本來的樣子好唔同。咁咪好似「毀容」﹗
我現在不戴隱型眼鏡了。雖然戴了會靚好多，哈哈﹗
上次試一支有薄荷味的潤唇膏，結果出現敏感，成個咀紅晒﹗不是塗了口紅那種紅，是像不懂塗口紅塗到出晒界那種﹗
上次牙醫建議我箍牙，其實我的牙很整齊的，只是咬合位不正，她話要完美些，只箍上下四顆門牙，不過我一聽價錢馬上話不用了。
笨豬跳，一定不會去試。攞條命去玩的一定不會去做。
一千元做個負離子都好貴下哇？
留長指甲算不算呢？
chris: 咪係. 除非有朝一日戴唔到con先會考慮.
五師兄: oops...
cr: 我真係打錯字呀.
aulina: 唔想電傷頭髮負離子起碼$1000以上呀. 幾百蚊嗰啲整傷架.
readandeat: 咁又會大整, botox, 只不過想令衰老嘅肌膚無咁醜樣啫. 50/60歲似四十歲咪開心啲囉. :) 箍牙美國興嘛, 好似無人唔箍咁. 係箍就要teenager時箍呀. 幾十歲箍好似有少少尷尬係嘛?? :) 係喎bungee jump或sky dive我都唔得, 會死人!
uncle ray: 係咁貴架. 留長咪慳錢囉, 好呀.
想了差不多五分鐘,怕的事很多,但若是比較日常會發生的原來是:講價~
readandeat: typo, 我意思係"咁又唔會大整"
jaycy: 講價, 我會架! :) hahaha! 街邊檔先會啦當然... 同好貴嘅嘢囉, 如買表買樓. 百貨公司就唔會啦. :)
隆胸! I support! 係值得嘅!
剪頭髮below $200 我都驚ga! 一陣幫我剪個果d所謂好潮既學生頭, 無仇報ga 嘛!
eeeason: 我話唔會考慮噃, 有無睇嘢架?!
imak: hahah, 係架, 非常驚.
紋眼線/紋眉 - 我都有, 與其朝朝劃一大輪, 不如一了百了.
Botox - 上個月有衝動去打, 消眼肚, 聽人講完過程, 決定早抖, 算了.
Lip Fusion用時有點"吉吉"地的感覺, 可能將唇刺激呱,ok架,唔會好勁變豬咀,放心用啦
愛美: Botox過程好驚嚇?
啊，忘記說上次去Sephora試Lip Fusion。試完後嘴唇很痕，跟著紅晒﹗請問這是否正常效果呢？哈﹗
嘩，樓上有人敢膽去打Botox？我聽見個中文名已打晒冷震。不如塗點強力去皺霜算了。
啊，忘記說上次去Sephora試Lip Fusion。試完後嘴唇很痕，跟著紅晒﹗請問這是否正常效果呢？哈﹗
嘩，樓上有人敢膽去打Botox？我聽見個中文名已打晒冷震。不如塗點強力去皺霜算了。
我有一個朋友推介我做眼袋, 話每邊打少少就得(打針), 有點心思思.
後來另一個朋友話要由臉頰開始打上去, 嚇得我不敢做了 :p
readandeat: 嘩, 你咁講我再驚啲. 可能要丟?
愛美: 打針, 十個驚嚇.
Post a Comment